Minningartónleikar um Skúla Einarsson
feykir.is
Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Fréttir
22.09.2023
kl. 11.00
Skúli Einarsson á góðri stund. MYND AF FACEBOOK
Minningartónleikar um Skúla Einarsson, bónda og tónlistarmann, sem féll frá í nóvember 2021, eftir langar og stranga baráttu við krabbamein. Til að heiðra minningu hans verða haldnir minningartónleikar þanni 21.október 2023 í Félagsheimilinu á Hvammstanga sem byrja klukkan 20:00.
Um viðburðinn segir:
Skúli steig sín fyrstu skref í tónlist 1970 og hafði á sinni ævi mikil áhrif á lista og menningarlífið í Húnaþingi. Hann stundaði nám í tónlistarskólanum í söng og gítarleik og lék á trommur með fjölmörgum hljómsveitum.
Skúli var mikill tónlistarmaður og frumkvöðull, stóð fyrir fjölmörgum tónlistarviðburðum í héraðinu. Hann var mjög virkur í félagsstörfum og í tónlistarlífi alla tíð.
Skúli var mikill tónlistarmaður og frumkvöðull, stóð fyrir fjölmörgum tónlistarviðburðum í héraðinu. Hann var mjög virkur í félagsstörfum og í tónlistarlífi alla tíð.
Á tónleikunum verður flutt tónlist sem honum var hugleikin og ber vott um hans tónlistarferil. Fram koma söngvarar úr héraði og aðilar sem tengdust Skúla á vegferð hans. Undirleik annast hljómsveitin Krummafótur ásamt öðru tónlistarfólki úr héraðinu.
Við viljum nota þetta tækifæri og minnast Skúla og varpa ljósi á hve mikils virði hann var fyrir tónlistarstarf í héraðinu. Og kveðja hann á þennan hátt með miklu þakklæti fyrir allt sem hann gaf okkur.
Miðaverð er 4.000 kr. og fer miðasala fram á adgangsmidi.is og við hurð. Allur ágóði af miðasölu rennur óskiptur í Velferðarsjóð Húnaþings vestra en það er sjóður sem Ólöf, eftirlifandi kona Skúla hefur styrkt. Njótum saman góðrar tónlistar og minnumst góðs vinar, bónda og tónlistarmanns. Miða á viðburðinn má nálgast á adgangsmidi.is
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.