Veðurklúbburinn á Dalbæ
Þriðjudaginn 6. desember 2016 komu félagar í Veðurklúbbnum á Dalbæ saman til fundar. Fundurinn hófst kl. 14:00. Þar sem í mörgu var að snúast á jólaföstu voru fundarmenn óvenjufáir eða sjö talsins. Fundinum lauk kl. 14:15.
Að vonum voru klúbbfélagar mjög ánægðir með hversu sannspáir menn voru varðandi veður í nóvember. Nýtt tungl kviknaði 29. nóvember og svo sem getið var um í síðustu spá er það ráðandi fyrir veðurfar í desember. Næst kviknar tungl 29. desember í austri og er það jólatungl. Jafnvel má búast við breytingum á veðri upp úr því.
Í megindráttum verður veður í desember svipað og það hefur verið undanfarið, margátta og hlýtt m.v. árstíma. Jól og áramót verða flekkótt en engin illviðri.
Veðurvísa desember mánaðar
Þó desember sé dimmur,
þá dýrðleg á hann jól.
Með honum endar árið
og aftur hækkar sól.
Með bestu óskum um gleðileg jól.
Veðurklúbburinn á Dalbæ
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.