Söfnuðu fyrir reiðhallarspeglum
Unglingadeild hestamannafélagsins Skagfirðings hefur frá árinu 2017 staðið í alls kyns fjáröflunum til kaupa á speglum í Reiðhöllina Svaðastaði og voru þeir settir upp í desember. Þegar blaðamaður Feykis leit við í reiðhöllinni sl. fimmtudagskvöld stóðu unglingarnir sjoppuvaktina og rukkuðu inn á sýnikennslu Þórarins Eymundssonar.
Vel var mætt í höllina enda forvitnilegt að sjá hvernig Tóti ætlar að þjálfa þau hross sem hann stefnir með í sýningar og keppni á árinu. Hann er ánægður með framtak unglingadeildarinnar og segir speglana frábæra og virki mjög vel.
„Þeir gera það kleift að átta sig miklu betur á hvernig prófíllinn á hestinum er, taktur og hreyfingar og hvar hann er að setja niður fæturna o.fl. Og svo prófíllin á knapanum. Virkilega gott framtak hjá unglingunum, frábært!“
Að sögn þeirra Jódísar Káradóttur og Stefaníu Sigfúsdóttur er unglingadeildin virkur hópur ungra áhugasamra hestamanna sem kemur reglulega saman og hefur gaman. „Við höldum fundi, tölum saman og pöntum pitsu. Maður þarf ekki endilega að vera að keppa til að vera í deildinni, það má líka bara hafa áhuga á hestum til að vera með. Við viljum fá sem flesta með. Þetta á að vera hópskemmtun,“ segja þær stöllur.
Svona reiðhallarspeglar eru ekki neinir venjulegir speglar þar sem þeir þurfa að þola ýmislegt hnjask, grjótkast og hitabreytingar. Jódís og Stefanía segja að þeir tíu speglar sem keyptir voru hafi kostað um eina milljón. Til þess að fjármagna kaupin hefur unglingadeildin staðið fyrir ýmsum fjáröflunum undanfarin ár, m.a. með því að selja sessur og reka reiðhallarsjoppuna o.fl. Það sem gaf þó mest var folatollahappdrættið sem deildin stóð fyrir en þá fengu krakkarnir folatolla hjá stóðhestaeigendum sem heppnir miðakaupendur fengu í vinning.
„Speglarnir hjálpar manni ótrúlega mikið og meira en við áttum von á. Þeir sýna manni vel hvernig hesturinn beitir sér og hvernig við beitum hestinum, bætir ásetuna mjög mikið og maður fær miklu meiri tilfinningu fyrir hestinum og sérstaklega ef verið er að æfa nýjar fimiæfingar. Þá sést hvenær þær eru gerðar rétt,“ segja Jódís og Stefanía.
Einn viðmælandi Feykis segir framtak unglingadeildarinnar sérlega óeigingjarnt þar sem allir njóta góðs af sem reiðhöllina nota.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.