Íþróttir | Feykir.is

Það verður extra langur æfingaleikur í Síkinu í kvöld

Thu, 10 Sep 2026 09:58:00 +0000

Arnar er orðinn spenntur. MYND: DAVÍÐ MÁR" />

Það má kannski segja að það sé hátíð í bæ á Króknum í dag. Ástæðan vitaskuld sú að þjóðarsport Skagfirðinga, körfuboltinn, vaknar til lífsins eftir sumarfrí. Karlaliðið lætur ljós sitt skína í Síkinu í kvöld í fyrsta æfingaleik haustsins en það er lið Hattar frá Egilsstöðum sem mætir á Krókinn. Feykir lagði nokkrar spurningar fyrir Arnar þjálfara Guðjónsson sem svaraði að bragði eins og vanalega. Arnar var spurður út í leik kvöldsins, standið á hópnum og ENBL-deildina.

Æfingar í barnastarfi PKS í vikunni

Tue, 08 Sep 2026 09:13:00 +0000

" />

Pílukastarar eru stanslaust að og spila allan ársins hring. Nú á fimmtudaginn fer fram síðasta og sjöunda keppnin í Sumarmótaröð PKS í húsakynnum Pílukastfélags Skagafjarðar á Króknum og verður húsið opnað kl. 19:30. Nú í vikunni er PKS að kynna píluna fyrir áhugasömum, bæði á Sauðárkróki og í Varmahlíð.

Þrjú lið berjast enn um annað sæti 3. deildar

Sun, 06 Sep 2026 17:27:00 +0000

" />

Spennan í toppbaráttu 3. deildar þar sem Stólarnir berjast er enn í fullum gangi og þegar ein umferð er óspiluð er ljóst að Víðir Garði hefur tryggt sér efsta sætið en KH, Tindastóll og Reynir Sandgerði berjast um annað sætið. Stólarnir áttu möguleika á að styrkja stöðu sína í gær þegar þeir mættu Sindra á Höfn en mættu til leiks með nokkuð laskað lið. Sindramenn eru þar fyrir utan erfiðir heim að sækja og þeir nýttu skyndisóknirnar vel og lögðu lið Tindastóls 3-1.

Húnvetningar gulltryggðu sætið í 2. deild

Sun, 06 Sep 2026 17:07:00 +0000

" />

Lið Kormáks/Hvatar hélt í Mosfellsbæinn í gær til að etja kappi við Hvíta riddarann en sá var í neðsta sæti 2. deildar þegar tvær umferðir voru eftir af móti og þurftu nauðsynlega á sigri að halda. Lið Húnvetninga hafði átt afleitan kafla í ágúst og tapað fjórum leikjum í röð og ef allt hefði farið á versta veg hefði Kormákur/Hvöt mögulega verið í fallhættu í lokaumferðinni. En þeir hristu af sér slenið og fóru með stigin þrjú norður eftir 3-4 sigur og sætið í 2. deild gulltryggt.

Það styttist í að körfuboltinn fari á fullt

Tue, 01 Sep 2026 09:24:00 +0000

Riðlarnir í ENBL-deildinni í vetur. SKJÁSKOT AF SÍÐU ENBL" />

Það er fyrsti dagur septembermánaðar í dag, heiður himinn og sólin skín sem aldrei fyrr, Þá er heldur betur ekki ónýtt að birta lista yfir leiki Tindastólsliðanna sem framundan eru í mánuðinum og það er nóg af leikjum þó einhverjir sakni þess kannski hversu fáir fara fram í Síkinu.

„Ég geng sátt frá golfsumrinu eftir þennan hring!"

Mon, 31 Aug 2026 14:53:00 +0000

Anna Karen kát eftir að hafa slegið vallarmetið. Hún er dóttir Hjartar Geirmunds og Katrínu Gylfa. …" />

Anna Karen Hjartardóttir gerði sér lítið fyrir og setti nýtt vallarmet af rauðum teigum á Hlíðarendavelli í gær á Advania mótinu. Anna Karen lék 18 holurnar á 68 höggum sem telst vera glæsilegur hringur og frábær árangur. Feykir hafði samband við Önnu Karen.

Stólarnir sýndu sínar bestu hliðar í toppslagnum

Sat, 29 Aug 2026 22:37:00 +0000

Sverrir Hrafn fyrirliði hefur sett nokkur stór mörk í sumar. Hann er ekkert hættur því. MYND: DAVÍÐ…" />

Það var sannkallaður stórleikur á Króknum í dag og allt undir hjá báðum liðum. Andstæðingar Tindastóls voru liðsmenn KH frá Hlíðarenda en bæði lið voru með 38 stig fyrir leik, KH í þriðja sæti á betri markatölu. Það fór svo að heimamenn voru sterkari og unnu góðan 3-1 sigur og hafa nú komið sér fyrir í öðru sæti 3. deildar.

S. Pedersen skoraði fyrir lið Tindastóls

Sat, 29 Aug 2026 22:14:00 +0000

Það fór betur í fyrri leiknum gegn FHL í sumar og þá gátu Stóalstúlkur fagnað sigri í leikslok. MYN…" />

Kvennalið Tindastóls skrapp austur á Reyðarfjörð í dag og spilaði við lið FHL í Fjarðabyggðarhöllinni í blankalogni. Þar með eru góðu fréttirnar að mestu upptaldar því annan leikinn í röð fékk liðið á sig átta mörk en stelpurnar okkar náðu þó að setja mark í dag. Það gerði S. Pedersen en essið stendur fyrir Sandra. Lokatölur 8-1.

Gæfan yfirgefur Kormák/Hvöt á ögurstundu

Sat, 29 Aug 2026 21:21:00 +0000

" />

Austfirðingar í KFA mættu brattir á Blönduós í dag þar sem þeir fundu fyrir heimamenn í Kormáki/Hvöt. Tilefnið var knattspyrnuleikur í 20. umferð 2. deildar og voru aðstæður hinar bestu. Heimamenn höfðu tapað síðustu þremur leikjum og ætluðu að rétta úr kútnum í dag en gestirnir höfðu aðrar hugmyndir og stálu öllum stigunum með marki á áttundu mínútu uppbótartíma. Lokatölur 2-3.

Stórleikur á Króknum þegar lið KH kemur í heimsókn

Fri, 28 Aug 2026 22:54:00 +0000

" />

Spennan er nú í algleymingi í 3. deildinni í fótboltanum en fjögur lið berjast um sæti í 2. deild og þar á meðal er lið Tindastóls. Og ekki minnkaði spennan við það að Reynir Sandgerði, sem var í fjórða sæti fyrir 20. umferð, sigraði topplið Víðis og skaust þar með upp í annað sæti. Á morgun, laugardaginn 29. ágúst kl. 15. mætast liðin í 3. og 4. sæti á Króknum en það eru Tindastóll og KH. Semsagt; stórleikur og allir á völlinn!

Aðgangseyrir af leik Kormáks/Hvatar rennur til Bergrósar

Fri, 28 Aug 2026 11:44:00 +0000

" />

Á morgun, laugardaginn 29. ágúst, leikur Kormákur Hvöt næst síðasta heimaleik ársins í 2. deildinni en það er lið KFA frá Austfjörðum sem kemur í heimsókn á Blönduós og hefst leikurinn klukkan 14:00. Stjórn félagsins hefur ákveðið að láta allan aðgangseyri af leiknum renna óskiptan til Bergrósar Hafsteinsdóttur frá Skagaströnd en hún greindist nýverið með illvígan sjúkdóm.

Ade Murkey gengur til liðs við Tindastól

Thu, 27 Aug 2026 15:00:00 +0000

Ade Murkey. Mynd: Davíð Már." />

Tindastóll kynnir nýjan leikmann í Körfunni. Það er Ade Murkey, sem er áhorfendum Bónus deildarinnar vel kunnugur en hann spilaði með Álftanesi á síðasta tímabili. Murkey var með 23.3 stig, 7.7 fráköst og 2.9 stoðsendingar að meðaltali í 14 leikjum fyrir Álftanes.

Norðurlandameistarar í kata frá Íslandi | Annika Líf Maríudóttir Noack skrifar

Tue, 25 Aug 2026 09:00:00 +0000

Freyr Hugi, Annika Líf og Jóhanna María. Mynd: Aðsend." />

Freyr Hugi Herbergsson og Jóhanna María Grétarsdóttir Noack úr Júdódeild Tindastóls tóku nýverið þátt í Nordic Kata Open Tournament 2026 í Finnlandi. Þetta var í annað sinn sem þau kepptu saman á mótinu, en árið 2025 fóru þau til Svíþjóðar þar sem þau unnu sinn fyrsta kata-keppnisflokk.

Quinzia Fulmore til Tindastóls

Tue, 25 Aug 2026 00:25:00 +0000

Quinzia Fulmore klár í slaginn. MYND: DAVÍÐ MÁR" />

Körfuknattleiksdeild Tindastóls hefur samið við bandaríska framherjann Quinzia Fulmore um að leika með liðinu á komandi tímabili í Bónus deildinni. Hún er 23 ára gömul og kemur frá Greensboro í Norður-Karólínu, er 190 sm á hæð og spilar stöðu framherja/miðherja en styrkleikar hennar eru inni í teignum. Hún á að baki 112 leiki í bandaríska háskólaboltanum.

Ólafur Bjarni varð Íslandsmeistari | Arney Sindradóttir skrifar

Mon, 24 Aug 2026 10:23:00 +0000

Ólafur Bjarni ásamt Atla þjálfara. MYND AÐSEND" />

Dagana 20.-22. ágúst fór fram Íslandsmót unglinga í höggleik 14 ára og yngri á Þorláksvelli hjá Golfklúbbi Þorlákshafnar. Golfklúbbur Skagafjarðar átti fimm glæsilega fulltrúa; Brynjar Morgan Brynjarsson, Sigurbjörn Darra Pétursson og Gunnar Atla Þórðarson sem kepptu í flokki 13-14 ára - og Ólaf Bjarna Þórðarson og Karl Goðdal Þórleifsson í flokki 12 ára og yngri. Strákarnir allir sem einn stóðu sig með prýði og voru klúbbnum til mikils sóma. Það fór svo að Ólafur Bjarni landaði sigri og þar með Íslandsmeistaratitli, sem er ekkert nema stórkostlegur árangur hjá dreng á tólfta aldursári. Þrotlaus vinna og þrautseigja liggur að baki, og uppskeran eftir því.

Súsanna Guðlaug tók þátt í FEIF Youth Cup 2026 | Ógleymanleg ferð til Þýskalands

Mon, 24 Aug 2026 09:00:00 +0000

Súsanna Guðlaug. Mynd: Aðsend." />

Dagana 12.–20. júlí fór fram FEIF Youth Cup í Rieden í Þýskalandi. Á mótið koma ungir knapar alls staðar að úr heiminum til að keppa, læra hvert af öðru og kynnast nýju fólki. Súsanna Guðlaug Halldórsdóttir frá Ríp 3 í Hegranesinu var hluti af íslenska hópnum og Feykir fékk hana til að segja frá ferðinni.

Mikilvægur sigur Stólanna í Fífunni í dag

Sun, 23 Aug 2026 20:28:00 +0000

Það var ljóst eftir jafntefli á Ólafsfirði um miðja síðustu viku að allir fjórir leikir Tindastóls sem eftir voru í 3. deildinni þetta sumarið yrðu í raun hreinir úrslitaleikir. Staðan á toppi deildarinnar er það jöfn, en fjögur lið berjast um tvö sæti í 2. deild, að það má hvergi út af bregða. Í dag mættu Stólarnir liði Augnabliks í Fífunni og tvö mörk frá Benna á lokakaflanum voru allt sem þurfti til að næla í stigin þrjú. Lokatölur 0-2.

Lið Tindastóls endurnýjar kynnin við ENBL-deildina

Sun, 23 Aug 2026 11:08:00 +0000

" />

Síðasta vetur tók karlalið Tindastóls þátt í Evrópukeppni í körfubolta. Þátttakan heppnaðist vel, liðið átti marga stórfína leiki í keppninni, það náði góðum árangri og frábær stemning skapaðist í Síkinu sem vakti verðskuldaða athygli út fyrir landsteinana og skilaði körfuknattleiksdtildinni tekjum. Í yfirlýsingu frá stjórn körfuknattleiksdeildar í morgun var sagt frá því að ákveðið hafi verið að endurtaka leikinn og verða Stólarnir því enn á ný þátttakendur í ENBL-deildinni.

„Maður þarf ekki að vera 2 metrar til þess að stanga hann inn!“

Thu, 20 Aug 2026 11:06:00 +0000

Jóhann Daði, lengst til hægri, við það að taka flugið. SKJÁSKOT" />

Tindastólsmenn héldu á Ólafsfj0rð í gær þar sem lið Knattspyrnufélags Fjallabyggðar beið þeirra. Lið KF fór illa með Stólana á Króknum fyrr í sumar og vann þó óvæntan en sanngjarnan sigur og Stólarnir þurftu að svara fyrir sig í gær og að sjálfsögðu að halda í við liðin í toppbaráttunni. Það fór svo eftir talsverða dramatík á lokamínútunum að liðin deildu stigunum og lokatölur 1-1.

Haukar sóttu öll stigin í Húnabyggð

Thu, 20 Aug 2026 09:15:00 +0000

Húnvetningar minnka muninn með skoti frá vítapunkti. SKJÁSKOT" />

Topplið Hauka úr Hafnarfirði mætti í Húnabyggð í gærkvöldi og atti kappi við lið Kormáks/Hvatar á Blönduósvelli. Það hefur verið hálfgert skrölt á heimamönnum upp á síðkastið og það mátti því reikna með erfiðum leik gegn langefsta liði deildarinnar. Það fór svo að Haukarnir höfðu stigin þrjú með sér heim eftir 1-2 sigur.