Er eina lausnin að flytja burt? - Opið bréf til Sveitarfélagsins Skagafjarðar og Akrahrepps
Foreldrar ungra barna í Varmahlíð og nágrenni eru að vakna upp við þann vonda draum að trygga daggæslu fyrir börnin þeirra er ekki að finna í Varmahlíð eða nágrenni. Leikskólinn er sprunginn og þar eru komin mörg börn á biðlista. Eina dagmóðirin sem starfandi er í Varmahlíð mun hætta störfum frá og með 1. nóvember og er fólk farið að sjá fram á að þurfa að segja upp starfi sínu vegna vandans.
Þar sem ekkert þokast í viðræðum Sveitarfélagsins Skagafjarðar og Akrahrepps finnst okkur foreldrum í framsveitum fjarðarins vera kominn tími á einhverjar úrlausnir.
Þessi tvö sveitarfélög hafa ekki komist að samkomulagi um það hvort starfsemi leikskólans muni flytja í Varmahlíðarskóla eða byggja eigi við núverandi húsnæði leikskólans. En það sem við óskum eftir strax er að bráðabyrgðalausn finnist á vandanum sem upp er kominn í dag þannig að börnin okkar fái daggæslu sem fyrst.
Við teljum að þetta ástand sem upp er komið sé ekki þessum sveitafélögum til framdráttar. Þar sem að Sveitarfélagið Skagafjörður leggur áherslu á að fá ungt fólk í Skagafjörð þurfa þessir hlutir að vera í lagi.
Í Fjölskyldustefnu Sveitarfélags Skagafjarðar stendur að stuðlað sé að því að „...foreldrum standi til boða örugg daggæsla fyrir börn sín frá því að fæðingarorlofi lýkur og þar til skólaganga hefst.“
Sökum seinagangs sveitarfélaganna er fólk alvarlega að íhuga að segja upp vinnu sinni og flytja burt. Eins og staðan er í dag virðist það vera eina lausnin sem sveitarfélögin bjóða upp á.
Erum við fús til að vinna að lausn vandans með sveitarfélögunum og fyrsta skrefið er að boða til opins fundar nk. mánudag með íbúum og fulltrúum sveitarfélaganna.
Við krefjumst lausnar hið fyrsta.
- Sigurður Jóhannsson
- Anita Ómarsdóttir
- Helga Rós Sigfúsdóttir
- Sigurður Óli Ólafsson
- Ólöf Ólafsdóttir
- Stefán Halldór Magnússon
- Finnur Sigurðarson
- Anna Lilja Guðmundsdóttir
- Kristín Halla Bergsdóttir
- Guttormur Hrafn Stefánsson
- Stefán Gísli Haraldsson
- Unnur Gottsveinsdóttir
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.