Flogið á Krókinn á ný
Í dag lenti flugvél flugfélagsins Ernis á Sauðárkróki á ný eftir nokkurra ára hlé á áætlunarflugi þangað. Um tilraunaverkefni er að ræða í sex mánuði og ræðst framhaldið af eftirspurn flugfarþega. Fyrirtæki, félagasamtök og stofnanir á Norðurlandi vestra hafa mörg hver tekið vel í að styrkja verkefnið með kaupum á miðum eða niðurgreiðslu til félagsmanna sinna.
Í tilefni dagsins bauð Isavia upp á kaffi og kökur og haldin voru ávörp. Hörður Guðmundsson, stofnandi flugfélagsins, sagði að ætíð væri reynt að bjóða upp á ódýrustu kjör á flugmiðum en vert væri að hafa í huga að margir kæmu að einu flugi. Nefndi hann að 20 manns í ýmsum störfum kæmu þar að, allt frá miðasölu, eftirliti, viðhaldi og að flugstjórn. Vonaðist hann til að áætlunarflugið til Sauðárkróks myndi ganga vel um ókomin ár.
Sigríður Svavarsdóttir, forseti sveitarstjórnar, bauð flugfélagið velkomið á Krókinn og sagðist vonast til þess að áætlunarflugið væri komið til að vera íbúum Skagafjarðar og nærsveita til hagsbóta og ekki síður til að opna fleiri hlið inn á svæðið m.t.t. ferðamennsku. Sagði hún það gríðarlega mikilvægt að fá þessa samgöngubót.
Fleiri fréttir
-
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira -
Tólf í framboði til embættis forseta Íslands
feykir.is Skagafjörður, Austur-Húnavatnssýsla, Vestur-Húnavatnssýsla 03.05.2024 kl. 09.14Tólf verða í framboði til forseta Íslands í kosningunum 1. júní næstkomandi en þá ræðst hver verður sjöundi forseti lýðveldisins. Landskjörstjórn fór yfir öll framboð sem bárust og úrskurðað um gildi þeirra. Tvö framboð voru úrskurðuð ógild en Viktor Traustason kærði úrskurðinn og fékk tækifæri til að lagfæra undirskriftalistann sinn sem hann og gerði. Fyrsti sjónvarpsfundur frambjóðanda í Sjónvarpi allra landsmanna verður í kvöld og hefst kl. 19:40.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.