Guðmar Freyr Íslandsmeistari í Tölti ungmenna
Guðmar Freyr Magnússon varð Íslandsmeistari í Tölti T1 ungmenna á Íslandsmótinu í Hestaíþróttum sem fram fór á Hólum um helgina. Guðmar sat hestinn Sigurstein frá Íbishóli sem kemur úr ræktun föður hans, Magnúsar Braga á Íbishóli. Það sem gerir þennan sigur einstaklega sætan fyrir Guðmar er að fyrir mánuði síðan slasaðist hann þegar hann varð undir hesti og var því tvísýnt hvort hann gæti keppti á íslandsmótinu.
Blaðamaður Feykis hitti Guðmar þegar titilinn var í höfn og ræddi stuttlega við hann.
„Tilfinningin er nokkuð góð þetta er svona, já óneitanlega, sennilega, að öllum líkindum sætasti sigur sem ég hef upplifað.“
Það var tvísýnt hvort að Guðmar gæti keppt á Íslandsmótinu en fyrir mánuði síðan lenti hann í óhappi þegar að hann varð undir hesti.
„Ég lenti í smá óhappi fyrir mánuði síðan, eða 4. Júní, þá lendi ég í því óhappi að það prjónar yfir sig með mig hross og lenti ofan á mér. Ég er með sködduð krossbönd í vinstra hné og einhverskonar fótbrot og eitthvað svoleiðis.“
„Ég er nú nokkuð góður og er að taka miklum framförum, það er mikið bataferli í gangi en þetta á eftir að taka meiri tíma, mér er sagt að þetta muni verða 6-12 mánuðir að jafna sig. Ferlið er rétt að byrja, en mér finnst mikið hafa gerst og þetta bara vegar vel,“ segir Guðmar.
Guðmar sat hestinn Sigurstein frá Íbishóli og hlutu þeir einkunnina 7,77 í úrslitunum. Sigursteinn er 8. vetra úr ræktun föður hans, Magnúsar Braga á Íbishóli, undan Bylgju frá Dísarstöðum og Óskasteini frá Íbishóli.
„Þetta er einstaklega samvinnuþýður og ljúfur gæðingur, einkar góður á tölti, skemmtileg skref en umfram mikill vinur minn.“
Hvert er framhaldið hjá þér í sumar?
„Það er svona að reyna að halda eitthvað áfram að taka framfaraskref í þessum meiðslum, ég ætla að gera tilraun til þess að keppa í ungmennaflokki á fjórðungsmóti í næstu viku og svo verður framhaldið bara að skýrast með tímanum,“ segir Guðmar Freyr bjartsýnn að lokum.
/SMH
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.