Mannlíf | Feykir.is

Vísindadagur á Skagaströnd

Tue, 28 Apr 2026 14:53:00 +0000

Frá Vísindadögum á Skagaströnd. MYNDIR: HERDÍS STEINARS" />

Fimmtudaginn 16. apríl s.l. var haldinn vísindadagur fyrir nemendur í 10. bekk Höfðaskóla á Skagaströnd þar sem áhersla var lögð á að kynna þeim fjölbreytt svið vísinda og tækni með fræðslu og verklegum æfingum.

Diskósúpa í Hlöðunni á Stórhól laugardaginn 25. apríl kl. 12-16

Fri, 24 Apr 2026 15:45:00 +0000

Kynningarefni frá Stórhóli. Mynd: Aðsend." />

Eins og oft áður verður mikið um að vera á Stórhóli og Starrastöðum um helgina. Á Stórhóli verður „Diskósúpa” í boði Slow food á Íslandi og Rúnalistar. Til þess að komast að því hverslags súpa það er verður að mæta en súpan fæst frítt. Síðan verður tónlist og fleira gaman . Myndabingó verður fyrir börnin.

Þurrlýsi hlýtur titilinn Norðansprotinn 2026

Fri, 24 Apr 2026 13:50:00 +0000

Páll Þór Ingvarsson fulltrúi Þurrlýsis tekur við verðlaunafé af Hreini Haulksyni fulltrúa dómnefnda…" />

Verkefnið Þurrlýsi hlaut á miðvikudag titilinn Norðansprotinn 2026 á lokaviðburði nýsköpunarkeppninnar sem fram fór í Messanum í Drift á Akureyri. Alls voru sjö verkefni kynnt til leiks og var Þurrlýsi valið sigurvegari að loknum kynningum og mati dómnefndar. Sem sigurvegari hlaut verkefnið 1.000.000 króna styrk frá Landvættum slhf., fjárfestingasjóði í rekstri Axum verðbréfa.

A-listinn býður sig fram í Húnabyggð

Fri, 24 Apr 2026 10:51:00 +0000

" />

Það fór því miður framhjá Feyki að nýtt framboð kynnti framboð í Húnabyggð upp úr miðjum mars. Þar var um að ræða A-listann, óháð framboð sem ætlar sér að fara fram fyrir hönd fólksins í Húnabyggð og ætlar að hafa hagsmuni allra íbúa sveitarfélagsins að leiðarljósi.

Ótrúlega mikil gleði fólgin í því að vinna saman alþjóðlega

Thu, 23 Apr 2026 14:36:00 +0000

Sagt var frá því í byrjun vikunnar að Handbendi brúðuleikhús á Hvammstanga stæði fyrir uppsetningu á splunkunýrri brúðuleikhússýningu, Rót, hjá Leikfélagi Akureyrar nú á laugardaginn og hefst sýningin kl. 16:00. Feykir spurði listakonuna Gretu Clough, sem er bandarísk að uppruna, aðeins út í sýninguna en Greta býr á Hvammstanga ásamt manni sínum, Sigurði Líndal, og dóttur þeirra. Fyrst var spurt hvernig sagan hefði komið til.

„Það væri öllum til hagsbóta ef samvinna sveitarfélaganna í landshlutanum yrði enn þéttari“

Thu, 23 Apr 2026 12:57:00 +0000

Pétur Bergþór Arason sveitarstjóri Húnabyggðar. AÐSEND MYND" />

„Við höfum allt þetta kjörtímabil verið að vinna að gríðarlega mikilvægum verkefnum t.d. þeim sem snúa að breytingu á orkulögum og nýrri byggðarlínu sem snerta hagsmuni allra íbúa núna og um langa framtíð, þau verkefni halda áfram og þótt trollið sé orðið fullt þá þarf að koma því upp á dekk og aflanum í land þannig að hægt sé að búa til verðmæti. Þetta hefur verið verkefnið og verður ennþá næstu misseri,“ segir Pétur Bergþór Arason, sveitarstjóri Húnabyggðar, aðspurður um hver mikilvægustu verkefnin séu sem sveitarfélagið hyggst vinna að á þessu ári. Pétur er þriðji sveitarstjórinn á Norðurlandi vestra sem svarar spurningum Feykis þetta vorið.

„Það var enginn kirkjukuldi í Ketukirkju“

Wed, 22 Apr 2026 14:36:00 +0000

Eyþór fer með ljóð í Ketukirkju á Skaga. MYNDIR: GUNNI RÖGG" />

Það bar við í Sæluviku að Eyþór skáld Árnason frá Uppsölum í Blönduhlíð, en búsettur í höfuðborginni, stóð fyrir svokallaðri Ljóðavísitasíu. Hann heimsótti átta kirkjur í Skagafirði á fimm dögum og las upp úr ljóðabókum sínum og greip jafnvel í gítar. Hann sagði Feyki að túrinn hefði gengið alveg ljómandi vel. „Allavega skemmti ég mér mjög vel, kom í margar kirkjur sem ég hef aldrei komið í áður.“

Körfuboltavöllurinn í Hlíðarhverfi tekinn í gegn

Wed, 22 Apr 2026 13:51:00 +0000

Framkvæmdir við völlinn eru þegar hafnar. MYND: Þ.HANSEN" />

Hafnar eru framkvæmdir við lagfæringar á körfuboltavellinum í Hlíðarhverfi á Króknum. Það má sjá myndir frá framkvæmdum á Facebook-síðu Þ. Hansen sem annast verkið. Feykir spurði Gunnar Pál Ólafsson, verkstjóra Þjónustumiðstöðvar á veitu- og framkvæmdasviði hjá sveitarfélaginu Skagafirði, hvað standi til.

Umhverfisdagur FISK Seafood er 9. maí

Wed, 22 Apr 2026 13:28:00 +0000

Friðbjörn framkvæmdastjóri FISK Seafood með plokkstöngina. MYND: DAVÍÐ MÁR" />

Skráning er hafin fyrir Umhverfisdag FISK Seafood þann 9. maí 2026, kl. 10:00-12:00 Skipulag er með sama hætti og fyrri ár, þið skráið ykkur og veljið það íþróttafélag sem þið viljið styrkja. Þegar nær dregur verða birtar leiðbeiningar um hvaða svæði tilheyrir hverju íþróttafélagi.

Hoppað, skoppað og plokkað á Skagaströnd

Wed, 22 Apr 2026 11:52:00 +0000

Frá Skagaströnd. MYND AF SKAGASTROND.IS" />

Það er næsta víst að vorið er komið og grundirnar gróa þó ekki séu nú veðurkortin að keyra um þverbak í hækkandi hitatölum. Nú má líka reikna með því að líf færist í unga fólkið sem væntanlega tekur rafhlaupahjól til kostanna og þarf því að fylgjast vel með í umferðinni.

LM2026 og HorseDay innsigla samstarf sumarsins

Tue, 21 Apr 2026 15:40:00 +0000

Áskell Heiðar og Oddur handsala samninginn. Mynd: landsmot.is" />

Það styttist í landsmótið á Hólum en það verður haldið 5. – 11. júlí. Eitt af því sem er nauðsynlegt á nútímamótum er miðlun upplýsinga en þar kemur HorseDay sterkt inn. Smáforritið HorseDay hefur verið í mikilli þróun síðustu árin og sér HorseDay alfarið um niðurstöður hestamóta hérlendis. HorseDay hefur tekið við af gömlu góðu Landsmótskránni sem ekki er lengur gefin út á prenti en í smáforritinu er hægt að finna allar upplýsingar um landsmótið á einum stað. Síðan er skemmtilegur möguleiki að áhorfendur geta tekið beinan þátt með því að gefa einkunnir í forritinu og borið saman við einkunnir dómara.

Húnaþing vestra | Hátíðahöld á sumardaginn fyrsta 2026

Tue, 21 Apr 2026 11:15:00 +0000

Vetur konungur og Sumardísin. Mynd:hunathing.is" />

Á vef Húnaþings vestra má lesa: „Allt frá árinu 1957 hefur sumardagurinn fyrsti verið haldinn hátíðlegur í Húnaþingi vestra. Upphaflega var hátíðin haldin til fjáröflunar Fegrunarfélagsins fyrir gróðursetningu í sjúkrahúsgarðinum á Hvammstanga. Í dag er sá garður orðinn stór og þéttur skógur. Þó hátíðin hafi ekki verið með nákvæmlega sama sniði öll þessi ár hefur Vetur konungur þó alltaf afhent Sumardísinni veldissprotann og hafa þau verið klædd í búningana sem forvígiskonur hátíðarinnar saumuðu. Frá upphafi og til ársins 2022 hélt Ingibjörg Pálsdóttir (Lilla) utan um hátíðarhöldin með aðstoð fjölskyldu sinnar og ýmissa félagasamtaka. Í ár ákvað starfsmannafélag leikskólans að taka þetta að sér og viljum við þakka þeim innilega fyrir að viðhalda þessum flotta og rótgróna viðburði í samfélaginu okkar.

Opið vísindahús Háskólalestarinnar sló í gegn á Sauðárkróki

Tue, 21 Apr 2026 08:55:00 +0000

Það var margt brallað í vísindahúsinu. Mynd: Kristinn Ingvarsson" />

Opið vísindahús Háskólalestar Háskóla Íslands sem haldið var í Árskóla á Sauðárkróki laugardaginn 18. apríl var afar vel heppnað. Hátt í þúsund gestir lögðu leið sína á staðinn og nutu fjölbreyttrar dagskrár þar sem vísindi voru kynnt á lifandi, aðgengilegan og skemmtilegan hátt fyrir fólki á öllum aldri. haskolalestin.hi.is segir frá:

Unglingalandsmót UMFÍ verður á Króknum um verslunarmannahelgina

Mon, 20 Apr 2026 21:17:00 +0000

Sigfús Ingi, Gunni Gests og Jóhann Steinar með penna á lofti. MYND: ÓMAR BRAGI" />

Skrifað hefur verið undir samning um Unglingalandsmót UMFÍ sem verður haldið á Sauðárkróki um verslunarmannahelgina. Sigfús Ingi Sigfússon sveitarstjóri, Gunnar Þór Gestsson formaður UMss og Jóhann Steinar Ingimundarson formaður UMFÍ sjást hér undirrita samninginn.

Guðmundur Kári og Þormóður Jón náðu flottum árangri í stærðfræðikeppni

Mon, 20 Apr 2026 09:14:00 +0000

Frá keppninni í Menntaskólanum við Hamrahlíð. AÐSENDAR MYNDIR" />

Úrslitakeppni stærðfræðikeppninnar Pangeu fór fram með pompi og prakt í Menntaskólanum í Hamrahlíð um helgina. Keppnin, sem var fyrst haldin á Íslandi fyrir tíu árum, er fyrir grunnskólakrakka í 8. og 9. bekk af landinu öllu. Fjöldi þátttakenda í ár var 4.694 og því er keppnin sú langstærsta sinnar tegundar á landinu.

Tekið til kostanna í kvöld

Sat, 18 Apr 2026 12:25:00 +0000

Skagfirsk hestamannagleði. Mynd: Svadastadir.is" />

í reiðhöllinni Svaðastöðum verður líf og fjör í kvöld því þar verður „Tekið til kostanna" hestasýning með léttum brag. Skagfirskir hestar og menn í öllum útgáfum. Sérstaklega má nefna „Töltgrúbbuna" hóp glæsikvenna sem æft hafa vikum saman munsturreið sem þær munu sína gestum.

Sæluvikan heldur áfram

Fri, 17 Apr 2026 09:15:00 +0000

Dagsskrá dagsins. Mynd:skagafjordur.is" />

Það er föstudagur í Sæluviku og ýmislegt í gangi. Söfnin eru opin; Safnahúsið með sína Indriða sýningu, Vatnaveröldin hans Ómars er opin frá 1. til 5. Eyþór Árna heldur áfram sínu ljóða ferðalagi og verður á Reynistað kl:5. Krakkar frá Ársölum syngja í Skagfirðingabúð kl:10.15.

Frá körfuknattleiksdeild Tindastóls. UNDANÚRSLIT - MIÐASALA Leikur 21. apríl

Thu, 16 Apr 2026 15:30:00 +0000

Alvöru stuðningsmenn. Mynd: Davíð Már." />

Jæja, kæra Tindastólsfólk! Það er vor í lofti, partýtjaldið stóð af sér páskahretið og eftir létta pásu, sem vonandi hefur verið vel nýtt í að draga fram fánann, hreinsa kúrekahattinn og rifja upp söngtexta Grettismanna, er komið að því sem við öll höfum beðið spennt eftir. – Hvernig ætlar Indriði að skipuleggja miðasöluna í undanúrslitaseríunni!?

Stokkið og kastað í Varmahlíð

Thu, 16 Apr 2026 13:40:00 +0000

Camille Leblanc einbeitt í kúluvarpi.(Helgi Hólm lengst,t,v) Mynd: Anup Gurung." />

Laugardaginn 11. apríl s.l. fór fram í Varmahlíð Stökkmót Smára en það er mót í Stökkmótaröð í atrennulausum stökkum og hástökki með atrennu fyrir 30 ára og eldri. Var þetta í fimmta skiptið sem Stökkmót Smára er haldið en fyrsta mótið fór fram 2022. Þátttaka í mótinu var góð og var þetta fjölmennasta mótið í sögu mótaraðarinnar.

Tónlistarhátíðin Norðanpaunk framúrskarandi

Thu, 16 Apr 2026 09:20:00 +0000

Það verður paunkast í sumar. Mynd: Facebook,Norðanpaunk." />

Samtök sveitarfélaga á Norðurlandi vestra hafa undan farin sjö ár valið framúrskarandi verkefni í landshlutanum. Í febrúar síðastliðnum var kallað eftir tilnefningum en viðurkenningar eru veittar í tveimur flokkum, þ.e. verkefni á sviði atvinnuþróunar og nýsköpunar og verkefni á sviði menningar. Verk Lausn á Skagaströnd fékk viðurkenningu í fyrri flokknum en viðurkenningu fyrir framkúrskarandi verkefni á sviði menningar 2025 fékk Norðanpaunk. Tónlistarhátíðin á Laugarbakka, sem haldin er árlega um verslunarmannahelgina, fær viðurkenninguna fyrir framlag sitt til tónlistar- og menningarlífs á Norðurlandi vestra.