Alexandersflugvöllur fullnægir öryggishlutverki fyrir íbúa, að mati samgöngu- og sveitarstjórnarráðherra
Í svari Jóns Gunnarssonar, samgöngu- og sveitarstjórnarráðherra, við fyrirspurn Bjarna Jónssonar varaþingmanns Vg um Alexandersflugvöll á Sauðárkróki kemur fram það mat ráðherra að þjónusta við flugvöllinn fullnægi öryggishlutverki hans fyrir íbúa á áhrifasvæði hans.
„Með bættum vegasamgöngum verður áætlunarflug á Alexandersflugvöll aðeins rekið á markaðslegum forsendum líkt og gildir um Akureyri og Húsavík. Almenn forsenda fyrir ríkisstyrki í flugi er að skapa aðstæður til að hægt sé að nálgast nauðsynlega opinbera þjónustu á höfuðborgarsvæðinu með akstri eða samþættingu aksturs og flugs á innan við 3,5 klst. ferðatíma og gildir það t.d. um styrki til flugs frá Grímsey og Hornafirði,“ segir ráðherra. Þjónustustig flugvallarins er nú formlega skilgreint sem „lendingarstaður“ og blindaðflug er skilgreint á flugvöllinn en þjónusta er veitt allt árið.
Bjarni spurði m.a. að því hvort öryggisbúnaður og nauðsynlegur búnaður vegna lendinga á Alexandersflugvelli hafi verið skertur á undanförnum árum og ef svo er, hvernig og hvers vegna. Fram kom hjá ráðherra að Isavia hafi dregið úr tækjabúnaði flugvallarins. „Sá tækjabúnaður sem var á flugvellinum var kominn til ára sinna og hefur ekki verið endurnýjaður. Samningar eru til staðar við verktaka á svæðinu um snjóruðning og söndun flugbrautar og Isavia sér um þjálfun á starfsmönnum sem hafa full réttindi í turnþjónustu. Sama fyrirkomulag er á fleiri flugvöllum í innanlandskerfinu. Eins og sést að framan er opnun tryggð allt árið með mismunandi viðbragðstíma eftir árstíðum.
Viðhorf Jóns Gunnarssonar ráðherra þess efnis að Alexandersflugvöllur verði á ný tekinn í notkun sem virkur flugvöllur í samgönguneti landsmanna er nokkuð skýr en það er mat ráðherra að þjónusta við flugvöllinn fullnægi öryggishlutverki hans fyrir íbúa á áhrifasvæði hans.
„Með bættum vegasamgöngum verður áætlunarflug á Alexandersflugvöll aðeins rekið á markaðslegum forsendum líkt og gildir um Akureyri og Húsavík. Almenn forsenda fyrir ríkisstyrki í flugi er að skapa aðstæður til að hægt sé að nálgast nauðsynlega opinbera þjónustu á höfuðborgarsvæðinu með akstri eða samþættingu aksturs og flugs á innan við 3,5 klst. ferðatíma og gildir það t.d. um styrki til flugs frá Grímsey og Hornafirði. Hægt er að komast frá Sauðárkróki akandi og um Akureyrarflugvöll á um 3,5 klst. ferðatíma. Tilraunir sem hafa verið gerðar á rekstri áætlunarflugs á Alexandersflugvöll hafa ekki skilað nægilegum farþegafjölda og niðurstöður ítarlegrar könnunar sem gerð var í tengslum við félagshagfræðilega greiningu á áætlunarflugi innan lands haustið 2013 benti til þess að íbúar á áhrifasvæðinu kysu fremur að nýta aðra ferðamáta,“ segir Jón.
Sjá nánar HÉR
Tengd frétt:
Spyr ráðherra hver staða Alexandersflugvallar á Sauðárkróki sé
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.