„Ýmsar sögur segja má af Sæluvikum góðum“ - Sæluvika Skagfirðinga er hafin
Sæluvika Skagfirðinga var sett í blíðaskaparveðri í gær en athöfnin fór fram í Safnahúsinu á Sauðárkróki. Þá var opnuð glæsileg myndlistarsýning Hallrúnar Ásgrímsdóttur, tilkynnt úrslit í Vísnakeppni Safnahúss Skagfirðinga og opinberað hver hlyti fyrstu Samfélagsverðlaun Sveitarfélagsins Skagafjarðar, sem afhent verða í Sæluviku ár hvert framvegis. Nemendur úr Tónlistarskóla Skagafjarðar léku nokkur lög á milli ávarpa.
Það var Sigríður Svavarsdóttir, forseti sveitarstjórnar Sveitarfélagsins Skagafjarðar, sem setti Sæluvikuna og að því loknu tilkynnti Ásta Björg Pálmadóttir sveitarstjóri um fyrsta verðlaunahafa Samfélagsverðlaunanna. Í máli hennar kom fram að fjölmargar góðar ábendingar hafi borist en að þessu sinni er það Stefán Pedersen ljósmyndari á Sauðárkróki sem hlýtur verðlaunin.
„Stefán hefur í leik og starfi auðgað mannlíf og menningu Skagafjarðar með ljósmyndum sínum, sýningum, þátttöku í íþróttum og félagsmálum íþróttahreyfingarinnar, ábyrgðarstörfum fyrir samfélag sitt, virkri þátttöku í tónlistarlífi og síðast ekki síst náungakærleik sem birtist á svo margvíslegan hátt, m.a. gagnvart eldri borgurum,“ sagði Ásta þegar hún afhenti Stefáni verðlaunin.
Rúnar og Gunnar áttu bestu botnana
Páll Friðriksson tilkynnti úrslit í Vísnakeppni Safnahússins en verðlaunahafar voru þeir Gunnar Rögnvaldsson fyrir bestu vísuna og Rúnar Kristjánsson fyrir besta botninn.
Besti botninn kom frá Skagaströnd frá Rúnari Kristjánssyni sem gefur í skyn að einhverjir kynnu að hafa komið undir í Sæluvikunni og sagðist Páll alls ekki ekki telja það útilokað. Þannig hljómar þá vísan með botni Rúnars.
Ýmsar sögur segja má
af Sæluvikum góðum.
Margur þar sitt upphaf á
undir Nöfum hljóðum.
En kosningavísan sem þótti standa upp úr að þessu sinni kemur frá Gunnari Rögnvaldssyni og fjallar um frambjóðanda sem enn hefur ekki gefið kost á sér en nafni hans var samt mikið haldið á lofti í vetur. Heyrðist það gjarna hjá Heimismönnum sem og í Blönduhlíðinni og nærsveitum og greinilegt að Gunnar er viss í sinni sök.
Bessastaða bragur rís
blakta flögg með tröðum.
Þegar ég og þjóðin kýs
Þórólf á Hjaltastöðum.
Meðfylgjandi eru myndir teknar á þessum fallega sunnudegi, bæði við setningu Sæluvikunnar í Safnahúsinu og aðeins fyrr um daginn af sundlaugagestum á Hofsósi spóka sig í blíðviðrinu.
Feykir óskar Skagfirðingum og nærsveitungum gleðilegrar Sæluviku, hér má skoða dagskrána sem framundan er.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.