Humarsúpa ala Áslaug og Oreo ostakaka
Matgæðingar Feykis í 32. tölublaði ársins 2015 voru þau Áslaug Ottósdóttir og Sigurður Sverrir Ólafur Hallgrímsson frá Skagaströnd. Þau sendu inn girnilegar uppskriftir; humarsúpu að hætti Áslaugar í forrétt, beikon- og piparostafylltan hamborgara í aðalrétt, ásamt uppskrift af heimagerðu hamborgarabrauði, og loks Oreo ostaköku í eftirrétt.
Uppskriftirnar birtast í tveimur hlutum, hér er uppskriftin af humarsúpunni og Oreo ostakökunni en grillborgarinn girnilegi verður í næsta þætti.
Forréttur
Humarsúpa ala Áslaug
1 laukur
1 hvítlaukur
2 dl grænmetissoð
2 dl fisksoð – ég nota kjötkraft
1 dós hakkaðir tómatar
½ msk karrý
½ dós ferskjur
2 dl rjómi
50 gr smjör til steikingar
salt og pipar
humar eftir smekk og /eða annar fiskur
Aðferð: Saxið laukinn og brúnið vel í smjörinu. Maukið tómata og ferskjur í matvinnsluvél. Soðið sett í pott ásamt hvítlauksgeirum (ég mauka þá svo með töfrasprota) og látið sjóða í um 25 mín. Þá er öllu öðru blandað út í nema rjóma og humri. Látið malla vel í um 30-50 mínútur, jafnvel lengur en það þarf að hræra stöðugt í svo brenni ekki við. Þá er rjóminn settur í og hitað að suðu. Síðast er humrinu bætt í rétt áður en borið er fram og JÁ hann er hrár þegar hann er settur út í.
Eftirréttur
Oreo ostakaka
1 ½ - 2 pakkar Oreo kex
1 bolli flórsykur
1 pakki Royal búðingur, vanillu
200 g rjómaostur
1 peli rjómi
1 bolli mjólk
1 tsk vanilludropar
Aðferð: Byrjið á því að taka Royal duftið og hræra það út í mjólkina og vanilludropana og skella því í ísskáp í 5-10 mín. Hrærið saman flórsykur og rjómaost í annarri skál. Rjóminn þeyttur. Oreo kexið sett í blandara eða í matvinnsluvél (eða mulið með gaffli, getur tekið langan tíma). Svo er öllu blandað varlega saman í eina skál fyrir utan Oreo kexið. Kexinu og kökunni blandað til skiptis í form og sett í frysti. Best er að taka kökuna svo út 1-2 klst. áður en hún er borin fram. Skreytt með Oreo kurli og jarðaberjum.
Verði ykkur að góðu!
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.