Svæðisfundur um Norðurstrandarleiðina
„Hefur þú áhuga á að taka þátt í að móta nýtt og spennandi verkefni á Norðurlandi?“ Þannig hljóðar upphafið að tilkynningu frá Sveitarfélaginu Skagafirði þar sem auglýstur er svæðisfundur fyrir Skagafjörð um Norðurstrandarleiðina eða Arctic Coast Way sem nú er verið að móta.
Fundurinn verður haldinn á Ólafshúsi á morgun, 22. nóvember, frá kl. 16-18. Markmið fundarins er að draga fram það besta sem svæðið hefur upp á að bjóða í fjórum flokkum:
- Besta gönguleiðin.
- Besta ströndin.
- Besti staðurinn til að horfa á miðnætursólina.
- Besti staðurinn til að fylgjast með norðurljósum.
Fundurinn er opinn öllum þeim sem áhuga hafa á svæðinu og vilja taka þátt í mótun verkefnisins.
Nauðsynlegt er að skrá þátttöku með því að senda póst á bryndisl@skagafjordur.is.
Eins og áður hefur komið fram á Feyki.is er Arctic Coast Way eða Norðurstrandarleið nýtt og spennandi verkefni sem ætlað er að draga athygli ferðamanna að strandlengjunni meðfram Norðurlandi. Verkefnið snýst um að búa til svokallaðan ferðamannaveg en slíkir vegir eru þekktir í ferðaþjónustu á heimsvísu sem verkfæri til að beina ferðamönnum eftir ákveðnum vegum á ákveðin svæði. Markaðsstofa Norðurlands heldur utan um verkefnið og er verkefnastjóri Christiane Stadler. Auk Markaðsstofunnar er sérstakur stýrihópur starfandi fyrir verkefnið. Í honum eru nú 17 manns sem koma frá öllu því svæði sem Arctic Coast Way nær til, frá Hvammstanga til Bakkafjarðar.
Fleiri fréttir af Norðurstrandarleið má finna hér: Norðurstrandarleið á góðum rekspöl, Arctic Coastline Route - Strandvegur um Norðurland og Sveitarfélög í Húnavatnssýslum taka þátt í Arctic Coast Way
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.