Tíundi sigur Tindastóls í röð
Tindastólsmenn fengu lið Dalvíkur/Reynis í heimsókn á Krókinn í kvöld og var viðureignin nokkuð spennandi þó ekki hafi leikurinn verið sérlega rismikill. Tindastóll var þó sterkari aðilinn eins og búast mátti við og uppskar sigurmark þegar skammt var til leiksloka. Stólarnir eru því á toppnum eftir ellefu umferðir og hafa nú sigrað í tíu leikjum í röð í 3. deildinni.
Lið Tindastóls lék undan napri norðangolu í fyrri hálfleik og skapaði sér nokkur færi en fátt var um dauðafæri. Gestirnir létu Brentton Muhammad í marki Stólanna hafa aðeins fyrir sér snemma leiks en þá varði hann boltann í stöng. Eyfirðingar sköpuðu fátt annað markvert í fyrri hálfleik og staðan 0-0 í hálfleik.
Heldur dró úr vindinum í síðari hálfleik og áfram voru það Tindastólsmenn sem réðu ferðinni en vörn gestanna var seig með Snorra Eldjárn Hauksson fyrirliða í fínu formi. Lið Dalvíkur/Reynis náði góðri skyndisókn um miðjan síðari hálfleik, komust á auðan sjó en skutu yfir mark Tindastóls. Leikar æstust eftir því sem á leið og dómarinn sýndi gula spjaldið reglulega. Ragnar Gunnars, Óskar Smári og Hólmar Skúla komu inná hjá heimamönnum til að fríska upp á sóknina og það var loks á 88. mínútu sem sigurmark leiksins leit dagsins ljós. Þá náði Kenneth Hogg að búa sér til pláss á milli varnarmanna gestanna og Bjarni Smári átti silkisendingu beint í svæðið og Hogg stakk sér inn fyrir og skoraði af öryggi.
Stólarnir hafa oft spilað betur í sumar en gestirnir voru vel skipulagðir og gáfu fá færi á sér. Hogg og Stephen Walmsley áttu fínan leik og vörnin stóð vel fyrir sínu með Muhammad í fyrirlestraformi fyrir aftan sig.
Næsti leikur Tindastóls er einnig hér heima en fimmtudaginn 4. ágúst kemur lið Reynis úr Sandgerði á Krókinn. Síðan heimsækja Stólarnir Knattspyrnufélag Rangæinga sem gerði sér lítið fyrir í kvöld og skellti Víði Garði 6-1 á SS-vellinum – létt slátrun í gangi þar. Lið Tindastóls er því eitt á toppi 3. deildar með 30 stig að loknum ellefu leikjum
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.