Opið hús á Varmalandi

Hryssa með folald og Varmaland í baksýn. Mynd: Varmaland.
Hryssa með folald og Varmaland í baksýn. Mynd: Varmaland.

Það stefnir í góða Laufskálaréttarhelgi í Skagafirði þar sem veðurguðirnir ætla að splæsa logni og yfir 10 stiga hita á laugardag. Á föstudag verður einhver úði en rétt til að rykbinda reiðvegi og velli hjá þeim búum sem bjóða gestum að líta við.

Eins og undanfarin ár verður opið hús á Varmalandi í Sæmundarhlíð í tilefni Laufskálaréttar á föstudaginn frá kl.13 til 17. Þar verða til sýnis og sölu folöld, trippi og tamin hross.
Heitt verður á könnunni og léttar veitingar og allir velkomnir, segir í tilkynningu frá fjölskyldunni á Varmalandi.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir