Átta sigrar í röð hjá Tindastólsmönnum
Það var leikið í rjómablíðu á Sauðárkróksvelli í dag en þá fengu Tindastólsmenn liðsmenn Kára af Akranesi í heimsókn. Lið Tindastóls var sterkari aðilinn í leiknum og uppskar sanngjarnan 1-0 sigur þrátt fyrir nokkra pressu gestanna undir lok leiks.
Sem fyrr segir voru aðstæður frábærar á Króknum í dag, stillt og hitinn um 20 gráður. Kannski var veðrið of gott því að það virtist vanta kraftinn í leikmenn. Stólarnir fóru þó vel af stað og hefðu átt að komast yfir á fyrsta stundarfjórðungnum en síðan gerðist fátt markvert utan það að Stólarnir komu boltanum í mark Kára en voru dæmdir rangstæðir. Brentton Muhammad hafði það náðugt í marki Tindastóls þar sem gestirnir sköpuðu lítið. Staðan í hálfleik 0-0.
Eina mark leiksins leit dagsins ljós á 49. mínútu en Stólarnir höfðu þá haft boltann nánast frá því að leikurinn var flautaður á. Ingvi Hrannar tók innkast til móts við vítateig Kára, boltinn barst til Konna sem lagði boltann snyrtilega inn fyrir vörn gestanna og þar var Kenneth Hogg mættur og kom boltanum í mark gestanna í annarri tilraun eftir að Skarphéðinn Magnússon hafði varið frá honum.
Eftir þetta bökkuðu Stólarnir talsvert og létu gestina hafa fyrir hlutunum. Þeir sköpuðu lítið en Stólarnir voru klaufar að klára ekki leikinn eftir að hafa fengið nokkur ágæt færi til þess. Kárarnir fengu nokkrar aukaspyrnur talsvert frá marki Stólanna síðustu mínútur leiksins og dældu boltum inn í teig en líkt og svo oft áður þá skölluðu Bjarki og félagar þetta meira og minna allt í burtu. Í uppbótartíma hefði þó Jón Björgvin Kristjánsson getað hegnt Stólunum þegar hann fékk frían skalla á fjærstöng en hann skallaði boltann fyrir markið og naumlega framhjá.
Lið Tindastóls er að spila vel um þessar mundir, vörnin er þétt og sóknin frísk. Rétt eins og gegn Þrótti Vogum fyrr í sumar þá áttu þeir þó að vera búnir að gera út um leikinn í stað þess að bjóða hættunni heim í lokin. Öfugt við síðustu sumur hafa andstæðingarnir ekki náð að hegna Stólunum þegar tækifæri hafa gefist. Í dag hefðu áhorfendur kannski viljað sjá liðið halda boltanum betur, enda eru fínir spilarar á miðjunni og kannski óþarfi að klára allar sóknir leifturhratt.
Nú er fyrri umferð 3. deildar lokið og Tindastóll og Víðir með góða forystu í fyrstu tveimur sætunum, bæði með 24 stig en Stólarnir með hagstæðari markatölu. Vængir Júpíters eru í þriðja sæti með 16 stig og þeir mæta á Krókinn næstkomandi föstudagskvöld og sigur gegn þeim væri frábært veganesti inn í síðari umferðina.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.