Skákþingi Skagafjarðar lokið - Pálmi Sighvats Skagafjarðarmeistari

Jón Arnljótsson, Pálmi Sighvats, Hörður Ingimarsson og Baldvin Kristjánsson. Mynd: Skákklúbbur Sauðárkróks.
Jón Arnljótsson, Pálmi Sighvats, Hörður Ingimarsson og Baldvin Kristjánsson. Mynd: Skákklúbbur Sauðárkróks.

Pálmi Sighvatsson sigraði á Skákþingi Skagafjarðar, sem lauk sl. miðvikudagskvöldi en hann hlaut fullt hús stiga, 5 vinninga af 5 mögulegum. Titilinn hafði hann tryggt sér fyrir síðustu umferð með eins og hálfs vinnings forskot.

Jón Arnljótsson varð í öðru sæti með 3 og 1/2 vinning, Hörður Ingimarsson í þriðja, með 2 og 1/2 og 3,75 stig, en Baldvin Kristjánsson varð fjórði, einnig með 2 og 1/2 vinning, en 2,75 stig.  Guðmundur Gunnarsson varð fimmti og Einar Örn Hreinsson sjötti.

Næsta miðvikudagskvöld, 13. des., er fyrirhugað hraðskákmót, þar sem umhugsunartíminn er 5 mínútur. Umferðafjöldi ræðst af fjölda þátttakenda, en stefnt er á 10 - 14 umferðir.

Sjá nánar á heimasíðu Skákfélags Sauðárkróks

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir