Styrkjum úthlutað úr Menningarsjóði KS
Menningarsjóður Kaupfélags Skagfirðinga úthlutaði í gær, 19. desember, styrkjum til margvíslegra verkefna á sviði menningar og lista. Að þessu sinni hlutu 28 aðilar styrk úr sjóðnum og voru það þeir Þórólfur Gíslason kaupfélagsstjóri og Bjarni Maronsson, stjórnarformaður KS, sem afhentu styrkina. Auk þeirra sitja í stjórn Menningarsjóðsins þau Efemía Björnsdóttir, Einar Gíslason og Inga Valdís Tómasdóttir.
Einnig var afhentur farandbikar til minningar um Stefán Guðmundsson, fyrrverandi stjórnarformann Kaupfélags Skagfirðinga, og konu hans, Hrafnhildi Stefánsdóttur. Bikarinn hlaut að þessu sinni Tsvetan Tsvetanov Michevski, júdókappi sem æfir með júdódeild Tindastóls. Hann er 17 ára gamall og hefur æft með deildinni frá því í september 2016, þá nýfluttur til Sauðárkróks frá Búlgaríu ásamt fjölskyldu sinni. Hann hefur á þessum tíma náð góðum árangri í greininni og varð í haust í 1. sæti á haustmóti Júdósambands Íslands.
Synir þeirra hjóna og sonarsonur, Ómar Bragi og Stefán Vagn Stefánssynir og Ingvi Hrannar Ómarsson, sáu um úthlutun bikarsins.
Að lokinni afhendingu styrkjanna tóku nokkrir styrkþeganna til máls og þökkuðu fyrir þann stuðning og velvilja sem þeirra framtaki væri sýnt með stuðningi sjóðsins.
Allir geta sótt um styrk í sjóðinn en stundum hefur sjóðurinn sjálfur frumkvæði að úthlutunum. Eftirtaldir aðilar hlutu styrki og er röðin tilviljanakennd og segir ekki til um upphæðir styrkjanna:
Hestamannafélagið Skagfirðingur
Guðrún Björk Pétursdóttir
Sturlunganefnd
Júdódeild Tindastóls
Samgönguminjasafnið í Stóragerði
Ungmenna og íþróttafélagið Smári
Náttúrulækningafélag Íslands
Búminjasafnið í Lindabæ
Guðbrandsstofnun
Utanfararsjóður sjúkra í Skagafirði
Hólaneskirkja
Sögufélag Skagfirðinga
Skagfirðingasveit - Björgunarsveit
Pilsaþytur í Skagafirði
Á Sturlungaslóð í Skagafirði
Sunddeild Tindastóls
Digital horse ehf.
Skíðadeild Tindastóls
Heimilisiðnaðarsafnið
Jón Ormar Ormsson
Kvennakórinn Sóldís
Rökkurkórinn
Sönghópur Félags eldri borgara í Skagafirði
Karlakór Bólstaðarhlíðarhrepps
Kirkjukór Sauðárkrókskirkju
Karlakórinn Heimir
Skagfirski kammerkórinn
Jón Bjarnason
Fleiri fréttir
-
Öldungamót Smára
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 09.20Nú er lag fyrir gamlar frálsíþróttakempur og aðra áhugasama að skrá sig á öldungamót Smára sem fram fer í íþróttahúsinu í Varmahlíð laugardaginn 20.apríl nk.Meira -
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.