Sýning um Austan Vatna hrossin og sveitina þeirra
Anna Þóra Jónsdóttir frá Vatnsleysu í Viðvíkursveit hefur sett upp skemmtilega sögusýningu um hrossarækt í Viðvíkursveit. Sýningin er til húsa í Grunnskólanum á Hólum og inniheldur söguspjöld og fjölda ljósmynda af fólki og hestum á svæðinu. Feykir leit við á sýningunni í vikunni og spjallaði við Önnu Þóru um þetta framtak.
Anna Þóra segir að á sýningunni sé fjallað um uppruna Svaðastaða- og Kolkuóshrossa, uppúr 1900 og fram til 1990. Upphafið má rekja til Pálma Símonarsonar sem bjó á Svaðastöðum. „Hann byrjaði á því að setja upp girðingu, sem var aðeins á færi efnaðri manna á þeim tíma, og gat því farið í skipulagða ræktunarstarfsemi,“ segir Anna Þóra og afkomandi Pálma, sem staddur er á sýningunni, skýtur því inn í að móðursystir Pálma hafi veitt honum fjárstyrk til að girða.
Á sýningunni er fjallað um þekkta ræktendur, auk Pálma m.a. H.J. Hólmjárn, Sigurmon í Kolkuósi, og Svein Guðmundsson. Þá er getið um fræga hesta, eins og Hóla-Gránu, sem var frægasta brúðakaupsgjöf á Íslandi, en hún var formóðir þessara hrossa. Einnig er getið um merkisfólk úr Viðvíkursveit, svo sem Guðrúnu Bergsdóttur, sem var fyrst kvenna kosin í sveitarstjórn á Íslandi. „Ég er mjög stolt af því að hún hafi búið í Viðvíkursveitinni, segir Anna Þóra, en í myndatexta um Guðrúnu segir m.a.: „Þann 15. júní 1910 gerðist það sem merkilegt má telja, að kona var kosin í hreppsnefnd, og var henni boðið að neita.“ Þá er getið Svaðastaða- og Brimnessystra, sem voru með frægustu hannyrðakonum á Íslandi.
Að sögn Önnu Þóru var talsverð vinna að fara yfir heimildir og velja úr hvað ætti að fjalla um. „Ég fékk þess hugmynd á vetrarkvöldi, af því að það er Landsmót á Hólum, þá skyldi ég bara slá til,“ segir Anna Þóra, sem hlaut styrk úr Menningarsjóði KS til sýningarhaldsins. „Ég sá í hendi mér að það yrði vandi að velja úr öllu því efni sem ég er búin að lesa um hrossin í Viðvíkursveitinni. Ég var að hugsa um að skila bara styrknum en þetta er sveitin mín og mér þykir vænt um sveitina mína. Þetta er mjög mikilvægt og mér fannst ég verða að gera þetta núna, ég var hrædd um að ef þetta yrði ekki gert núna þá yrði þetta aldrei gert.“
Önnu Þóru til aðstoðar voru þær Þuríður Helga Jónasdóttir myndlistarkennari á Hólum og Sigurlaug Rún Brynleifsdóttir grunnskólakennari í Dalsmynni. Anna Þóra fékk handverksfólk sem tengist sveitinni eða framleiðir hestatengda muni til að hafa varning til sölu og einnig eru konur henni til aðstoðar með kaffiveitingar og súpu á staðnum. Sem fyrr segir er sýningin í Grunnskólanum á Hólum og fer vel á því að þar sé einnig myndlistarsýning Hallrúnar Ásgrímsdóttur frá Tumabrekku, sem kallast Austan Vatna höfðingjar. Sýningin er opin til kl 19 í kvöld og frá kl 11-19 á morgun, laugardag „og kannski á sunnudaginn ef umferðinni verður snúið til baka,," segir Anna Þóra að lokum.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.