Minningargreinar | Feykir.is

Svenni Siffa lést 4. maí

Thu, 07 May 2026 09:30:00 +0000

Svenni Siffa, hestarnir, kaupfélagið og Tindastóll. MYND: HELGA RÓSA" />

Sveinn Sigfússon, sem flestir Skagfirðingar þekktu sem Svenna Siffa, lést 4. maí en hann lenti í alvarlegu umferðarslysi í desember síðastliðnum. Svenni fæddist 5. ágúst1946 en hann var sonur Hólmfríðar Sveinsdóttur og Sigfúsar Svarfdal Guðmundssonar. Svenni var öflugasti leikmaður Tindastóls á upphafsárum körfuboltans á Króknum. Útför hans verður gerð frá Sauðárkrókskirkju þann 27. maí.

Sigfús Pétursson frá Álftagerði er látinn

Tue, 05 May 2026 14:55:00 +0000

Sigfús og bræðurnir við plötuupptöku. Mynd: Aðsend." />

Sigfús Pétursson, tenórinn ástsæli frá Álftagerði, lést 3. maí á sjúkrahúsinu á Sauðárkróki. Hann var fæddur 23. apríl 1943 og var því nýorðinn 83 ára. Sigfús var næstelstur sex systkina. Útför Sigfúsar verður gerð frá Sauðárkrókskirkju föstudaginn 15. maí.

Brynjar Pálsson | Minning

Mon, 07 Apr 2025 13:21:00 +0000

Brynjar Pálsson." />

Pabbi og mamma fóru að draga sig saman sumarið 1954. Hann þá 18 ára, nýkominn heim af Vellinum og nógu auðugur, eftir á annað ár þar, til að geta keypt sér gamlan Willis-jeppa af Hermanni á Lóni með númeraplötunni K217. Það var kannski ekki gott að mamma var að stinga af í húsmæðraskóla til Silkiborgar í Danmörku og skildi hann eftir á Króknum einn vetur. Ekki löngu áður en mamma dó, fyrir tíu árum, fundum við veskið sem hún hafði farið með út en inni í því var svarthvít mynd af kærastanum. Hún brosti og sagði, með blik í auga, að vinkonur hennar hefðu haldið að hann væri kvikmyndastjarna. Hún var enn skotin í honum.

Þórhallur Ásmundsson | Minningargrein

Wed, 22 Jan 2025 11:56:00 +0000

Þórhallur eins og við munum hann best. MYND AÐSEND" />

Þórhallur Ásmundsson, fyrrverandi ritstjóri Feykis til rúmra 16 ára, lést á Sjúkrahúsi Siglufjarðar þann 14. janúar síðastliðinn. Hann lætur eftir sig eiginkonu, tvö uppkomin börn og þrjú fósturbörn ásamt barnabörnum og barnabarnabörnum. Starfsfólk Feykis sendir hlýjar kveðjur til fjölskyldu Þórhalls og vina.

Hrefna Sigríður Bjartmarsdóttir frá Mælifelli - Minning

Wed, 15 Jan 2025 08:44:00 +0000

Hrefna Sigríður. Mynd tekin af mbl.is" />

Hrefna Sigríður Bjartmarsdóttir var fædd á Mælifelli 2. apríl 1958 og sleit þar barnsskónum. Hún lést 23. nóvember s.l. og fór útför hennar fram frá Neskirkju 11. desember.

Þorbjörg Eyhildur og Sæmundur Sigursveinn - Minning

Wed, 27 Nov 2024 11:53:00 +0000

" />

Fallin eru frá þau mætu hjón Þorbjörg Eyhildur Gísladóttir og Sæmundur Sigursveinn Sigurbjörnsson frá Syðstu-Grund í Skagafirði. Þeirra er vert að minnast. Þegar dró að jarðarför þeirra fóru veðurguðirnir að ýfa sig svo mörgum varð nóg um og órótt í sinni en hvað gerist? Jú, guðirnir þeir höfðu hemil á sér daginn sem útförin fór fram þann 16. nóvember s.l. og dagurinn varð bjartur í kuldalegri fegurð sinni. Fannhvít Blönduhlíðarfjöllin með Glóðafeyki fremstan meðal jafningja, drúptu höfði af virðingu þegar þau voru jarðsett í Flugumýrarkirkjugarði, hjónin sem búið höfðu lengst af ævi sinnar undir þeirra vernd.

Karl Sigurbjörnsson, biskup - Minning

Wed, 08 May 2024 14:57:00 +0000

Biskupshjónin framan við dyr Ábæjarkirkju. Mynd aðsend." />

Karl Sigurbjörnsson biskup lést 12. febrúar s.l. sjötíu og sjö ára að aldri, og fór útför hans fram frá Hallgrímskirkju 26. febrúar að viðstöddu miklu fjölmenni. Karl var biskup Þjóðkirkjunnar í 14 ár, frá 1998-2012.

Sigríður Ólafsdóttir - Minning

Wed, 24 Apr 2024 09:42:00 +0000

Mynd tekin af https://atom.hunabyggd.is/" />

Við andlát Sigríðar Ólafsdóttur, fyrrum húsfreyju í Ártúnum, hvarflar hugurinn rúmlega fjörutíu ár aftur í tímann til ársins 1981, er undirritaður vígðist til starfa sem sóknarprestur í Bólstaðarhlíðarprestakalli. Ártúnsheimilið var eitt fyrsta heimili, er ég steig fæti inn á við komuna þangað. Þar réðu þá ríkjum heiðurshjónin, Sigríður og Jón Tryggvason, organisti og kórstjórnandi með meiru. Þar var aðfluttri prestsfjölskyldu strax tekið með þeirri vinsemd, sem síðan hefur staðist tímans tönn.

Jón Karl Karlsson - Minning

Wed, 13 Mar 2024 14:07:00 +0000

" />

Góður Lionsfélagi Jón Karl Karlsson er fallinn frá á 87. aldursári. Útför hans var gerð frá Sauðárkrókskirkju þann 12. febrúar s.l. Lionskúbbur Sauðárkróks minnist hans með virðingu og þökk fyrir hans miklu Lionsstörf.

Hans Birgir Friðriksson, veiðimaður - Minning

Wed, 22 Nov 2023 09:52:00 +0000

" />

Við sem stöndum að þessari grein vorum þeirrar gæfu aðnjótandi að vera vinir og veiðifélagar Bigga Malla. Biggi Malla er nú látinn, fyrir aldur fram. Maður sem nánast aldrei kenndi sér meins, lifði meinlætalifnaði og var með eindæmum hraustur. Biggi vann Grettisbikarinn átta sinnum og átti ótal met í sundíþróttum bæði á yngri árum og síðar í öldungaflokkum, setti þar á meðal Íslandsmet í 50 m skriðsundi á Norðurlandamóti öldunga 2008 auk þess að verða Norðurlandameistari öldunga 2003. Svona snúa örlögin á okkur, koma aftan að okkur þegar við eigum þess síst von og hrifsa frá okkur þá sem okkur þykir vænt um. Eftir standa skörð sem ekki verða fyllt.

Hans Birgir Friðriksson - Minning

Mon, 20 Nov 2023 12:23:00 +0000

" />

Með okkur Hans Birgi Friðrikssyni eða Bigga Malla tókst góð vinátta enda deildum við sameiginlegum áhugamálum og fórum við saman í ófáar sund- og veiðiferðirnar.

Stefán Pedersen - Minning

Thu, 21 Sep 2023 23:24:00 +0000

Stefán Pedersen. MYND AF VEF GSS" />

Stefán Pedersen heiðursfélagi GSS lést 9. september og var borinn til grafar í dag, 21. september.

Ólafur Sveinsson - Minning

Wed, 14 Jun 2023 15:46:00 +0000

" />

Ólafur Sveinsson fyrrverandi yfirlæknir Sjúkrahúss Skagfirðinga á Sauðárkróki lést 10. maí s.l. á 96. aldursári. Hann var Vestfirðingur, fæddur á Góustöðum í Skutulsfirði 3. september 1927. Hann lauk læknanámi frá Háskóla Íslands og eftir sérnám í Svíþjóð flutti hann til Sauðárkróks í desember 1960 með eiginkonu sinni, Ástu Karlsdóttur og fjölskyldu, ráðinn skurðlæknir og yfirlæknir við nýbyggt sjúkrahúsið og starfaði þar í 36 ár eða þar til hann fór á eftirlaun.

Þorleifur Ingólfsson (Smilli) - Minning

Fri, 03 Feb 2023 08:03:00 +0000

Þorleifur Ingólfsson sjómaður og bóndi á Þorbjargarstöðum á Skaga, fæddist í Reykjavík 21. febrúar 1950. Hann lést á blóð- og krabbameinslækningadeild Landspítalans 17. janúar. Foreldrar hans voru Ingólfur Guðmundsson bifvélavirki, f. 19.4. 1929, d. 16.6. 1991, og Fjóla Þorleifsdóttir ljósmóðir, f. 20.8. 1928, d. 6.11. 2007. Bræður Þorleifs eru Guðmundur Örn, f. 19.10. 1952 og Jóhann Helgi f. 3.7. 1960.

Þóra Sigrún Kristjánsdóttir frá Óslandi - Minning

Thu, 19 Jan 2023 11:49:00 +0000

" />

Árið er 1955. Hún var nítján ára við vinnu á Hólum þegar hún fékk þau skilaboð frá föður sínum að reyna að komast á Krókinn og heimsækja móður á sjúkrahúsinu. Hún vissi af ungum manni, sem átti bíl og bað hann að leyfa sér að sitja í næst þegar hann færi á Krókinn, sem var auðsótt mál. Þarna kvaddi hún móður sína sem lést stuttu síðar. Þegar henni var tilkynnt andlát móðurinnar slapp út úr henni «Æ það var gott» Og þessi orð fylgdu henni það sem eftir lifði og hún lifði í þeirri bjargföstu trú að dauðinn væri ekki það versta sem gæti hent þig í lífinu. Þegar kvölin er orðin svona mikil er dauðinn líkn. Enda lét hún gjarnan þau orð falla ef eldra fólk féll frá «Æ það var gott að hún/hann fékk að deyja». En ungi maðurinn sem átti bílinn varð síðar eiginmaður hennar til tæpra sextíu ára.

Bjarni Haraldsson - Minning

Sun, 30 Jan 2022 19:00:00 +0000

" />

Það er með djúpri virðingu og þakklæti sem ég að leiðarlokum kveð tengdaföður minn Bjarna Haraldsson, kaupmann á Sauðárkróki. Bjarni hefur verið órjúfanlegur hluti af lífi mínu frá því að ég kynntist honum Lárusi Inga. Örfáum árum áður höfðu Dísa tengdamamma, sem þá var orðin ekkja og Bjarni hafið búskap. Ástarsaga Dísu og Bjarna er um margt sérstök, þau kynnast ung, þekkjast í áratugi og sennilega hefur hann Bjarni beðið lengi eftir henni Dísu sinni. Afrakstur ástar þeirra er hann Lárus minn sem naut þess í raun að eiga tvo feður, dásamlega menn sem báðir reyndust honum vel.