Hvað gera Ellert, Hrafnhildur og Sigvaldi í The Voice?
Sjónvarpsþátturinn The Voice Ísland á SkjáEinum hefur vakið verðskuldaða athygli en þar hafa fjórir hressir dómarar verið að velja sér lið úr sterkum hópi söngvara. Nú þegar búið er að velja í liðin þá er Feykir fullviss um að minnsta kosti þrír söngvaranna 32 eru ættaðir frá Norðurlandi vestra.
Króksarinn Ellert Heiðar Jóhannsson mætti til leiks dulbúinn sem sjómaður úr Grindavík en hann er sonur Jóa Friðriks og Siggu og búinn að fara mikinn í gegnum tíðina sem söngvari Vonar. Ellert barkaði fram einum laufléttum Queen slagara, I Want To Break Free, og þó það stökkvi ekki allir í gallann eða raddböndin hans Freddie Mercury hafði Ellert lítið fyrir því. Ellert valdi lið Helga Bjöss og í kvöld verður hann fyrstur á svið í einvígi við Gógó þannig að það er vissara að vera með tækið rétt stillt kl. 20:00.
Húnvetningurinn Hrafnhildur Ýr Víglundsdóttir dúkkaði upp með sína frábæru rödd í skjóli Kópavogs. Hrafnhildur vann á sínum tíma Söngvarakeppni framhaldsskólanna fyrir Fjölbrautaskóla Norðurlands vestra með frábærum flutningi á Lean On Me, ef Feyki skjátlast ekki. Hún er dóttir Sigrúnar og Víglunds frá Dæli, var framkvæmdastjóri Selasetursins á Hvammstanga en starfar nú hjá Ferðamálastofu. Hrafnhildur er í liði Svölu Björgvins.
Þá komst sveitastrákurinn (!) og Skagfirðingurinn Sigvaldi Helgi Gunnarsson áfram með því að syngja Michale Buble blöðruna Everything fyrir dómarana. Sigvaldi stökk á vagninn hjá Sölku Sól (sem er sögð tengdadóttir Skagafjarðar) en hann er sonur Gunna Rögg á Löngumýri og Laufeyjar Jakobs. Sigvaldi er ungur að árum en eiginlega þegar orðinn reynslubolti.
Í liði með Sigvalda er Aldís Fjóla Ásgeirsdóttir, systir Áskels Heiðars og Magna, en hún bjó um tíma á Króknum og örugglega einhverjir Skagfirðingar sem vilja eiga hlut í henni. Ef lesendur hafa fleiri ábendingar um tengsl söngvaranna til Norðurlands vestra þá endilega sendið okkur línu.
Fimmti þáttur The Voice er í kvöld á SkjáEinum.
Fleiri fréttir
-
1500 FRÆ
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 15.04.2024 kl. 15.28Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.Meira -
Nú mæta allir í Síkið
feykir.is Skagafjörður, Íþróttir 15.04.2024 kl. 12.17Íslandsmeistarar Tindastóls taka á móti Grindavík í Síkinu í kvöld í öðrum leik liðanna í átta liða úrslitum Subway-deildarinnar. Leikurinn hefst kl. 19:30 en miðasala fer fram á Stubb. Nú er um að gera að fjölmenna í Síkið og styðja strákana okkar til sigurs. Grindvíkingar rúlluðu yfir okkar menn í fyrsta leik og nú þurfa allir Stólar að gera betur.Meira -
Séra Sigríður skipuð prófastur í Húnavatns- og Skagafjarðarprófastsdæmi
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.04.2024 kl. 11.03Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi frá og með deginum í dag, 15. apríl 2024. Hún tekur við af sr. Döllu Þórðardóttur á Miklabæ en hún lét af störfum þann 1. desember síðastliðinn.Meira -
Undirskriftasöfnun vegna fyrirhugaðs tjaldsvæðis við Sauðárgil
feykir.is Skagafjörður, Mannlíf 15.04.2024 kl. 09.00Um miðjan mars auglýsti skipulagsfulltrúi Skagafjarðar tillögu að breytingu á aðalskipulagi vegna nýs tjaldsvæðis við Sauðárgil á Sauðárkróki. Staðsetning tjafldsvæðis á Króknum hefur löngum verið bitbein íbúa og lengi verið leitað að hentugri staðsetningu. Tjaldsvæðið við sundlaugina verður senn að víkja vegna byggingar væntanlegs menningarhúss sunnan Safnahúss Skagfirðinga en tillaga um að gera tjaldsvæði við Sauðárgil, norðan Hlíðarhverfis, er umdeild. Hefur nú verið sett af stað undirskriftasöfnun á Ísland.is þar sem hægt er að mótmæla fyrirhuguðum breytingum.Meira -
List á ferð / Art travels
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Listir og menning 15.04.2024 kl. 08.50Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari. Þannig höfum við betri stuðningskerfi almennt sem leiðir til betri heilsufars.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.