Fundað um vegaúrbætur sem eru brýnar að mati heimamanna
Markaðsstofa Norðurlands er orðinn tengiliður ferðaþjónustunnar á Norðurlandi við Vegagerðina. Af því tilefni var boðað til funda um vegamál um allt Norðurland. Þann 1. október voru fundir haldnir á Sauðárkróki, Blönduósi og Hvammstanga og voru ferðaþjónustuaðilar og sveitarstjórnarfólk hvatt til að mæta og koma sínum sjónarmiðum á framfæri.
Á hverjum fundi bar á góma vöntun á útskotum og að merkingar séu í lagi. Á fundinum á Sauðárkróki var aðkeyrsla og bílastæði við Glaumbæ nefnd og engan veginn sögð bera þann fjölda sem þangað sækir. Vegirnir um Hegranes, Reykjaströnd og að skíðasvæði Tindastóls voru einnig sagðir óboðlegir, þar þurfi að leggja bundið slitlag. Þá er einnig þörf á vetrarþjónustu á Reykjastrandaveg.
Rætt var um reiðvegi, sérstaklega í framsveitum Skagafjarðar, sem jafnvel voru sagðir stundum ónothæfir. Þörf er á að laga gatnamót á Þjóðvegi 1 við Varmahlíð, þar þurfi að koma fyrir hringtorgi. Vegir í Fljótum voru sagðir þurfa verulegra úrbóta, einnig voru hugmyndir um jarðgöng til Siglufjarðar ræddar. Nefndar voru úrbætur á Kjalvegi.
Kjalvegur, Þingeyravegur og vegurinn í gegnum Blönduós brýnustu verkefnin
Á fundinum á Blönduósi var uppbygging vegar yfir Kjöl einnig til umræðu. Eins að færa veglínu þar sem vegurinn liggur yfir stífluna við Kolku en þar verður ófært um leið og fer að snjóa.
Þau mál sem vógu hæst, auk Kjalvegar, voru Þingeyravegur, vegurinn í gegnum Blönduós og áfram norður. Vegurinn niður að Þingeyrum er sagður mjór, holóttur og ekki mikið viðhaldinn en þar jafnan er mikill ferðamannastraumur. Vegakaflinn gegnum Blönduós og norður að gatnamótum við Þverárfjall er orðinn gamall og hættulegur, eins er brúin yfir Blöndu orðin gömul og léleg.
Bílastæði vantar við Þrístapa, þar sem er mikið stoppað en ekkert pláss. Útbætur á Svínvetningabraut, Vatnsdalsvegi og Skagavegi voru einnig nefndar.
Mesta þörfin úrbótum á Vatnsnesvegi
Það sem brann heitast á fundarmönnum á Hvammstanga var Vatnsnesvegurinn en viðstaddir voru sammála um þar ríður mest á úrbótum. Byggja þurfti þann veg upp en gríðarlegur fjöldi ferðamanna fer þar um, um 250 bílar á dag, yfir hásumarið.
Einnig var rætt um Norðurbraut, gatnamótin við Laugarbakka, planið við Hvammstanga afleggjarann sem er of lítið. Talað var um brú yfir Norðlingafljót til þess að loka leið sem liggur af heiðinni vestur og niður að Húsafelli.
Fleiri fréttir
-
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.