Þórarinn og Narri sigruðu í fimmgangskeppni KS-deildarinnar
Fimmtán stóðhestar voru skráðir til leiks í fimmgangskeppni KS-Deildarinnar sem fram fór í reiðhöllinni á Sauðárkróki gærkvöldi. Stefndi því í mikla stóðhestaveislu en einnig voru spennandi hryssur skráðar. Þórarinn Eymundsson og Narri frá Vestri Leirárgörðum voru efstir eftir forkeppni með einkunnina 7,03.
Á Facebooksíðu KS deildarinnar segir að fimm stóðhestar hafi komist í a-úrslit. Þórarinn og Narri voru mjög öryggir, Narri jafnvígur á allar gangtegundir undir góðri stjórn Tóta og fékk hann 7 og yfir fyrir öll atriðin sem skilaði þeim nokkuð öruggum sigri 7,17.
Helga Una og Stálasonurinn Örvar frá Gljúfri höfnuðu í öðru sæti en þau sýndu frábæra spretti á skeiði en þess má geta að Örvar er með 10,0 fyrir skeið í kynbótadómi.
Mette og Karl frá Torfunesi enduðu í þriðja sæti. Karl frábær á tölti og sýndi einnig góða skeiðspretti. Finnbogi og Dynur vöktu verðskuldaða athygli í gær. Hesturinn góður á öllum gangtegundum og reiðmennska Finnboga til fyrirmyndar. Í úrslitum lenti Finnbogi í vandræðum með skeið sem kostaði þá sennilega eitt af efstu sætunum. Flosi og Grámann áttu góða forkeppni en hnökrar í úrslitum sérstaklega á skeiði og stökki varð þeim að falli. Grámann var þó mjög góður á tölti og brokki.
Það var lið Hrímnis sem sigraði liðakeppnina enn og aftur en þau koma mjög sterk til leiks!
A-úrslit
1.Þórarinn Eymundsson - Narri frá Vestri Leirárgörðum - 7,17
2.Helga Una Björnsdóttir - Örvar frá Gljúfri - 6,62
3.Mette Mannseth - Karl frá Torfunesi - 6,57
4.Finnbogi Bjarnason - Dynur frá Dalsmynni - 5,74
5.Flosi Ólafsson - Grámann frá Hofi - 4,60
B-úrslit
6. Bjarni Jónasson - Harpa Sjöfn frá Hvolsvelli - 6,67
7.Ísólfur Líndal - Ganti frá Dalbæ - 6,64
8.Magnús Bragi Magnússon - Snillingur frá Íbishóli - 6,52
9.Elvar Einarsson - Roði frá Syðra-Skörðugili - 6,12
10.Líney María Hjálmarsdóttir - Léttir frá Þjóðólfshaga 3 - 6,10
Liðakeppni
Hrímnir - 110
Hofstorfan/66°norður - 75
Draupnir/Þúfur - 70,5
Íbess/Top Reiter - 62
Team-Jötunn - 54,5
Lífland - 52,5
Mustad - 50,5
Einstaklingskeppni
Þórarinn Eymundsson - 44
Helga Una Björnsdóttir - 39
Elvar Einarsson - 31
Mette Mannseth - 31
Artimisia Bertus - 27,5
Finnbogi Bjarnason - 27
Gústaf Ásgeir Hinriksson - 27
Ísólfur Líndal - 25
Flosi Ólafsson - 24,5
Fanndís Viðarsdóttir - 24
Nánar má sjá umkeppnina HÉR
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.