Sambaboltinn ekki áberandi í Síkinu
Körfuknattleikslið Tindastóls er komið á fulla ferð í undirbúningi sínum fyrir komandi Dominos-deildar átök. Nú um helgina lék liðið tvo æfingaleiki í Síkinu; fyrst töpuðu strákarnir naumlega gegn sprækum Akureyringum en unnu síðan lið Hattar frá Egilsstöðum í gærdag.
Það vantar ekki körfuboltaáhugann hjá Króksurum og vel var mætt í Síkið á föstudagskvöld. Enda voru margir spenntir að sjá nýja risann, Mamadou Samb, stíga fyrstu skrefin með Tindastólsmönnum, en hann kom til landsins nú um miðja viku. Það er erfitt að dæma um getu kappans strax en sannarlega er hann ógnarstór, gríðarlega handleggjalangur og með ágætt skot. Það verður síðan að koma í ljós hvernig hann fellur inn í leik liðsins en einhverjir munu kannski sakna stemningarinnar sem fylgir því að hafa kjarnorkukana í hópnum – Samb treður nánast bara með því að teygja úr löngutöng!
Hvorki Þór né Tindastóll voru fullmönnuð á föstudag. Darrel Lewis og landsliðsmaðurinn Tryggvi Hlínason léku ekki með Þór og U20 landsliðshetjurnar Pétur og Viðar voru fjarri góðu gamni hjá Stólunum líkt og og Seck Abdoulaye sem enn er ekki kominn til liðs við félaga sína. Stólarnir byrjuðu leikinn betur en fljótlega náðu Þórsarar undirtökunum með Danero Thomas í banastuði en hann gerði alls 37 stig í leiknum. Sömuleiðis reyndist Þröstur Leó sínum gömlu félögum ansi erfiður. Það var loks í fjórða leikhluta sem Tindastólsmenn náðu góðum kafla og jöfnuðu þá leikinn. Tveir magnaðir þristar frá Thomas í liði Þórsara, sem var þó undir eftirliti hjá Samb, bjuggu til forskot á lokamínútunum og Þórsarar sigruðu 82-86.
Pétur Birgis bættist í hópinn hjá Stólunum gegn Hetti í gær og hann var snöggur að sýna gestum í Síkinu hvað hann getur. Líkt og í leiknum gegn Þór þá virtist karfan ekki vera besti vinur Stólanna, meira svona eins og óþolandi ættingi sem leikmenn höfðu lítinn áhuga á að hitta! Það var semsagt ansi mikill haustbragur á leik Stólanna en þeim gefst færi á að hnoða liðinu saman í komandi æfingaferð til Tenerife nú í september. Pétur var snöggur að klára af tankinum gegn Hetti, hann virtist fá heiftarlegan krampa í byrjun síðari hálfleiks og kom ekki meira við sögu. Í kjölfarið náðu gestirnir að saxa verulega á forskot Tindastóls en heimamenn náðu þó að sigla heim nokkuð öruggum sigri í lokafjórðungnum. Lokatölur 80-70.
Það er að sjálfsögðu lítið að marka æfingaleiki á borð við þessa. Markmiðið að koma mannskapnum á ferðina á ný, spila inn nýja leikmenn og þess háttar. Í liði Tindastóls sýndu nýju mennirnir Björgvin og Caird ágæta takta og ættu að verða góður styrkur á komandi tímabili. Þeir „gömlu“ voru samir við sig en ungu peyjarnir náðu ekki að sýna sínar bestu hliðar.
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.