Chilli camenbert dýfa, pestókjúklingaréttur og dísætur kókosbolludesert
„Við kjósum að elda einfalda og fljótlega rétti,“ segja matgæðingar 41. tölublaðs ársins 2015, Hallfríður Sigurbjörg Óladóttir og Kristinn Rúnar Víglundsson í Dæli í Víðidal, Húnaþingi vestra. Þau bjóða lesendum upp á ofnhitaða Chilli camenbert dýfu í forrétt, pestókjúklingarétt í aðalrétt og að lokum dísætan desert.
Forréttur
Chilli camenbert dýfa með kexi og vínberjum
1 camenbert ostur
súrsæt chilli sósa
vnber
kex eftir smekk (hvítlauks/papriku)
Aðferð: Setjið ostinn í eldfast mót og svo sósu yfir eftir smekk. Bakið ostinn við 180°C í 8-10 mín. Borðiðeð kexi og vínberum.
Aðalréttur
Pestókjúklingaréttur
500 gr kjúklingabringur
100 gr rautt pesto
200 gr Dala fetaostur í kryddolíu
pasta
Aðferð: Skerið kjúklingabringurnar niður í litla bita (munnbita) steikið létt á pönnu. Setjið svo kjúklinginn í eldfast mót og hellið yfir hann rauðu pestói og fetaostinum (hafið olíuna með). Ofninn á að vera stilltur á 180°C í 20 mínútur. Eldið svo pasta til að hafa með.
Eftirréttur
Dísætur kókosbolludesert
½ l rjómi
4 kókosbollur
1 marensbotn (að eigin vali)
250 gr Nóa kropp
1 askja jarðaber
Aðferð: Þeytið rjómann. Blandið Nóa kroppi út í helminginn af rjómanum og breiðið í botninn á forminu. Brjótið marensbotninn í litla bita og dreifið yfir rjómann og Nóa kroppið. Setjið svo kókosbollurnar saman við rjómann, sem eftir er, og blandið saman. Setjið svo kókosblönduna ofan á marensinn. Skerið jarðaberin niður og skreytið.
Geymist í kæli í nokkrar klukkustundir áður en borið er fram.
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.