Ég lofa :: Leiðari Feykis
Loforð er eitthvað sem við gefum þegar við viljum að eitthvað gangi eftir sem við getum haft áhrif á og fylgjum eftir. Loforð er skuldbinding sem hver og einn verður að standa við og efna. Annað eru svik. Öðru máli gegnir um vilja sem er eiginleikinn til að framkvæma, ef maður nennir því eða kemur því í verk þó einhver ljón séu í veginum. Ég hef t.d. margoft sýnt vilja minn til ýmissa verkefna en aldrei framkvæmt án þess að hafa lofað því sérstaklega.
Það fer iðulega í mínar fínustu taugar þegar loforð eru gefin án þess að nokkur vissa sé fyrir því hvort hægt verði að standa við stóru orðin. Hver hefur ekki horft á bíómynd þar sem einhver góðhjartaður lofar einhverju sem vonlaust er fyrir viðkomandi að efna: „I promise!“
Pólitíkusar á Íslandi eru löngu búnir að sjá þetta og eru hættir að lofa nokkrum sköpuðum hlut, nema þá kannski í þröngum hópi flokksgæðinga, og eru í staðinn farnir að gefa út og skrifa undir viljayfirlýsingar. Viljayfirlýsing er ekki eins gildishlaðin og gott kosningaloforð. Í viljayfirlýsingunni kemur fram vilji þess sem er í framboði, að eitthvað gerist og viðkomandi sé tilbúinn að fylgja því máli eftir. En ekkert loforð!
Mér flaug þetta í hug þegar fréttir bárust af því að Katrín Jakobsdóttir, forsætisráðherra, Ásmundur Einar Daðason, mennta- og barnamálaráðherra, og Dagur B. Eggertsson borgarstjóri kynntu stöðu og næstu skref við byggingu nýrrar Þjóðarhallar í Laugardalnum. Athygli vekur að kostnaður og skipting hans milli ríkis og borgar hefur ekki enn verið skilgreindur og fjármögnun liggur ekki fyrir.
Í Feyki vikunnar er að finna viðtal við Guðmund Hauk Jakobsson, forseta sveitarstjórnar Húnabyggðar þar sem farið er yfir mikilvægi flugvallarins á Blönduósi sem sjúkraflugvallar. Alþingismenn og ráðherrar sýna því skilning að klæða þurfi völlinn bundnu slitlagi til að hann teljist viðunandi til að þjóna hlutverki sínu með sóma en dæmi eru um að flugrekstraraðilar hafi veigrað sér við að lenda á honum. Sem malarvöllur er alltaf hætta á grjótkasti sem getur skemmt viðkvæman búnað vélanna.
Enginn pólitíkus hefur lofað neinu svo þetta er allt í lagi en margir hafa sýnt vilja sinn í að hnika málum áfram í rétta átt. Að þeim er þessi pistill sniðinn. Takið höndum saman, tryggið fjármagn til framkvæmda í sumar og ég skal lofa verkið að lokum.
Góðar stundir!
Páll Friðriksson
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.