Solla á Miðsitju heiðruð
Þann 28. október sl. var haldin, í Gullhömrum í Grafarholti, uppskeruhátíð hestamanna á landsvísu í boði Landssambands hestamanna og Félagi hrossabænda. Þar var hestaafreksfólk heiðrað fyrir afrek sín á sýningar- og keppnisvellinum og sérstök heiðursverðlaun FHB kom í hlut Sólveigar Stefánsdóttur frá Miðsitju í Skagafirði.
Sveinn Steinarsson, formaður Félagshrossabænda, sagði í ræðu sinni það vera ánægjulegt að heiðra einn af sínum félögum, veita grip sem virðingarvott þeim sem hafa með fórnfýsi, ástríðu og dugnaði stuðlað að framförum á sviði hrossaræktar.
„Það er gömul saga og ný að hross fangi hugi. Sumar þeirra sagna minna helst á þjóðsögur og ævintýri, jafnvel hreinar goðsagnir - en marka samt sem áður upphafið að merku ævistarfi og hversdagslífi þeirra sem við sögu koma, eru veruleiki en ekki draumur. Það er til saga af því að brúnt merfolald hafi verið á beit á túnbletti við sjúkrahúsið á Sauðárkróki, þar sem Sólveig Stefánsdóttir sótti vinnu. Henni varð tíðlitið út um gluggann sem vissi að túnblettinum, ekki einu sinni, ekki tvisvar og ekki þrisvar. Og til að gera langa sögu stutta, þá hafði Solla ekki frið í sínum beinum fyrr en þau Jói höfðu keypt títtnefnt folald fyrir morðfjár – sem að sögn var reyndar ekki til,“ sagði Sveinn við athöfnina. Folaldið sem um ræðir er Krafla frá Sauðárkróki, fædd Árna Gunnarssyni frá Reykjum á Reykjaströnd, dóttir Höfða-Gusts og Perlu frá Reykjum og var undirstaða hrossaræktunar þeirra Sólveigar og Jóhanns Þorsteinssonar, Sollu og Jóa vakra, á Miðsitju.
Krafla hlaut heiðursverðlaun fyrir afkvæmi á LM 1998 á Melgerðismelum. Þrettán afkvæma hennar hafa gengist undir kynbótadóm og meðaltal fimm hæstu dómanna er 8,31. Hæst hafa verið dæmd Keilir (8,63), Samba (8,46) og Kraflar (8,28), öll frá Miðsitju. Kraflar og Keilir hafa báðir hlotið heiðursverðlaun fyrir afkvæmi og æðstu viðurkenningu í íslenskri hrossarækt: Sleipnisbikarinn.
Miðsitjuhross hafa löngum getið sér gott orð og unnið til mikilla afreka – síðast staðfesti það heiðursverðlaunahryssan Gunnvör frá Miðsitju, sem á Kröflu fyrir langömmu. Afkvæmi hennar slógu rækilega í gegn á landsmótinu í sumar og hlutu geysiháa dóma.
Áður birst í 41. tbl. Feykis 2018.
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.