Austur-Húnavatnssýsla | Feykir.is

Gul messa í Blönduóskirkju á sunnudag

Sat, 12 Sep 2026 13:58:00 +0000

Blönduóskirkja. MYND: ÓAB" />

Gul messa verður haldin í Blönduóskirkju sunnudaginn 13. september og hefst klukkan 18:00. Í Gulum september er lögð áhersla á að auka meðvitund fólks um mikilvægi geðræktar og sjálfsvígsforvarna, með kærleika, aðgát og umhyggju að leiðarljósi.

Það snjóaði til fjalla

Sat, 12 Sep 2026 13:16:00 +0000

Veðrið er orðið skaplegra og fer skínandi. SKJÁSKOT AF VEDUR.iS" />

Það gengur norðaustan strengur yfir landið og honum fylgdi nokkur kuldi og úrkoma og það þýddi að víða til fjalla snjóaði. Aðstæður á fjallvegum hér norðanlands voru því ekki upp á það besta og víða var hálka eða hálkublettir á fjallvegum. Þannig mátti sjá á umferd.is að það voru hálkublettir á Þverárfjallsvegi fram yfir hádegi í dag en nú eru allir vegir greiðfærir.

Reykt svínarif og rækjupanna | Matgæðingur Feykis

Sat, 12 Sep 2026 10:51:00 +0000

Ævar Marteinsson ásamt Herdísi og dóttur þeirra. AÐSEND MYND" />

Matgæðingur vikunnar í tbl. 19 var Ævar Marteinsson á Mánagötunni á Hvammstanga en hann býr með Herdísi Harðardóttur og eiga þau saman þrjú börn. Ævar sér að mestu leyti um eldamennsku á sínu heimili og finnst rosalega gaman að grilla, hvort sem það er á gaseða kolagrilli og þá sérstaklega þegar veðrið er gott.

Tækifæri fyrir ungt fólk | Þátttaka í Erasmus+ verkefni

Fri, 11 Sep 2026 11:35:00 +0000

Áhugavert verkefni fyrir ungt fólk. Mynd: Af netinu." />

Ungmennum á aldrinum 16–25 ára býðst nú tækifæri til að taka þátt í alþjóðlega Erasmus+ verkefninu The Nordic Youth Project, sem unnið er í samstarfi Húnaklúbbsins á Hvammstanga, aðila í Skotlandi og Finnlandi. Markmið verkefnisins er að virkja ungt fólk í byggða- og samfélagsþróun og skapa vettvang fyrir fræðslu, nýsköpun og frumkvöðlastarf. Þátttakendur frá löndunum þremur munu vinna saman, skiptast á reynslu og ræða meðal annars virka samfélagsþátttöku og hvernig ungt fólk getur haft áhrif á ákvarðanatöku í sínum samfélögum.

Tígris rækjuréttur og sykurpúðasalat | Matgæðingar Feykis

Fri, 11 Sep 2026 10:41:00 +0000

Egill Birkir og Anna Birna. AÐSEND MYND" />

Það er Anna Birna Björnsdóttir og eiginmaður hennar Egill Birkir Sigurðsson sem eru matgæðingar vikunnar í tbl. 18. Anna Birna og Egill Birkir eiga heima í Kópavoginum ásamt Íslenska fjárhundinum Týru en þar hafa þau búið í 12 ár. Egill er fæddur á Patreksfirði en flutti ungur á Krókinn með móður sinni Rögnu Jóhannsdóttur, stjúpi hans er Pétur Valdimarsson. Anna Birna er einnig fædd og uppalin á Króknum og er dóttir Badda múrara, seinna Baddi í íþróttahúsinu og Siggu Gísla, dóttur Fjólu Sveins og Gísla Gunnars.

Myndasyrpa frá Höskuldi B. úr Auðkúlurétt

Thu, 10 Sep 2026 12:41:00 +0000

Vinir í Auðkúlurétt. MYNDIR: HÖSKULDUR B. ERLINGSSON" />

Þessar vikurnar er réttað út um víðan völl ef svo má segja. Fjárréttir verða á átta stöðum dagana 12. til 14. september í Skagafirði og réttað verður í Kleifnarétt í Fljótum í dag. Þá verður réttað á sjö stöðum í Húnavatnssýslum 11.-14. september en réttað er í Sveinsstaðarétt í Austur-Hún í dag og hófust réttarstörf þar reyndar kl. 10 í morgun.

Forvitnast um kirkjur og kirkjustaði í Skagafirði

Wed, 09 Sep 2026 10:13:00 +0000

Goðdalakirkja. Þorsteinn Sigurðsson (1859–1921) var forsmiður og hönnuður bæði Silfrastaða- og Goðd…" />

Í Feyki vikunnar hóf göngu sína nýr þáttur þar sem Feykir forvitnast um kirkjur og kirkjustaði í Skagafirði. Það er helsti sérfræðingur Skagfirðinga í þeim efnum, Sigríður Sigurðardóttir sagnfræðingur frá Stóru-Ökrum sem margir þekkja undir nafninu Sirrí í Glaumbæ, sem féllst á að svara spurningum Feykis. Hvaða kirkjur í Skagafirði eiga sér sögu sem kannski er fáum kunn? er fyrsta spurningin sem Sirrí svarar.

KK, Mugison og Jón Jónsson jólast í Blönduóskirkju

Wed, 09 Sep 2026 09:00:00 +0000

Það verður efalaust góð stemning í Blönduóskirkju þegar þessir félagar mæta með gítarana sína. Þess…" />

Ótrúlegt en alveg hreinasatt þá styttist í jólin. Þá spretta á lappir prúðbúnir tónlistarmenn og skella í ómissandi jólatónleika. Þar sem september er kominn nokkuð áleiðis þá er farið að auglýsa jólatónleika og þannig hyggjast snillingarnir KK, Mugison og Jón Jónsson mæta með jólaandann í Blönduóskirkju þann 20. desember.

Milljarða uppbygging Borealis á Blönduósi

Tue, 08 Sep 2026 13:25:00 +0000

Séð yfir svæði gagnaversins. Mynd: Kristófer Óli Birkisson." />

Á ruv.is má lesa umfjöllun um frekari uppbyggingu gagnaversins á Blönduósi. Tugmilljarða uppbygging Borealis Data Center á Blönduósi er komin vel á veg. Fermetrafjöldi gagnaversins verður tvöfaldaður og við það skapast um 150 störf á uppbyggingartímanum. Gagnrýnt hefur verið hversu fá störf verða að lokinni uppbyggingu.

Veiðin í húnvetnsku ánum heilt yfir meiri í ár en í fyrra

Tue, 08 Sep 2026 08:35:00 +0000

Veitt í Vatnsdalnum. MYND: STEBBI LÍSU" />

Húnahornið segir frá því að farið sé að síga á seinni hlutann í laxveiðinni þetta sumarið. Heilt yfir hafa sjö helstu laxveiðiár Húnavatnssýslna verið að gefa fleiri fiska í sumar en í fyrra en sumarið í fyrra var reyndar ekki upp á marga fiska. „Það sem af er sumri hafa 3.119 laxar veiðst en á sama tíma í fyrra voru þeir rétt rúmlega 2.000 talsins. Miðfjarðará er aflahæst, eins og svo oft áður, með 1.354 laxa en áin endaði í 1.266 löxum í fyrra,“ segir í fréttinni.

Hnúfubakur við ósa Blöndu

Mon, 07 Sep 2026 14:48:00 +0000

Hnúfubakur lék listir sínar rétt við land við ósa Blöndu í morgunsárið. Að sjálfsögðu fangaði Róbert Daníel augnablikið eins og hans er von og vísa og gaf Feyki góðfúslegt leyfi til að birta myndir. Í færslu á Facebook-síðu hans, þar sem einnig má sjá myndband, segir að núorðið sé orðið frekar algengt að sjá hvali við Blönduós.

Hoppað milli jás og neis | Leiðari 33. tölublaðs Feykis

Mon, 07 Sep 2026 10:58:00 +0000

" />

Þá er afstaðin þjóðaratkvæðagreiðsla um hvort Ísland eigi að hefja á ný aðildarviðræður við Evrópusambandið. Kosninganóttin var bráðskemmtileg og á við góðan leik í úrslitakeppni í Síkinu. Fylkingarnar skiptust á um að hafa forystu en það voru nei-liðar sem sigu fram úr þegar leið á nóttina og á endanum voru úrslitin nokkuð afgerandi. Nei sögðu 118.040 en já 105.339.

Húnvetningar gulltryggðu sætið í 2. deild

Sun, 06 Sep 2026 17:07:00 +0000

" />

Lið Kormáks/Hvatar hélt í Mosfellsbæinn í gær til að etja kappi við Hvíta riddarann en sá var í neðsta sæti 2. deildar þegar tvær umferðir voru eftir af móti og þurftu nauðsynlega á sigri að halda. Lið Húnvetninga hafði átt afleitan kafla í ágúst og tapað fjórum leikjum í röð og ef allt hefði farið á versta veg hefði Kormákur/Hvöt mögulega verið í fallhættu í lokaumferðinni. En þeir hristu af sér slenið og fóru með stigin þrjú norður eftir 3-4 sigur og sætið í 2. deild gulltryggt.

Kjúklingaréttur og döðlugott | Matgæðingar Feykis

Sun, 06 Sep 2026 11:14:00 +0000

Kristinn og Hallfríður úti í náttúrunni. AÐSEND MYND" />

Matgæðingar vikunnar í tbl. 17 voru Kristinn Rúnar Víglundsson og Hallfríður Sigurbjörg Óladóttir í Dæli í Vestur-Húnavatnssýslu. Kristinn er uppalinn þar en Hallfríður er Króksari og eiga þau tvö börn. Í Dæli hafa þau verið með ferðaþjónustu og hrossarækt síðan 2013. Þess má geta að Kristinn er söngvari Slagarasveitarinnar húnvetnsku.

Íslensk kjötsúpa og heimagerð pizza | Matgæðingar Feykis

Sat, 05 Sep 2026 11:08:00 +0000

Magnús, Selina, Sigríður og Helga ásamt óskírðum Magnússyni. AÐSEND MYND" />

Matgæðingar vikunnar í tbl. 15 voru Magnús Ásgeir Elíasson og Selina Stacher sem búa á Stóru-Ásgeirsá í Húnavatnssýslunni. Magnús á tvær stelpur, þær Sigríði Evu og Helgu Mist en svo eiga Magnús og Selina nýfæddan Magnússon.

Búið að velja Gettu betur æfingahóp FNV

Fri, 04 Sep 2026 14:36:00 +0000

Æfingahópur Gettu betur. Þetta verður eitthvað! MYND FRÁ FNV" />

Tólf nemendur þreyttu nýverið úrtökupróf fyrir Gettu betur lið Fjölbrautaskóla Norðurlands vestra. Þau sem komust áfram og munu æfa saman eru Lára Sigurðardóttir, Snædís Katrín Konráðsdóttir, Ingimar Eyberg Ingólfsson og Emma Katrín Helgadóttir sem eru öll Króksarar og síðan Hafþór Ingi Brynjólfsson frá Fagranesi og Halldór Stefánsson frá Þverá.

Nautakjötspottréttur og smákökur | Matgæðingur Feykis

Fri, 04 Sep 2026 10:59:00 +0000

Stella Hrönn Jóhannsdóttir frá Keflavík í Hegranesi. AÐSEND MYND" />

Matgæðingurinn í tbl. 14 á þessu ári var Stella Hrönn Jóhannsdóttir og ólst hún upp í Keflavík í Hegranesi. Eins og fleiri fluttist hún úr firðinum eftir framhaldsskóla og settist að sunnan heiða og hefur búið í Hveragerði í rúm 20 ár.

Treyjudagurinn er í dag og við erum öll í sama liði!

Fri, 04 Sep 2026 09:35:00 +0000

Á Íslandi greinist að meðaltali eitt barn í hverjum mánuði með krabbamein. Á Treyjudeginum klæðist fólk uppáhaldstreyjunni sinni til stuðnings börnum með krabbamein og fjölskyldum þeirra. Dagurinn hefur verið haldinn í Danmörku, Svíþjóð og Noregi um árabil en þetta mun vera í fyrsta sinn sem haldið er upp á daginn á Íslandi.

Göngum í skólann verkefnið sett á Króknum

Fri, 04 Sep 2026 08:39:00 +0000

" />

Árskóli á Sauðárkróki hýsir setningu Göngum í skólann þetta skólaárið. Setningin verður á íþróttavellinum á Króknum nú á eftir, föstudaginn 4. september kl. 10:20, og væntanlega er öllum velkomið að mæta. Skólastjóri býður gesti velkomna, fulltrúi frá ÍSÍ segir nokkur orð, sveitarstjóri ávarpar samkomuna og lögreglan flytur stutt erindi um umferðaröryggi.

Alls bárust 47 umsóknir í Startup Landið

Thu, 03 Sep 2026 14:08:00 +0000

Alls bárust 47 umsóknir í Startup Landið, viðskiptahraðal fyrir frumkvöðla og nýsköpunarverkefni á landsbyggðinni en umsóknarfrestur var til miðnættis þriðjudaginn 1. september. Umsóknir bárust víðs vegar að af landinu og endurspeglar fjöldinn þann kraft sem býr í nýsköpun og frumkvöðlastarfi á landsbyggðinni.