Sjaldgæfur fornleifafundur á Hegranesinu
Í sumar hefur fornleifadeild Byggðarsafns Skagfirðinga í samstarfi við bandaríska fornleifafræðinga frá Massachusetts háskóla í Boston (UMASS) unnið við rannsóknir á Hegranesinu en samstarfsverkefnið kallast Skagfirska kirkju- og byggðarsögurannsóknin. Guðný Zoëga, mannabeinafræðingur og deildarstjóri fornleifadeildar Byggðarsafns Skagfirðinga, hefur stjórnað uppgreftri við bæinn Keflavík í Hegranesi en þetta er annað sumarið af þremur sem verkefnið fer fram.
Að sögn Guðnýjar hefur í Keflavík fundist nokkuð stæðileg kirkjubygging og um 45 grafir í hringlaga kirkjugarði, með misheillegum beinagrindum. Kirkjugarðurinn hefur verið tekinn í notkun um árið 1000 og er í notkun fram yfir árið 1104, líklega lagður af á fyrstu tveimur áratugum tólftu aldar.
Tveir merkilegir gripir hafa fundist við rannsóknirnar í sumar. Annars vegar er það silfurpeningur, sem fannst í kirkjubyggingunni í Keflavík og hinsvegar er það afar fallegur beinprjónn í víkingaaldarstíl, en á honum er útskorið dýrshöfuð. Beinprjónninn fannst í ruslahaugi á fornbýlinu Koti í landi Hellulands sem er í næsta nágrenni við kirkjustaðinn. Það var Josiah Wagener, forvörður verkefnisins sem annaðist hreinsun á gripunum. Wagener sagði í samtali við blaðamann Feykis að báðir gripirnir virðast við fyrstu sýn nokkuð fágætir. Silfurpeningurinn er svipaður silfurpeningum sem fundist hafa á Norðurlöndunum en hefur þó nokkra þætti sem Wagener telur sérstaka en leitað verður til sérfræðinga um silfurpeninga til að greina hvernig mynt er um að ræða. Beinprjónninn með dýrshöfðinu er afar sjaldgæfur gripur en einungis fjórir slíkir hafa fundist hérlendis. Tveir þessara fjörgurra prjóna hafa þó fundist í Hegranesinu en auk prjónsins í Koti fannst beinprjónn með dýrshöfði í kumli í Keldudal sumarið 2003. Hér að neðan má sjá gripina glæsilegu.
Fleiri fréttir
-
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.