Rabb-a-babb 96: Heiðdís Lilja
Nafn: Heiðdís Lilja Magnúsdóttir
Árgangur: 1972
Fjölskylduhagir: Eitt barn, 14 ára snillingur.
Búseta: Bý í Garðabæ.
Hverra manna ertu og hvar upp alin/n: Dóttir Magnúsar Sigurjónssonar og Kristbjargar Guðbrandsdóttur. Ólst upp á sælureitnum Víðigrund 11.
Starf / nám: Laganemi við HR og fréttamaður á Ríkisútvarpinu.
Hvað er í deiglunni: Meistararitgerðin mín í lögfræðinni á hug minn allan þessa dagana. Svo er ég að fara að ferma strákinn minn í lok mars.
Hvernig nemandi varstu? Fróðleiksfús og samviskusamur. (Sem sagt kennarasleikja.)
Hvað er eftirminnilegast frá fermingardeginum? Appelsínugula satínskyrtan og dressið sem mamma saumaði á mig. Að fá skatthol í fermingargjöf þegar mig langaði í græjur. Og vídeóhornið í svefnherbergi foreldra minna, þar sem við krakkarnir horfðum á The Karate Kid á meðan þeir fullorðnu gúffuðu í sig kransaköku á neðri hæðinni.
Hvað ætlaðir þú að verða þegar þú yrðir stór? Grunnskólakennari, sundþjálfari eða píanókennari.
Hvað hræðistu mest? Að eitthvað komi fyrir mína nánustu.
Besti ilmurinn? Nýslegið gras og karlmennskufnykur af kærastanum.
Hvað varstu að hlusta á þegar þú fékkst bílprófið (hver var uppáhaldstónlistin þín þegar þú varst u.þ.b. 17 ára)? Það hlýtur að hafa verið Freedom með George Michael. Eða kannski eitthvað með Aha?
Hvaða lag er líklegast að þú takir í Kareókí? Mér finnst að Last Christmas með Wham ætti að vera á öllum lagalistum, alltaf og alls staðar.
Hverju missirðu helst ekki af í sjónvarpinu (fyrir utan fréttir)? Kastljósi og Sunnudagsmorgni. Ég horfi lítið á sjónvarp.
Besta bíómyndin (af hverju)? Með allt á hreinu. Þarfnast ekki skýringa.
Hvaða íþróttamanni hefurðu mestar mætur á? Anítu Hinriksdóttur.
Hvað gerir þú betur en allir aðrir á þínu heimili? Ég er mjög góð í að poppa.
Hvert er snilldarverkið þitt í eldhúsinu? Lasagnað mitt.
Hættulegasta helgarnammið? Lakkrís og piparmolar.
Hvernig er eggið best? Steikt, ofan á vel smurðu rúgbrauði.
Hvað fer mest í taugarnar á þér í fari þínu? Ég man aldrei brandara.
Hvað fer mest í taugarnar á þér í fari annarra? Fordómar og óheiðarleiki.
Uppáhalds málsháttur eða tilvitnun? Happiness is nothing more than good health and a bad memory.
Hver er elsta minningin sem þú átt? Ég man eftir mér fimm ára að labba ein í leikskólann með bleika nestistösku, sem mér fannst mjög „fullorðins“.
Hvaða teiknimyndapersóna höfðar mest til þín? Tinni. Ljóska og blaðamaður. I rest my case.
Hvaða fræga manneskja mundir þú helst vilja vera (og af hverju)? Bogi Ágústsson. Hann er svo gáfaður.
Hver er uppáhalds bókin þín og/eða rithöfundur (og af hverju)? Ég er bókaormur, á þó enga uppáhaldsbók en held mikið upp á Auði Övu þessa dagana.
Orð eða frasi sem þú notar of mikið? „Nákvæmlega“ og “ert'að grínast?“
Hver var mikilvægasta persóna síðustu 100 ára að þínu mati? Á Íslandi: Vigdís Finnbogadóttir, fyrir að breyta mosavöxnum hugmyndum um það hvernig þjóðarleiðtogar eiga að líta út og haga lífi sínu. Erlendis: Tim Berners-Lee, fyrir að finna upp Internetið.
Ef þú gætir farið til baka í tímann, hvert færirðu (og af hverju)? Ég myndi fara aftur til eigin bernskujóla eða bara aftur í eldhúsið hennar mömmu á venjulegum degi, til að spjalla við hana einu sinni enn.
Hver væri titillinn á ævisögu þinni? Meira vesenið, alla daga.
Framlenging:
Ef þú gætir hoppað upp í flugvél og réðir hvert hún færi, þá færirðu... að Garda vatninu á Ítalíu, með viðkomu hjá pýramídunum í Egyptalandi.
Ef þú ættir að dvelja alein/n á eyðieyju, hvaða þrjá hluti tækirðu með þér? Bók, píanó og veiðistöng.
Fleiri fréttir
-
Gaman að geta stokkið með í Skagafjörðinn
feykir.is Skagafjörður, Lokað efni, Velkomin heim 10.11.2024 kl. 12.35Sigríður Jónína Helgadóttir var alin upp á Úlfsstöðum í Blönduhlíð og flutti heim aftur eftir áratugi á höfuðborgarsvæðinu ásamt Snorra Snorrasyni sínum ekta manni. Þau hafa komið sér vel fyrir í Hólabrekku í Lýdó hinum forna. Börnin sem þau hjón eiga eru sex talsins og barnabörnin orðin níu. Börnin þeirra Siggu og Snorra eru flogin úr hreiðrinu en ævintýrin kölluðu og var það dóttir Siggu Jónu, Inga Sigríður, sem tók af skarið og ákvað að veita kvennaliði Tindastóls í körfunni krafta sína þegar þær voru í 1. deild 2023-2024 og því var gaman að geta bara stokkið með.Meira -
Fær hrylling þegar hún heyrir Uptown Funk / FANNEY BIRTA
feykir.is Skagafjörður, Mannlíf, Tón-Lystin, Lokað efni 10.11.2024 kl. 09.15„Fanney Birta Þorgilsdóttir heiti ég og bý í Síðu á Hofsósi með Fandam kærasta mínum og Ísak Abdiqani, sjö mánaða stráknum okkar. Fanney Birta, sem er fædd árið 1996, ólst upp á Hofsósi. Pabbi minn heitir Þorgils Heiðar Pálsson og er frá Eyrarlandi í Deildardal og mamma mín heitir Harpa Kristinsdóttir og er fædd á Dalvík en hefur búið á Hofsósi meira og minna allt sitt líf. Ég á fjögur systkini og tvær yndislegar stjúpsystur. Stórfjölskylda!“ Þannig er nú það en hvaða erindi á Fanney Birta í að svara Tón-lystinni?Meira -
Sunddeild Tindastóls og þjálfaraskortur | Hildur Þóra Magnúsdóttir skrifar
feykir.is Skagafjörður, Aðsendar greinar 09.11.2024 kl. 20.14Sunddeild Tindastóls hefur verið ómetanlegur hluti af samfélagi okkar á undanförnum árum, bæði sem hluti afíþróttaiðkun barna og sem stuðningur við heilsueflandi samfélag á svæðinu. Með samstöðu stjórnar, foreldra og þjálfara hefur sunddeildin opnað dyr fyrir unga iðkendur til að læra sundtækni og stunda heilsusamlega hreyfingu frá upphafi grunnskólagöngu. Hins vegar hefur skortur á sundþjálfurum í haust orðið til þess að enn hefur ekki verið hægt að hefja sundæfingar fyrir yngstu hópanna.Meira -
Heilbrigð sál í hraustum líkama | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 09.11.2024 kl. 15.18Grundvallar þörf hverrar fjölskyldu frá vöggu til grafar er traust aðgengi að heilbrigðisþjónustu í heimabyggð. Það vill Flokkur fólksins tryggja. Þarfir okkar sem einstaklinga og fjölskyldna eru ekki alltaf fyrirsjáanlegar og þegar veikindi verða, hvort sem um er að ræða varanleg veikindi, slys, fötlun, andleg sem líkamleg eða umönnun aldraðra og öryrkja þá viljum við að þeim þörfum sé mætt sem best í heimabyggð.Meira -
Verkefnin eru flest langhlaup
feykir.is Skagafjörður, Lokað efni 09.11.2024 kl. 13.26Um miðjan október fór fram áttunda haustþing Samtaka sveitarfélaga á Norðurlandi vestra og var fundað í félagsheimilinu á Blönduósi. Á fundinum var kynnt til sögunnar ný Sóknaráætlun Norðurlands vestra og þá sendi fundurinn frá sér átta ályktanir. Formaður stjórnar SSNV er Einar Eðvald Einarsson sem einnig er forseti sveitarstjórnar Skaga-fjarðar. Feykir sendi Einari nokkrar spurningar varðandi hlutverk SSNV, sem margir kannski þekkja ekki, og eitt og annað tengt þeim ályktunum sem haustþingið sendi stjórnvöldum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.