Stóra upplestrarkeppnin í Skagafirði
Lokahátíð Stóru upplestrarkeppninnar í Skagafirði var haldin í gær í sal Fjölbrautaskóla Norðurlands vestra. Þar áttu allir grunnskólar í firðinum glæsilega fulltrúa auk þess sem nemendur Tónlistarskóla Skagafjarðar úr Grunnskólanum austan Vatna fluttu tónlist milli atriða.
Laufey Leifsdóttir, umsjónarmaður keppninnar í héraði, setti hátíðina en þetta mun vera í 18. skiptið sem þessi keppni er haldin hér. Undirbúningur keppninnar hefst á Degi íslenskrar tungu, þann 16. nóvember, og allir nemendur 7. bekkjar fá markvissa þjálfun í upplestri og framsögn þar til skólarnir velja sína fulltrúa sem oftast er gert í lok febrúar eða byrjun mars. Þannig snýst þetta verkefni fyrst og fremst um þjálfun allra nemenda þó nokkrir séu svo valdir að lokum til að keppa sem fulltrúar síns skóla.
Að þessu sinni lásu nemendur texta úr bókinni Strokubörnin á Skuggaskeri eftir Sigrúnu Eldjárn, ljóð eftir Ólaf Jóhann Sigurðsson og að lokum ljóð að eigin vali. Óhætt er að segja að allir lesarar hafi flutt texta sína með stakri prýði.
Fyrsta sætinu hampaði Vignir Nói Sveinsson úr Grunnskólanum austan Vatna, í öðru sæti varð Þórgunnur Þórarinsdóttir úr Árskóla og í þriðja sæti Lydía Einarsdóttir úr Varmahlíðarskóla.
Allir þátttakendur fengu, sem viðurkenningu fyrir þátttökuna, sérprentaða ljóðabók eftir Ólaf Jóhann Sigurðsson frá Félagi íslenskra bókaútgefenda og auk þess fengu verðlaunahafarnir þrír peningagjöf.
Til hamingju með árangurinn krakkar.
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.