Skagfirðingur slær saman uppskeru- og árshátíð
Vel hefur gengið að undirbúa árshátíð Hestamannafélagsins Skagfirðings sem haldin verður í Melsgili 3. nóvember nk. Þetta árið var ákveðið að slá saman uppskeruhátíðinni og árshátíðinni og mun skemmtinefndin njóta aðstoðar nokkurra lands- og heimsþekktra einstaklinga. Að sögn Rósu Maríu Vésteinsdóttur er því ekki annað að vænta en að hestamenn í Skagafirði eigi eftir að skemmta sér mjög vel enda ekki þekktir fyrir annað.
„Okkar landsþekkti hestamaður og gleðipinni Ingimar Ingimarsson á Syðra-Skörðugili ætlar að stýra kvöldinu en einnig fáum við heimsþekktan leikstjóra til að aðstoða keppnisnefndina við verðlaunaafhendinguna og fer vel á því að hafa vanann mann í því hlutverki. Veittar eru viðurkenningar fyrir bestan árangur í ungmennaflokki, áhugamannaflokki, íþróttaknapa ársins, skeiðknapa ársins, gæðingaknapa ársins og knapa ársins. Að sjálfsögðu verður flutt gamanmál og sungið eins og enginn sé morgundagurinn. Síðan ætlum við að stíga trylltan dans fram eftir nóttu við tóna frá hljómsveitinni Staksteinar,“ segir Rósa María, ein fjögurra kvenna er skipa nefndina en auk hennar eru þær Ása Hreggviðsdóttir, Helga Rósa Pálsdóttir og Sara Gísladóttir.
Nú hafa félagar ekki verið duglegir að mæta hingað til, má búast við að það breytist?
„Nú er orðið þó nokkuð langt síðan hestamenn í Skagafirði héldu árshátíð í Miðgarði fyrir fullu húsi. Í dag eru breyttir tímar og mikið um að vera hjá hestamönnum nær allt árið um kring. Við gerðum tilraun til að setja saman árshátíð í mars og sáum strax að sá tími hentar ekki þar sem mikið er um að vera hjá keppnisfólkinu okkar en það er út og suður frá enda janúar og fram í október. Því var ákveðið að gera þetta með þessu sniði og færa árshátíðna fram á haustið og sameina hana uppskeruhátíðinni. Það vita það allir að það tekur tíma að festa eitthvað í sessi og til þess að gera viðburð að einhverju eftirsóknarverðu þá þurfa menn að mæta og styðja við bakið á því sem er verið að gera,“ segir Rósa María og kveður með þessum orðum: „Þegar tveir eða fleiri hestamenn koma saman er alltaf gaman og því engin ástæða til annars en að þessi árshátíð sé upphafið af einhverju frábæru.“
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.