Veitt viðurkenning fyrir skyndihjálparafrek
Í tengslum við aðalfund Rauða krossins í Skagafirði í síðustu viku var Pétri Erni Jóhannssyni veitt sérstök viðurkenning frá Rauða krossinum vegna skyndihjálparafreks hans á síðasta hausti þegar hann veitti vinnufélaga sínum, Richard Zarikov, fyrstu hjálp þegar hann fór í hjartastopp.
Pétur segir Richard hafa verið í vinnu hjá honum á Áka bifreiðaþjónustu. Richard var kominn til vinnu á undan Pétri þennan morgun en örstuttu eftir að Pétur mætti fékk Richard krampakast sem varði í stutta stund og hneig svo niður, meðvitundarlaus. „Ég byrjaði á að taka púls en hann varð strax náfölur og fór svo að blána. Þegar ég fann engan púls fór ég að hnoða og hringdi svo á neyðarlínuna. Þeir voru mjög snöggir á staðinn, ég held þeir hafi verið innan við fimm mínútur. Ég hélt bara áfram þar til þeir komu og tóku við en það tók þó nokkra stund að ná honum í gang aftur,“ segir Pétur.
Aðspurður um hvernig tilfinning það sé að lenda í svona aðstæðum segir Pétur að þetta sé náttúrulega mjög sérstakt. „Ég gerði mér fljótt grein fyrir því að það væri ekki allt eðlilegt svo ég ákvað að reyna að halda ró minni og byraði að hnoða áður en ég hringdi eftir hjálp. Ég var rólegur allan tímann en eftir að sjúkraliðið var farið þá kláraði ég einn bíl en svo hafði ég ekki orku í meira og fór heim. Þá var klukkan orðin svona hálf ellefu.“ Atvikið varð á föstudagsmorgni og á laugardagskvöld fékk Pétur fréttir af því að Richard væri kominn til meðvitundar. „Það létti nú mikið á að vita að hann væri vaknaður þannig að ég keyrði strax suður á sunnudagsmorgun til þess að kíkja á hann á sjúkrahúsinu.“
Hvetur alla til að læra skyndhjálp
Richard er ungur maður, ekki nema 21 árs, og óvenjulegt er að svo ungt fólk fari í hjartastopp. Pétur segir að engin ástæða hafi fundist fyrir því að þetta gerðist, þrátt fyrir miklar rannsóknir. Richard er nú kominn með gangráð og heilsast vel.
Pétur tók skyndihjálparnámskeið þegar hann var við nám í Fjölbrautarskólanum. „Það er orðið langt síðan,“ segir Pétur, „en kom engu að síður að góðum notum. Persónulega hvet ég sem flesta til að fara á skyndihjálparnámskeið og rifja það upp reglulega. Eftir þetta atvik hef ég talað um það við marga, að þetta sé eitthvað sem fólk þarf að gera, þó svo að mér hafi ekki þótt það áður.“
Rauði krossinn í Skagafirði stendur reglulega fyrir námskeiðum í skyndihjálp. Guðný Zoëga, formaður, segir Rauða krossinn í Skagafirði búa svo vel að að hafa fjóra skyndihjálparkennara í héraðinu og bara á síðasta ári hafi 490 manns komið á 44 námskeið sem haldin voru. Þá hefur Rauði krossinn í Skagafirði gefið grunnskólunum námskeið fyrir 10. bekk. Við lítum svo á að það sé samfélagsleg skylda okkar að koma þessu á framfæri og leggjum mjög mikla áherslu á það,“ segir Guðný.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.