Tindastóll í æfingaferð til Spánar
Snemma í morgun héldu meistaraflokkar karla og kvenna Tindastóls í fótbolta til Spánar í æfingaferð. Báðir hópar hafa, frá því í nóvember, unnið að því hörðum höndum að fjármagna ferðina, sem iðkendur greiða úr eigin vasa og má í því sambandi nefna fjáraflanir allt frá bílaþvotti til kleinusölu.
Á Facebooksíðu stuðningsmanna knattspyrnudeildar Tindastóls kemur fram að stefnt sé að því að hvor hópur æfi allt að átta sinnum á Spáni, nánar tiltekið í Albir þar sem gist er á íþróttahóteli með öllu tilheyrandi.
„Þar sem ferðin er í raun bara sjö dagar, þar af einn í ferðalög og annar í frídag - sem nýttur verður til skoðunar um svæðið - þá geta þeir sem klókir eru í stærðfræði séð að oftar en ekki er æft tvisvar sinnum á dag enda ætlunin að nýta þessar frábæru aðstæður sem eru á Albir til fullnustu,“ segir Jón Stefán yfirþjálfari á síðunni.
Hann segir að ætlunin sé að glæða samfélagsmiðla knattspyrnudeildar, sem legið hafa í dvala í vetur, nýju lífi og setja inn efni frá ferðinni og hvetur hann stuðningsmenn til að fylgjast vel með.
Fleiri fréttir
-
Framkvæmdir hafnar við Flúðabakka á Blönduósi
feykir.is Austur-Húnavatnssýsla 06.05.2024 kl. 10.01Framkvæmdir eru hafnar við byggingu sex íbúða raðhúss við Flúðabakka á Blönduósi. Samkvæmt frétt Húnahornsins er stefnt að því að íbúðirnar verði tilbúnar í haust en þær munu hugsaðar fyrir fólk eldra en 60 ára .Meira -
Mette Mannseth var sigurvegari Meistaradeildar KS 2024
feykir.is Skagafjörður, Íþróttir, Hestar 06.05.2024 kl. 08.45Skemmtilegu tímabili Meistaradeildar KS 2024 er nú lokið en síðasta mót tímabilsins fór fram sl. föstudagskvöld þegar keppt var í tölti og flugskeiði. Í einstaklingskeppni Meistaradeildar KS var það Mette Mannseth sem fór með sigur af hólmi en hún hélt forystu allt tímabilið og endaði með 172 stig. Þá var það lið Hrímnis - Hestkletts sem sigraði í liðakeppni Meistaradeildar KS 2024 með 443.5 stig.Meira -
Neytendasamtökin efna til samtals á Kaffi Krók í hádeginu
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2024 kl. 08.30Neytendasamtökin efna til samtals um neytendamál við neytendur og sveitarstjórnir vítt og breitt um landið. Samtökin kynna sér helstu mál sem brenna á fólki á landsbyggðinni og segja frá baráttumálum sínum og þann ávinning sem sterkur hagur neytenda færir fólki, fyrirtækjum og samfélaginu öllu. Í hádeginu í dag heimsækja samtökin Sauðárkrók en fundað verður á Kaffi Krók og hefst fundurinn kl. 12.Meira -
Lukkan í liði Selfyssinga þegar Kormákur/Hvöt laut í gras
feykir.is Austur-Húnavatnssýsla, Íþróttir, Vestur-Húnavatnssýsla 05.05.2024 kl. 18.30Lið Kormáks/Hvatar hóf leik í 2. deild Íslandsmótsins í knattspyrnu í gærdag en þá héldu Húnvetningar á Selfoss þar sem lið Selfoss beið þeirra. Gestirnir voru þéttir til baka og sköpuðu sér vænlegar stöður sem ekki nýttust en lið heimamanna fékk eitt gott færi og nýtti það. Lokatölur því 1-0 og nú krossa Húnvetningar fingur og treysta á að fall sé fararheill.Meira -
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.