Vestur-Húnavatnssýsla | Feykir.is

Stjórnin kveður eftir vel heppnaða hátíð

Tue, 28 Jul 2026 14:07:00 +0000

" />

Nú er bæjarhátíðinni Eldur í Húnaþingi lokið og heppnaðist allt mjög vel. Dagskráin var stútfull frá mánudegi til sunnudags þar sem allir gátu fundið eitthvað við sitt hæfi. Eins og kom fram á Facebook-síðu hátíðarinnar eru nú komin kaflaskipti og mun ný stjórn taka við hátíðinni á næsta ári.

Er betra að vita en halda? | Óli Rúnar Ástþórsson skrifar

Mon, 27 Jul 2026 14:18:00 +0000

Óli Rúnar Ástþórsson. AÐSEND MYND" />

Ákvörðun sem tekin er í myrkri eða óvissu er sjaldnast gæfurík. Þegar við erum stödd á krossgötum í lífinu, hvort sem það varðar fjármál heimilisins, menntun barna okkar eða rekstur fyrirtækja, reynum við ævinlega að afla okkur eins mikilla upplýsinga og mögulegt er. Enginn skrifar undir kaupsamning á fasteign án þess að skoða ástand hennar, og enginn skuldbindur sig til stórra verkefna eingöngu byggða á innsæi eða hálfsannleika. Við viljum vita, ekki halda.

Fyrsta tapið á Eldi í Húnaþingi í áratug

Mon, 27 Jul 2026 14:04:00 +0000

MYND AF AÐDÁENDASÍÐU KORMÁKS/HVATAR" />

Á laugardaginn síðastliðinn, á næstseinasta degi bæjarhátíðarinnar Eldur í Húnaþingi, fór fram leikur Kormáks/Hvatar og Selfoss í 2. deild karla á Hvammstangavelli. Hefð er fyrir því að Kormákur/Hvöt spili heimaleik á meðan bæjarhátíðinni stendur. Leikurinn endaði þó með 2-5 tapi Kormáks/Hvatar og er liðið því í sjötta sæti deildarinnar eftir 14 umferðir.

Feykir og Sjónhorn farið í sumarfrí

Mon, 27 Jul 2026 08:37:00 +0000

" />

Nú er starfsfólk Nýprents farið í sumarfrí og mætir aftur til starfa mánudaginn 10. ágúst. Emma Katrín sumarafleysingastarfsmaður Feykis verður á fréttavaktinni og sér um að koma fréttum og efni á Feyki.is.

Gúllassúpa og ostakaka | Matgæðingur Feykis

Sun, 26 Jul 2026 09:00:00 +0000

Guðmundur Þór og Jóhanna. AÐSEND MYND" />

Matgæðingar vikunnar í tbl. 11 voru Guðmundur Þór og Jóhanna Friðriksdóttir en þau búa á Arnarholti ásamt börnunum Arnheiði Kristínu, Elísu Hebbu og Kristni Erni, sem er reyndar að mestu fluttur að heiman. Guðmundur er húsasmíðameistari og starfar sem framkvæmdastjóri trésmiðjunnar Stíganda á Blönduósi. Jóhanna er reiðkennari og þjálfari og starfar heima á Arnarholti við þjálfun hrossa og reiðkennslu. Síðustu ár hafa þau unnið mikið að því að bæta aðstöðu til þjálfunar hrossa og eru nú komin með gott hesthús með pláss fyrir um 30 hross og góða reiðskemmu til þjálfunar.

Stóra selatalningin á Vatnsnesi í vændum

Sat, 25 Jul 2026 16:09:00 +0000

MYND AF HEIMASTÍÐU SELASETURSINS" />

Þann 27. júlí mun fara fram stóra selatalningin hjá Selasetri Íslands. Talningin fer fram við Vatnsnes eins og hún hefur gert undanfarin ár, en eftirlit með selastofninum á Vatnsnesi hófst árið 2007. Síðan þá hefur hún farið reglulega fram. Nú er óskað eftir sjálfboðaliðum sem vilja eyða deginum sem vísindafólk, fylgjast með selum og leggja sitt af mörkum til verndar selastofnsins.

Kjúklingur í ofni og vinsælasti eftirrétturinn | Matgæðingar Feykis

Sat, 25 Jul 2026 13:26:00 +0000

Láki og Soffía. AÐSEND MYND" />

Matgæðingar vikunnar í tbl. 10 voru Soffía Helga Valsdóttir og Þorlákur Snær Helgason á Króknum. „Við erum aðfluttir Skagfirðingar,“ segir Soffía brosandi og heldur áfram, „en Láki er Akureyringur og ég er Reykvíkingur. Við komum hingað frá Akureyri árið 2018 þegar Láki hóf störf sem aðstoðar slökkviliðsstjóri hjá Brunavörnum Skagafjarðar. Til að byrja með leigðum við hús en keypt um svo í Víðihlíðinni á Króknum í miðjum Covid faraldri.“ Soffía og Láki eiga fjögur börn, Val Snæ og Axel Örn, þeir eru komnir yfir tvítugt og búa fyrir sunnan, en Lóa Dröfn, 15 ára, og Hrafnkell Máni, 12 ára, búa með þeim á Króknum.

Sveitarfélög um allt land krefjast svara um framtíð heilbrigðiseftirlitsins

Sat, 25 Jul 2026 09:55:00 +0000

" />

Alþingi hefur samþykkt umfangsmiklar breytingar á fyrirkomulagi eftirlits með hollustuháttum, mengunarvörnum og matvælum. Með breytingunum flytjast meginverkefni núverandi heilbrigðiseftirlita sveitarfélaga til ríkisins, annars vegar til Umhverfis- og orkustofnunar og hins vegar til nýrrar Stofnunar atvinnuveganna. Þrátt fyrir að lagasetningunni sé lokið eru enn mörg grundvallaratriði óljós um framkvæmd breytinganna, ábyrgð, kostnað og þjónustu við íbúa og atvinnulíf.

Inga keppir í frjálsum og grasblaki

Sat, 25 Jul 2026 09:04:00 +0000

AÐSEND MYND" />

Nú eru aðeins nokkrir dagar í að stórmótið sem Unglingalandsmótið er, hefjist. Fólk kemur hvaðanæva að af landinu til þess að taka þátt í fjörinu og vanalega eru tjaldsvæði mótsins smekkfull. Það er kominn Unglingalandsmótssvipur á Sauðárkrók og því er um að gera að heyra í fleiri þátttakendum mótsins. Inga Ingadóttir er frá Neðri Svertingsstöðum í Húnaþingi vestra. Hún er 16 ára og hefur keppt á hverju einasta Unglingalandsmóti síðan hún var 11 ára en þá var mótið haldið á Selfossi.

Aflraunakappar keppa á Blönduósi á laugardagsmorgni

Fri, 24 Jul 2026 15:41:00 +0000

" />

Aflraunakeppni milli sterkustu manna landsins, Víkingurinn, fer fram dagana 24.-26. júlí 2026 og fara tvær keppnisgreinar fram í Húnabyggð. Víkingurinn er framhald Vestfjarðavíkingsins sem haldinn hafði verið til fjölda ára í umsjá Magnúsar Ver Manússonar.

Rúgbrauð og pabba pasta | Matgæðingar Feykis

Fri, 24 Jul 2026 09:00:00 +0000

Eiríkur Þór og Sandra kampakát! AÐSEND MYND" />

Matgæðingar vikunnar í tbl. 9 voru Eiríkur Þór Magnússon og Sandra Helgadóttir. Eiríkur er málarameistari, tekur að sér verkefni bæði innan- og utanhúss, og Sandra er táknmálstúlkur og táknmálskennari. Eiríkur á einn son úr fyrra sambandi (Róbert Bergmann) og Sandra á einn son og eina dóttur einnig úr fyrra sambandi (Þorsteinn Helgi Atlason og Lilja Líf Atladóttir). Eiríkur kemur frá Kópavogi og Sandra frá Vogum á Vatns leysuströnd á Reykjanesi.

Vernd dýraheilbrigðis á Íslandi í ljósi reglna um frjálst flæði vöru á innri markaði ESB | Aðsend grein. Erna Bjarnadóttir skrifar

Thu, 23 Jul 2026 13:10:00 +0000

Erna Bjarnadóttir hagfræðingur. Mynd: Aðsend." />

Bann við innflutningi lifandi búfjár er aðeins einn hluti þess kerfis sem byggt hefur verið upp hér á landi til verndar dýraheilbrigði. Hér er átt við heildstætt kerfi þar sem mörg stjórntæki vinna saman að því markmiði að koma í veg fyrir að hingað berist og breiðist út sjúkdómar sem íslenskt búfé hefur litla eða enga mótstöðu gegn eða krefjast kostnaðarsamra aðgerða, svo sem bólusetninga eða niðurskurðar, til að halda þeim í skefjum.

Það eru allir gleðigjafar á Eldi í Hún

Thu, 23 Jul 2026 09:20:00 +0000

Dagrún er klár í Eld í Hún. Mynd: facebook." />

Feykir lagði nokkrar samvisku spurningar fyrir nokkra vestur-Húnvetninga vegna Elds í Hún. Hér svarar Dagrún Sól Barkardóttir:

Eldur í Hún | Miðvikudagur

Wed, 22 Jul 2026 11:45:00 +0000

Lifandi dagsskrá í dag. Mynd: eldurihun.is" />

Nýr dag á Eldinum. Gærdagurinn gekk vel. Sérstaklega var góð stemning og þátttaka í pílumótinu. Fólki á svæðinu er að fjölga og er búist við rúmlega 1000 manns um helgina. Miðasala á böllin á föstudag og laugardag er lífleg að sögn Birgis Þórs, eins af aðstandendum hátíðarinnar.

Eldur í Hún er eins og íslenskur fjárhundur

Tue, 21 Jul 2026 12:45:00 +0000

Linda Sóley er klár í Eldinn. Mynd: Af facebook." />

Feykir lagði nokkrar samvisku spurningar fyrir nokkra vestur-Húnvetninga vegna Elds í Hún. Hér svarar Linda Sóley Guðmundsdóttir:

Eldurinn fór vel af stað

Tue, 21 Jul 2026 11:05:00 +0000

Þriðjudags dagsskrá. Mynd: eldurihun.is" />

Gleðihátíðin Eldur í Hún hófst í gær, mánudag og rann ljúflega af stað að sögn Patreks Óla viðburðarstjóra. „Allt gekk eins og í sögu og fór vel af stað, yfir 30 manns á folf námskeiði og um 25 á folf móti seinna um kvöldið.” Segir Patrekur. Hátíðin heldur að sjálfsögðu áfram í dag og er hún efirfarandi með yfirskriftinni: Hver sagði að sund, rave og pílukast færu ekki saman?

Húnvetningar í stuði á Húnavöku

Sun, 19 Jul 2026 13:59:00 +0000

Manu skorar þriðja markið beint úr aukaspyrnu. SKJÁSKOT" />

Lið Kormáks/Hvatar fékk lið Dalvíkur/Reynis í heimsókn á Húnavöku í gær en flautað var til leiks kl. 17. Liðin voru á svipuðum slóðum í efri hluta 2. deildar fyrir leik; gestirnir í þriðja sæti með 20 stig en heimamenn í sjötta sæti með 17. Að leik loknum í gær höfðu Húnvetningar komist upp fyrir Eyfirðingana á markatölu og sitja nú í fjórða sæti eftir sterkan 3-1 sigur.

Eldur í Húnaþingi sameinar íbúa á skemmtilegan hátt

Fri, 17 Jul 2026 08:52:00 +0000

Patrekur Óli klár í Eld í Húnaþingi. AÐSEND MYND" />

Húnavöku í Húnabyggð er ekki fyrr lokið á sunnudaginn næstkomandi en grannarnir í vestri, íbúar í Húnaþingi vestra, grípa gleðiboltann á lofti því hin árlega hátíð, Eldur í Húnaþingi, hefst strax á mánudag og stendur í viku. Semsagt dagana 20.-26. júlí. Til að fræðast örlítið um Eld í Húnaþingi og hvað þar verður á döfinni hafði Feykir samband við viðburðastjórann Petrek Óla Gústafsson.

Landsvirkjun hélt upp á 35 ára afmæli Blöndustöðvar

Wed, 15 Jul 2026 10:46:00 +0000

Það var ýmislegt brallað í tilefni afmælisins. MYNDIR AF FB-SÍÐU LANDSVIRKJUNAR" />

Landsvirkjun hélt upp á 35 ára afmæli Blöndustöðvar á laugardaginn og þótti hátíðin heppnast vel. Vígsla Blöndustöðvar árið 1991 markaði mikil tímamót í íslenskri raforkusögu. Blöndustöð er aflstöð Blönduvirkjunar, ein stærsta vatnsaflsvirkjun landsins, og var hún tekin í notkun eftir umfangsmiklar framkvæmdir sem hófust árið 1984.

Sigur náttúruaflanna í markaleysi á Blönduósi

Sun, 12 Jul 2026 21:31:00 +0000

" />

Það var bragðdaufur bragðarefur í boði á Blönduósi í dag þegar lið Kormáks/Hvatar tók á móti liði Víkings frá Ólafsvík í gulri viðvörun. Eftir að hafa borið sigurorð af Víkingum tvívegis í sumar þá náðu gestirnir að loka markinu sínu og það gerðu Húnvetningar líka. Það var því markalaust og liðin, sem bæði sigla lygnan sjó um miðja deild, máttu sættu sig við að skiptast á jafnan hlut.