Arctic Coastline Route - Strandvegur um Norðurland
Verkefnið Arctic Coastline Route eða strandvegur um Norðurland hófst fyrir um einu og hálfu ári síðan sem samstarfsverkefni sveitarfélaganna Skagafjarðar, Fjallabyggðar og Dalvíkurbyggðar um ferðamannaveg um Tröllaskaga.
Sótt var um styrk til verkefnisins til Uppbyggingarsjóðs Norðurlands eystra en önnur svipuð umsókn með örlítið annarri landfræðilegri afmörkun barst sjóðnum og voru verkefnin tvö sameinuð og fengu sameiginlegan styrk. Sveitarfélagið Skagafjörður hefur fjármagnað verkefnið sjálft eftir að Uppbyggingarsjóður Norðurlands vestra hafnaði umsókn um styrk til þess. Auk þeirra þriggja sveitarfélaga sem fyrr eru talin standa Akureyrarbær og Norðurhjari, sem eru samtök ferðaþjónustuaðila á svæðinu frá Kelduhverfi austur í Bakkafjörð, að verkefninu.
Síðan í september hefur Markaðsstofa Norðurlands haft umsjón með verkefninu og var Christiane Stadler, landfræðingur, ráðin sem verkefnastjóri. Hefur hún unnið að greiningu og undirbúningi verkefnisins og er nú byrjuð að kynna það fyrir hugsanlegum samstarfsaðilum á svæðinu. Starfssvæði Markaðsstofu Norðurlands er frá Borðeyri til Bakkafjarðar og hefur verkefnið verið unnið þannig að hægt sé að framlengja veginn í vesturátt sé áhugi fyrir hendi.
Markmið verkefnisins er að styrkja stöðu Norðurlands í markaðssetningu innanlands og erlendis. Því er ætlað að hvetja ferðamenn til að staldra lengur við á Norðurlandi, draga fram helstu áherslur og vinna markvisst að uppbyggingu staðanna sem að veginum liggja og að gera Norðurland að freistandi valkosti fyrir ferðamenn árið um kring. Áhersla er lögð á sjávarþorpin og þá afþreyingu, sögu og upplifun sem tengist strandmenningu. Vonast er til að verkefnið verði þjónustu- og afþreyingaraðilum á svæðinu hvatning til að bæta og auka starfsemi sína.
Endanlegt nafn á eða vörumerki fyrir verkefnið hefur ekki verið ákveðið.
Fleiri fréttir
-
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.