Hr. Hundfúll | Feykir.is

Krakkarnir brillera en reiknimeistarar klúðra

Tue, 27 May 2025 13:50:00 +0000

Herra Hundfúll fylgdist með keppni í Skólahreysti með öðru auganu nú á laugardaginn. Hann gladdist talsvert yfir gengi skólanna á Norðurlandi vestra. Varmhlíðingar voru sendir upp á svið til að taka við verðlaunum fyrir þriðja sætið en nemendur Grunnskóla Húnaþings vestra enduðu í fjórða sæti en með jafnmörg stig og Varmahlíðarskóli. En svo var farið að reikna ... aftur...

Baula þær enn beljurnar á Bjarnastöðum?

Mon, 03 Mar 2025 12:39:00 +0000

Mynd tekin af Feykir.is " />

Baula þær enn beljurnar á Bjarnastöðum er fyrirsögn sem hr. Hundfull skrifaði árið 2013 þegar þriggja daga átveislan byrjaði það árið, þ.e. bolludagur, sprengidagur og öskudagur. Eftir að hafa lesið þessa fínu hugleiðingu hans er við hæfi að endurbirta hana því það eru eflaust margir sammála honum í þetta skiptið!

Glötuð atkvæði

Wed, 15 Jan 2025 14:51:00 +0000

Mistök varðandi skil á utankjörstaðaatkvæðum virðast hafa verið einhver í nýlega afstöðnum kosningum. Herra Hundfúll er pínu hissa að það virðist sem þetta sé bara ekkert mál, ef marka má viðbrögð, bara svona óheppilegt og ekkert við þessu að gera samkvæmt leikreglunum.

Viðvaranir

Thu, 07 Nov 2024 08:23:00 +0000

Ætli það sé tilviljun að Veðurstofan gefi út appelsínugula viðvörun daginn eftir að það varð ljóst að Donald Trump verði næsti forseti Bandaríkjanna?

Bölvað í beinni

Thu, 03 Oct 2024 14:20:00 +0000

Herra Hundfúll er viðkvæmur að eðlisfari og má ekkert aumt sjá né heyra. Í gærkvöldi settist hann í makindum niður fyrir framan imbakassann til að horfa á körfuboltaleik milli Aþenu og Tindastóls sem fram fór í Breiðholti. Eftir nokkurra mínútna áhorf gafst hann upp eftir að hafa hlustað á svívirðingar og munnsöfnuð þjálfara heimaliðsins í garð eigin leikmanna.

Ekkert sérlega áhugaverðar sveitir

Wed, 18 Sep 2024 09:53:00 +0000

Herra Hundfúll rúllaði í gegnum síðu Markaðsstofu Norðurlands, northiceland.is, sem er fínasta síða. Fletti síðan spenntur í gegnum áhugaverði staði á svæðinu sem finna mátti á forsíðunni. Fékk vægt áfall þegar í ljós kom að enginn þeirra átta staða sem nefndir voru áhugaverðir voru í Eyjafirði eða Skagafirði...

Hvar er sanngirnin í þessu?!?

Fri, 24 Feb 2023 09:27:00 +0000

Herra Hundfúlum var bent á það að næstu tveir leikir Stólastúlkna í 1. deild kvenna í körfunni væru gegn Hamri og Þór og síðan Aþenu, Leikni og UMFK. Er ekki ansi ósanngjarnt að þær þurfi að spila við fimm félög í tveimur leikjum? Hvar er jafnræðisreglan núna?

Ó, gleðilegt nýtt ár!

Mon, 02 Jan 2023 10:01:00 +0000

Herra Hundfúlum líst bara eiginlega ekkert á byrjun nýs árs. Það að flestir skylduáskrifendur RÚV séu bara ansi sáttir við Áramótaskaupið er auðvitað viss skellur. Um hvað á fólk nú að rífast? En Gísli Marteinn ætti að öllu jöfnu að poppa upp á skjáinn fyrr en varir og þá getum við fúlmennin tekið gleði okkar á ný. Ó, gleðilegt nýtt ár!

Bannað að klappa!

Fri, 16 Sep 2022 14:11:00 +0000

Herra Hundfúll las í fréttum að einhver hópur leikara við atvinnuleikhúsin væri með móral yfir því að fólk væri að klappa fyrir þeim að loknum sýningum. Þetta væri jú vinnan þeirra og alla jafna væri fólk ekki að klappa fyrir afgreiðslufólki í Bónusi eða gjaldkeranum í bankanum og þar fram eftir götunum...

Lygamælir?

Thu, 15 Sep 2022 13:53:00 +0000

Það haustar. Í morgun sýndi hitamælirinn í bíl Herra Hundfúls 0 gráður. Ekki þurfti hann þó að skafa rúðurnar sem mögulega hefði alveg farið með daginn. Þegar hann fór úr vinnu fyrir hádegi sýndi mælirinn 18 gráður en þegar hann kom heim til sín var hitinn 9 gráður. Kannski er þetta ekki hitamælir sem er í bílnum heldur lygamælir? Eða er mælirinn kannski bara fullur?

Nokkur lítil skref fyrir rollu...

Tue, 06 Sep 2022 17:50:00 +0000

Flestir Króksarar, og Herra Hundfúll þar með talinn, hafa í gegnum tíðina glott við tönn og jafnvel gert góðlátlegt grín að heimsóknum sauðfjár inn í bæ þó ýmsir hafi haft þessar heimsóknir á hornum sér. Nöldrandi eigendur fasteigna á Nöfum hafa mætt litlum skilningi og fengið litla hjálp í viðureignum sínum við rolluvarginn sem gengur makindalega um og nagar trjágróður, tjaldvagma og annað girnilegt...

Hættum þessu væli!

Thu, 27 Jan 2022 11:01:00 +0000

Lið Íslands hefur undanfarna daga tekið þátt í Evrópumótinu í handbolta í Ungverjalandi og Serbíu. Eftir nokkuð magurt gengi síðustu árin eftir kynslóðaskipti í liðinu voru menn nokkuð bjartsýnir á gengi liðsins þó árangurinn hafi í raun farið fram úr væntingum að þessu sinni...

Stuttur spuni um styttingu þjóðvegs númer eitt

Wed, 29 Dec 2021 14:14:00 +0000

Enn ganga sumir með þá martröð í maganum að vilja skera burt Blönduós og Varmahlíð frá þjóðvegi 1 enda alveg tilgangslaust að fara þar í gegn að þeirra mati – nema svona til spari. Herra Hundfúll er ekki að fíla þetta vanhugsaða sparnaðarráð. En hvað veit sá sem allt veit? Best væri auðvitað að leggja veginn milli Akureyrar og Reykjavíkur í stokk...

Það hlýtur að vera búið að rigna lengi fyrir sunnan

Thu, 15 Jul 2021 09:48:00 +0000

Herra Hundfúll er alveg gáttaður á neikvæðri frétt Mbl.is um heimsókn HMS Northumberland í Skagafjörðinn en sá stórfíni miðill gerir sér pínu mat úr frétt Feykis um heimsóknina og svarfrétt breska sjóhersins. Talað er um að breski sjóherinn slái á „kjaftasögur“ um lundaskoðun og fótboltaáhorf og að þeir geri „góðlátlegt grín að Íslendingum og þá einkum Skagfirðingum“ vegna þessara bollalegginga...

Gleðisprauta beint frá Bíldudal

Mon, 12 Jul 2021 11:05:00 +0000

Herra Hundfúll hefur alveg gaman að tónlist og nú á föstudaginn horfði hann á þáttinn Tónaflóð sem Sjónvarp allra landsmanna sýndi í beinni frá Bíldudal. Þar fóru Sverrir Bergmann og Halldór Gunnar fyrir hljómsveitinn Albatross sem fékk til sín góða gesti á hringferð um landið. Að þessu sinni voru það GDRN og Emmsé Gauti sem tróðu upp ásamt gullmolunum Ladda og Röggu Gísla sem virðast eiga hvert bein í landsmönnum skuldlaust. Atriðið þar sem Glámur og Skrámur heimsækja Sælgætisland átti eiginlega alls ekki að geta gengið upp en stundum gerast galdrar – þetta var þannig móment og sama hvort fólk sat hugfangið í félagsheimilinu í Bíldudal eða bara heima fyrir framan imbakassann þá létu flestir töfrast þessa kvöldstund. Gleðisprauta beint í hjartað. Takk fyrir það!

Körfubolti þrátt fyrir allt...

Tue, 11 May 2021 08:40:00 +0000

Í gærkvöldi fór fram körfuboltaleikur í Síkinu á Króknum. Samfélagið allt harðlæst; fyrirtæki, skólar og stofnanir búin að skella í lás vegna Covid-19 smita í samfélaginu. Fótboltaleikjum frestað, leiksýningum og eiginlega öllu ... nema körfuboltaleiknum. Hann skildi fara fram hvað sem það kostaði. Enda síðasta umferðin í deildinni og úrslitakeppnin að byrja. „Fokk jú gulir“ eins og konan sagði í denn...

Fótbolti þrátt fyrir allt...

Wed, 21 Oct 2020 11:49:00 +0000

Herra Hundfúll missti næstum út úr sér snuðið þegar hann sá Guðna Bergs tilkynna landsmönnum að haldið yrði áfram að spila fótbolta ... af því bara. Þrátt fyrir að það sé kominn vetur. Þrátt fyrir að mörg lið hafi misst frá sér leikmenn út í heim. Þrátt fyrir að liðin á höfuðborgarsvæðinu megi ekki æfa. Þrátt fyrir að liðin hafi litla sem enga möguleika á að afla tekna. Þrátt fyrir að einhver lið verði kannski að flytja heimaleiki sína í önnur byggðarlög. Þrátt fyrir að leikmenn á landsbyggðinni séu í skóla á höfuðborgarsvæðinu. Þrátt fyrir að liðin þurfi að tefla fram gjörbreyttum liðum í nóvember. Þrátt fyrir áhugamennsku. Þrátt fyrir heimsfaraldur... – Já, fótbolti þrátt fyrir allt.

Herra Hundfúll er að poppa popp...

Wed, 16 Sep 2020 11:42:00 +0000

BTS er suðurkóreskt strákaband og kannski það vinsælasta í heiminum í dag. Eiginlega alveg hrikalega pirrandi grúppa. Í raun svo pirrandi að Herra Hundfúll var búinn að lofa sjálfum sér því að þessa grúppu ætlaði hann aldrei, aldrei að hlusta á. Enda bæði ömurleg, asnaleg og kjánaleg. – En þótt ótrúlegt megi virðast

4-4-2

Wed, 15 Apr 2020 09:52:00 +0000

Nú eru ýmis tilmæli komin frá yfirvöldum varðandi tilslakanir á takmörkunum á samkomum og skólahaldi sem taka munu gildi 4. maí. Skipulagt íþróttastarf sem heimilt verður utandyra er m.a. háð þeim takmörkunum að ekki fleiri einstaklingar en fjórir æfi eða leiki saman. Herra Hundfúll veltir fyrir sér hvort það megi ...

Um handspritt og persónuvernd

Mon, 23 Mar 2020 09:03:00 +0000

Herra Hundfúll hélt að hann hefði himinn höndum tekið þegar handspritt-flaska var það fyrsta sem blasti við honum þegar hann kom inn í kjörbúð á dögunum. Og bara ein eftir í hillunni. Svo hann setti brúsann glaður í bragði í körfuna og gerði rogginn sín innkaup. ...