Fyrir skömmu fóru krakkarnir í fyrsta til fjórða bekk Grunnskóla Húnaþings vestra, ásamt umsjónarkennurum, að taka upp grænmeti úr skólagarðinum á Hvammstanga. Uppskeran þetta árið var góð, enda hefur tíðarfar verið með ágætum í sumar.

Skólastarf hófst á Hólum á miðvikudag er nýnemar mættu heim til Hóla. Aldrei í sögu skólans hafa svo margir nemendur verið við Hólaskóla, en um 220 eru nú skráðir í skólann, meiri hluti þeirra í fjarnám.

Þriðjudaginn 31. ágúst fóru unglingarnir í Blönduskóla í gönguferð með umsjónarkennurum sínum. Er þetta annað árið sem farið er í svona ferð, í fyrra var gengið á Spákonufell. Að þessu sinni var gengið upp frá Ystagili í Langadal og sem leið lá upp í Vatnadal.

 Sigurjón Þórðarson fulltrúi Frjálslyndra og óháðra í sveitastjórn Skagafjarðar hefur lagt til að í ljósi erfiðrar fjárhagsstöðu Sveitarfélagsins Skagafjarðar og þeirrar hagræðingar sem boðuð er á rekstri er lagt að oddvitum meirihluta sveitarstjórnar að gæta hófs í samningum um kaup og kjör við nýjan sveitarstjóra.. Þá leggur Sigurjón til að laun nýs sveitarstjóra taki mið [...]

Bæjarráð Blönduósbæjar hefur óskað eftir skýrslu frá framkvæmdanefnd um byggingu sundlaugar á Blönduósi þar sem gerð verði grein fyrir einstaka kostnaðarliðum.

Þrátt fyrir að úti sé sól og yfir 20 gráðu hiti er sumarstarfi frjálsíþróttadeildarinnar lokið og stutt æfingahlé stendur yfir. Gert er ráð fyrir að æfingar byrji aftur 13. september með kastþjálfun úti fyrir alla aldurshópa.

Blönduósbær hefur gert samning við Blönduóskirkju þess efnis að Blönduósbær styrki Blönduóskirkju sem nemur fasteignagjöldum kirkjunnar ár hvert og sumaropnun kirkjunnar sem nemur kr. 150.000.

 
Jóhanna Sigurðardóttir, forsætisráðherra, hefur tilkynnt breytingar á ríkisstjórn. Út fara þau Kristján Möller, Álfheiður Ingadóttir, Gylfi Magnússon og Ragna Árnadóttir. Í þeirra stað koma Guðbjartur Hannesson og Ögmundur Jónasson inn í ríkisstjórnina.
Jóhanna tilkynnti ákvörðun sína á þingflokksfundi og flokksstjórnarfundi Samfylkingarinnar á Hótel Loftleiðum.
Klukkan 11:30 hefst ríkisráðsfundur á Bessastöðum þar sem ný ríkisstjórn tekur formlega til [...]

Unglingaráð körfuknattleiksdeildar Tindastóls stendur fyrir september-körfuboltahátíð á laugardaginn kemur í íþróttahúsinu á milli kl. 13 og 15. Settar verða upp körfuboltaþrautir, farið í leiki og að lokum verða grillaðar pylsur ofan í mannskapinn.

Kennarar á unglingastigi Árskóla brugðu á það ráð í morgun að færa kennslustofur sínar upp í Grænuklauf þar sem varla var verandi innan dyra sökum blíðviðris en úti er sól og yfir 20 stiga hiti.