Fundað með foreldrum vegna raka - ósáttir við að ekki hafi verið pöntuð sýnataka fyrr
Raki í húsnæði yngra stigi leikskólans Ársala á Sauðárkróki hefur valdið áhyggjum nokkurra foreldra barna leikskólans sem óttast að þar kunni að vera myglusveppur. Boðað var til fundar með foreldrum vegna þessa í gær þar sem foreldrar voru upplýstir um stöðu mála og fyrirhuguðum aðgerðum leikskólans.
Auk foreldra og starfsfólks leikskólans sátu fundinn Ingvar Gýgjar Sigurðarson verkefnastjóri hjá Veitu- og framkvæmdasviði Svf. Skagafjarðar og Guðmundur Þór Guðmundsson umsjónarmaður fasteigna sveitarfélagsins til að ræða um húsnæði leikskólans og svara spurningum foreldra.
Ljóst er að raki sækir alltaf í suðvestur og norðvesturhorn byggingar yngra stigs Ársala við Víðigrund, þar sem deildirnar Lækur og Lón eru til húsa. Fram kom að ekki hefur verið tekið sýni og skorið úr um hvort myglusvepp sé þar að ræða, og ef svo sé hvort hann hafi áhrif á heilsu fólks, en sveitarfélagið hefur í samstarfi við Heilbrigðiseftirlitið, pantað sýnatöku. Hún verður framkvæmd á næstu dögum og næstu skref ákveðin í framhaldi af því.
Á fundinum voru m.a. staddir foreldrar barna, sem hafa átt við ítrekuð og langvinn veikindi að stríða, sem þeir telja að kunni að stafa af óheilsusamlegu andrúmslofti í leikskólanum. Þeir voru ósáttir við að ekki hafi verið pöntuð sýnataka fyrr, en minnst er á umræddan raka í Ársáætlun leikskólans 2014-2015. Fyrir vikið hafi heilsu barnanna verið stofnað í hættu. Þar að auki sögðust þeir vilja aukið upplýsingaflæði varðandi framvindu mála.
Viðstaddir voru sammála um að hraða þurfi greiningu á því hvort um myglusvepp sé að ræða og skerpa þurfi verkferla varðandi myglusvepp í framtíðinni svo að ekki komi upp samskonar staða á ný.
Nánar verður fjallað um málið í Feyki sem kemur út í næstu viku.
Fleiri fréttir
-
Sigurður Örn til PLAY
feykir.is Austur-Húnavatnssýsla, Mannlíf 16.04.2024 kl. 15.32Flugfélagið PLAY hefur ráðið Sigurð Örn Ágústsson, frá Geitaskarði í Langadal, sem framkvæmdastjóra viðskiptaþróunar. Fram kemur í fréttatilkynningu á netsíðu PLAY að um er að ræða nýtt svið innan flugfélagsins en Siggi mun hafa það hlutverk að leiða frekari þróun þvert á öll svið flugfélagsins.Meira -
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.