VSOT í Bifröst í kvöld
Hinir margrómuðu VSOT tónleikar verða haldnir i Bifröst í kvöld og samkvæmt síðustu fréttum hefjast þeir klukkan 20. Að sögn Þórólfs Stefánssonar, eins skipuleggjanda tónleikanna, verður þetta hátíð gleðinnar, kærleikans og vináttu og ekki síst hátíð listamanna sem eru búsettir á Krók eða af Króknum.
„Eins og margir þekkja til eru heimamenn og brottfluttir að vinna saman og skapa menningu. Þetta hefur alltaf heppnast mjög vel og ég vil halda því fram að sjálft húsið eigi sinn þátt í því, menningarhúsið og félagsheimilið Bifröst. Það er einhver viss andi í húsinu sem gerir það,“ segir Þórólfur.
Nú eru liðin 10 ár síðan fyrstu tónleikarnir voru haldnir en Þórólfur segir að tvisvar hafi komið fyrir að þeir hafi fallið niður svo litið er á að um 10 ára starfsemi sé að ræða.
Heyrst hefur að aðkomumenn komi og spili sem ekki hafi beina tengingu við Skagafjörð og Þórólfur hefur skýringu á því. „Við lentum í rosalegu veseni, fundum enga trommuleikara, fólk var ekki tilbúið eða svöruðu ekki skilaboðum. Svo það var farið í að redda því en þeir sem koma eru Halldór G. Hauksson eða Halli Gulli og Lárus Halldór Grímsson.“
Þórólfur segir Halla Gulla ættaðan úr Fljótum svo það sé spurning hvort kalla ætti hann aðkomumann en hann hefur m.a. spilað með stórsveitum á borð við Stjórninni og í sýningunni Danslagakeppnin á Króknum 60 ára. „Hinn er Lárus Halldór Grímsson sem m.a. lék í hljómsveitinni Eik, hámenntaður tónlistarmaður og ekkert nema elskulegheitin. Hann er tengdur hingað í fjörðinn í gegnum Hermann Sæmundsson. Og það var Hermann sem ýtti honum í fangið á okkur og við létum það gerast. Við bjóðum þessa menn velkomna og vonum að þeir verði ekki fyrir aðkasti heimamanna,“ segir Þórólfur og hlær.
En við hverju má fólk búast í kvöld?
„Fólk má búast við tárum, hlátri, gleði, hamingju og jafnvel barneignum,“ svarar Þórólfur og brosir breitt.
Fleiri fréttir
-
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira -
Nóg af verkefnum framundan hjá Fornverkaskólanum
feykir.is Skagafjörður, Listir og menning 21.04.2024 kl. 13.44Það er óhætt að segja að það verður nóg að gera hjá Fornverkaskólanum á árinu. Í lok apríl ætlum við að bregða fyrir okkur betri fætinum og taka stefnuna austur á Seyðisfjörð, þar sem Fornverkaskólinn ætlar að kynna torfarfinn fyrir nemendum LungA lýðskóla. Námskeiðið verður að stórum hluta í máli og myndum og ef veður verður skaplegt og sæmilegt færi verður mögulega hægt að grípa í skóflu og undirristuspaða til ánægju og yndisauka. Setji snjór og vetrarfærð okkur skorður er e.t.v. hægt að fara í tilraunaverkefni með snjóhnausa og streng.Meira -
Heiminn vantar fleiri faðmlög | Leiðari 14. tbl 2024
feykir.is Aðsendar greinar 21.04.2024 kl. 12.08Faðmlag er eitt af mörgum fallegum orðum í íslenskunni. „Faðmlög eru einstaklega jákvæð leið til samskipta og til að sýna væntumþykju. Vinir faðmast og við sýnum fólkinu okkar væntumþykju með faðmlögum,“ segir á netsíðunni Hjartalíf.is og þar er reyndar sagt að faðmlög minnki hættuna á hjarta- og æðasjúkdómum og losi um streytu. Það eru því fá – ef einhver – lög betri en faðmlögin og þau ættu að ósekju að tróna á toppi vinsældalista okkar íbúa bláa hnattarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.