Viðamikil kynning hjá Kiwanis á laugardaginn
Kiwanisklúbburinn Drangey í Skagafirði hefur ýmislegt á prjónunum nú á þessu starfsári, að sögn Ólafs Jónssonar, framámanns í klúbbnum. „Starf klúbbsins er í blóma og má segja að hið mikla átak er við stóðum fyrir á síðasta ári skili sér í góðu starfi,“ sagði hann í samtali við Feyki í gær.
Hafið er annað ár í samstarfsverkefni klúbbsins og Heilbrigðisstofnunar Norðurlands á Sauðárkróki í skimun fyrir ristilkrabbameini. „Verkefnið gengur vonum framar og er þátttaka þeirra er boðsbréf fá afar góð. Kostnaður við þetta verkefni er um 1.8 miljónir á ári,“ sagði Ólafur.
Næstkomandi laugardag verður klúbburinn með kynningarfund þar sem hann kynnir starfsemi sína og fær til liðs við sig fulltrúa frá þeim aðilum er styrktir hafa verið með einhverju móti á liðnum árum. „Hyggjumst við fá umsögn aðila um starf okkar jafnframt því sem við munum fara yfir fjáraflanir okkar og hvernig við verjum þeim fjármunum. Fáum við að því tilefni ýmis tæki og búnað frá þeim aðilum til sýnis fyrir utan fundarstaðinn að Borgarmýri 1, Gott í gogginn,“ sagði Ólafur ennfremur. Kynningarfundurinn hefst kl. 15 á laugardaginn og stendur til kl. 17.
Auk þessa segir Ólafur að áætluð sé fundarheimsókn til félaga í Kiwanisskúbbnum Herðubreið á Mývatni þann 20. febrúar næstkomandi. Það styttist síðan í marsmánuð og skipulagningu söfnunar fyrir Krabbameinsfélag Skagafjarðar. „Hefur þar ýmislegt verið til skoðunar, efst er þó á óskalistanum að vera með símasöfnun í gegnum svokölluð 900 númer og mun sú söfnun þá standa yfir í marsmánuði í tilefni mottumars,“ sagði Ólafur að lokum.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.