Mette Mannseth og Karl frá Torfunesi sigruðu í gæðingafiminni
Fyrsta mót Meistaradeildar KS var haldið á Sauðárkróki í gærkvöldi þar sem keppt var í gæðingafimi. Í forkeppni sáust margar ágætar sýningar og nokkuð fjölbreyttar útfærslur. Þær bestu voru mjög góðar og skemmtilegar áhorfs, segir í tilkynningu frá Meistaradeildinni. „Það er ljóst að ef knapar koma vel undirbúnir til leiks þá er þessi keppnisgrein mjög svo áhorfendavæn. Þar þarf allt að spila saman, góð útfærsla æfinga, góður hestur og síðast en ekki síst góð tónlist sem hæfir.“
Öll þau sem komust í úrslit áttu framúrskarandi sýningar. Úrslitin voru spennandi þar sem flestir knapar voru að bæta sig frá forkeppni, en það fór svo að Mette Mannseth hélt sæti sínu og sigraði enda vel að því komin með sinn vel þjálfaða hest Karl frá Torfunesi.
Mette Mannseth - Karl frá Torfunesi - 8,07
Helga Una Björnsdóttir - Þoka frá Hamarsey - 7,93
Jóhanna Margrét Snorradóttir - Kári frá Ásbrú - 7,60
Þórarinn Eymundsson - Laukur frá Varmalæk - 7,50
Freyja Amble Gísladóttir - Sif frá Þúfum - 7,20
Þorsteinn Björnsson - Kveðja frá Hólum 7,03
Það var lið Hrímnis sem sigraði liðakeppnina. Vert er að minnast á dómgæsluna í kvöld en samræmi var mjög gott. Dómarar kvöldsins voru Guðmundur Björgvinsson, Ísleifur Jónasson og Ólafur Andri Guðmundsson.
Næsta kvöld verður haldið á miðvikudaginn eftir viku þar sem keppt verður í slaktaumatölti.
- Meistaradeild KS
Staðan eftir forkeppni.
1.Mette Mannseth - Karl frá Torfunesi - Þúfur - 7,67
2-3.Þórarinn Eymundsson - Laukur frá Varmalæk- Hrímnir - 7,60
2-3.Helga Una Björnsdóttir - Þoka frá Hamarsey - Hrímnir - 7,60
4.Freyja Amble Gísladóttir - Sif frá Þúfum - Þúfur - 7,53
5.Þorsteinn Björnsson - Kveðja frá Hólum - Mustad-Miðsitja - 7,37
6.Jóhanna Margrét Snorradóttir - Kári frá Ásbrú - Hrímnir - 7,17
7.Viðar Bragason - Stirnir frá Skriðu - Team Bautinn - 7,10
8-9.Flosi Ólafsson - Varða frá Hofi á Höfðaströnd - Mustad-Miðsitja - 7,0
8-9.Lea Bush – Kaktus frá Þúfum - Þúfur - 7,0
10.Gústaf Ásgeir Hinriksson - Ömmustrákur frá Ásmundarstöðum - Hofstorfan - 6,97
11.Bjarni Jónasson - Hera frá Árholti - Hofstorfan - 6,83
12-13.Hörður Óli Sæmundarson - Eldur frá Bjarghúsum - Íbess-TopReiter - 6,67
12-13.Magnús Bragi Magnússon - Stilling frá Íbishóli - Íbess-TopReiter - 6,67
14.Sina Scholz - Nói frá Saurbæ - Mustad-Miðsitja - 6,63
15.Elvar E. Einarsson - Gjöf frá Sjávarborg - Hofstorfan - 6,60
16.Vignir Sigurðsson - Nói frá Hrafnsstöðum - Team Bautinn - 6,37
17.Fríða Hansen - Sturlungur frá Leirubakka - Íbess-TopReiter - 6,30
18-19.Finnbogi Bjarnason – Mylla frá Hólum - Lífland-Kidka - 6,27
18-19.Konráð Valur Sveinsson – Þeldökk frá Lækjarbotnum - Lífland-Kidka - 6,27
20.Elvar Logi Friðriksson – Glitri frá Grafarkoti - Lífland-Kidka - 6,20
21.Guðmundur Karl Tryggvason - Díva frá Steinnesi - Team Bautinn - 6,13
Fleiri fréttir
-
Lifandi samfélag – er slagorð Húnaþings vestra
feykir.is Vestur-Húnavatnssýsla 24.04.2024 kl. 08.03Á dögunum var efnt til kosningar á milli fimm tillagna af slagorði fyrir Húnaþing vestra. Slagorðið Lifandi samfélag varð hlutskarpast og hefur sveitarstjórn samþykkt tillöguna. Í tengslum við kosninguna var þátttakendum boðið að skrá netfang sitt og taka þátt í happadrætti. Dregið hefur verið úr pottinum og voru Pálína Fanney Skúladóttir og Hörður Gunnarsson dregin úr pottinum.Meira -
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.