Minningargjöf um Sigrúnu Kristínu Þórðardóttur
Sunnudaginn 1. maí komu félagar í hestamannafélaginu Þyt saman við reiðhöllina á Hvammstanga til að taka á móti skilti til merkingar á höllinni. Það voru spilafélagar Sigrúnar Kristínar Þórðardóttur sem gáfu skiltið til minningar um Sigrúnu sem lést þann 8. apríl 2019. Sigrún var formaður Þyts þegar höllin var byggð og var hún aðal hvatamaður að byggingu hennar.
Hugsun hennar varð að veruleika og á árunum 2008 - 2010 var reiðhöllin byggð. Þytsfélagar voru einbeittir og unnu mikið þrekvirki við bygginguna. Árið 2010 var opnunarhátíð og höllin vígð. Síðar fór fram samkeppni um nafn á húsið og varð nafnið Þytsheimar fyrir valinu. Nú er höllin merkt og sómir sér vel við hesthúsabyggðina þar sem hún nýtist vel við þjálfun, kennslu og keppni. Vonum við að svo verði áfram. Formaður hestamannafélagsins Þyts, Pálmi Geir Ríkharðsson, veitti gjöfinni móttöku. Einnig var útbúið skjal með nöfnum gefenda og mun það verða hengt upp á kaffistofu Þytsheima.
Laglega fer skiltið á Þytsheimum.
Sigrún var mikil hestakona og átti hún m.a. eitt áhugamál þar fyrir utan en það var að spila kínaskák. Þann 9. október 2001 komu Sigrún og nokkrar aðrar konur saman og hófu að spila þetta spil og stofnuðu þar með þennan spilaklúbb. Klúbburinn er enn til og er spilað einu sinni í viku nánast allan veturinn og eitthvað á sumrin.
Eftir afhendingu var brunað að Dæli í Víðidal og haldið minningarmót í kínaskák um Sigrúnu. Tuttugu konur mættu í keppnina í „sólardalinn“ og var glaumur og gaman eins og vant er þegar spilafélagarnir hittast. Félagar í spilaklúbbnum hafa farið á Íslandsmeistaramót í kínaskák sem haldið hefur verið á Akureyri mörg undanfarin ár.
/Árborg Ragnarsdóttir
Fleiri fréttir
-
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira -
Geggjaðir Grindvíkingar í Síkinu
feykir.is Skagafjörður, Íþróttir 16.04.2024 kl. 09.52Það er rétt að byrja á því að hrósa Grindvíkingum, þeir voru frábærir í gær og verðskulduðu sigur í Síkinu þegar þeir mættu liði Tindastóls í öðrum leik liðanna í úrslitakeppni Subway-deildarinnar en þeir leiða nú einvígið 2-0. Gestirnir náðu yfirhöndinni seint í fyrsta leikhluta og léku við hvern sinn fingur þar til þriðji leikhluti var úti en þá var munurinn 32 stig. Þrátt fyrir að Stólarnir gerðu fyrstu 21 stig fjórða leikhluta voru þeir í raun aldrei nálægt því að jafna leikinn – hvað þá að vinna hann. Lokatölur voru 88-99 og ljóst að lið Tindastóls þarf að finna góðan skammt af galdradufti til að snúa þessu einvígi við.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.