Söfnun til styrktar Jökli Mána
Þann 14. júlí sl. fæddist unga parinu Nökkva Má Víðissyni frá Kjarvalsstöðum í Hjaltadal og Önnu Baldvinu Vagnsdóttur frá Minni-Ökrum í Blönduhlíð sonur. Við fæðingu var drengurinn aðeins 1688 grömm eða tæplega sjö merkur, enda fæddur sjö vikum fyrir tímann. Barnið var tekið með bráðakeisaraskurði þar sem hreyfingar þess höfðu minnkað og það hætt að stækka auk þess sem lítið legvatn var eftir. Að fæðingunni lokinni tjáði barnalæknir þeim að þar hefði hver mínúta skipt máli og hefði verið beðið mikið lengur hefðu lífslíkur barnsins verið litlar.
Drengurinn, sem hefur hlotið nafnið Jökull Máni, er með Downs heilkenni en er auk þess með hjartagalla og þarf hann því að fara til Svíþjóðar í hjartaaðgerð. Til þess að mega fara í aðgerðina þarf hann að hafa náð fjögurra kílóa þyngd. Reiknað er með því að það geti tekið um það bil sex mánuði og þarf fjölskyldan að dvelja fyrir sunnan, á Vökudeild og síðan á Barnaspítala Hringsins, þangað til. Þess má geta að í gær, þegar Jökull Máni varð mánaðargamall, var hann orðinn 2.253 g.
Tvær vinkonur þeirra Nökkva Más og Önnu Baldvinu, þær Anna Guðrún Guðjónsdóttir og Sonja Finnsdóttir, hafa nú hrundið af stað söfnun fyrir fjölskylduna auk þess að stofna Facebooksíðuna Styrktarsíða Jökuls Mána. Reikningsnúmerið er 0115-05-063111 og er á nafni Önnu Baldvinu, kennitala 270198-3179. Að sögn Sonju hefur söfnunin fengið mjög góðar viðtökur og eru foreldrarnir afskaplega þakklátir öllum sem lagt hafa þeim lið. Þá hefur Þreksport ákveðið að gefa 1.000 krónur af hverju seldu líkamsræktarkorti út ágústmánuð til styrktar fjölskyldunni . Á laugardaginn kemur, þann 19. ágúst, ætlar svo Sigurlaug Rún Brynleifsdóttir að hlaupa styrktarhlaup, 10 km leið frá Kálfsstöðum í Hjaltadal og fram að Reykjum. Hún hvetur alla til að slást í hópinn, ýmist hlaupandi, hjólandi eða gangandi, og leggja málefninu lið. Hverjum og einum er frjálst að velja þá vegalengd sem hann hleypur og einnig þá upphæð sem hann lætur af hendi rakna. Þátttakendur verða ferjaðir til baka að hlaupi loknu.
Nánari upplýsingar um hlaupið má nálgast á Facebooksíðunni Styrktarhlaup.
Fleiri fréttir
-
Setti sér raunhæf markmið
feykir.is Skagafjörður, Vestur-Húnavatnssýsla, Lokað efni 12.10.2025 kl. 10.00Freyja Lubina Friðriksdóttir er frá Brekkulæk í Miðfirði, dóttir Friðriks bónda og Henrike félagsráðgjafa. Freyja er hálf þýsk og því kannski hægt að segja að Bautzen sé svo hennar annað heimili. Freyja lærði húsasmíði í Fjölbrautaskóla Norðurlands vestra og núna býr hún tímabundið á Sauðárkróki og vinnur á Trésmiðjunni Borg. Freyja fór í byrjun september og keppti í húsasmíði fyrir Íslands hönd á EuroSkills, Evrópukeppni iðngreina en henni var boðið að taka þátt í keppninni og gat að eigin sögn ekki annað en sagt já. Feykir tók tal af Freyju þegar hún var komin heim.Meira -
Góður sigur í sjö marka sýningu á Króknum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 11.10.2025 kl. 23.01Lið Tindastóls lék síðasta leik sinn í Bestu deild kvenna í bili í dag þegar lið FHL kom að austan í lokaumferð neðri hluta efstu deildar. Bæði lið voru þegar fallin og höfðu því um lítið að spila annað en stoltið. Bæði lið ætluðu þó augljóslega að gera sitt besta í dag og var leikurinn opinn og fjörugur og gerðu liðin sjö mörk. Niðurstaðan var 5-2 sigur Tindastóls og efsta deildin því kvödd með góðum sigri.Meira -
Mikil skuldbinding að taka þátt í svona keppni
feykir.is Skagafjörður, Lokað efni 11.10.2025 kl. 11.00Hrannar Freyr Gíslason er kennari í húsasmíði við Fjölbrautaskóla Norðurlands vestra á Sauðárkróki, fæddur Sauðkrækingur og sonur Gísla Kristjánssonar og Svanhildar Einarsdóttur. Hann er lærður húsasmíðameistari með kennsluréttindi iðnmeistara frá Háskóla Íslands og einnig með rafvirkjamenntun frá FNV og ef þið hélduð að upptalningin væri búin er það misskilningur hann er nefnilega líka menntaður flugvirki frá Spartan School of Aironautics. Börnin sem Hrannar á eru fjögur, Samúel, Sandra,Gunnar og Guðjón og er hann í sambandi með Élise Plessis. Hrannar fór utan með Freyju Lubinu Friðriksdóttur á EuroSkills og Feykir heyrði í Hrannari eftir ferðina.Meira -
Hefur bæði spilað með Tindastól og Gimle í Bergen
feykir.is Skagafjörður, Íþróttir, Lokað efni 11.10.2025 kl. 08.00Dúfa Dröfn Ásbjörnsdóttir ein af íþróttagoðsögnum Skagafjarðar er (nú kemur fullyrðing án heimilda) sú eina sem bæði hefur orðið Íslandsmeistari í fótbolta og Noregsmeistari í körfubolta sama árið. Það er eitthvað sem væri ekki hægt í dag. Blaðamaður fékk ábendingu með hvaða liði Dúfa var að spila í Noregi þegar hún varð Noregsmeistari en það var einmitt lið Gimle sem væntanlegt er á Krókinn á þriðjudaginn næsta til að leika á móti mfl.karla í körfunni í Evrópukeppninni. Dúfa er því sennilega sú eina sem hefur spilað bæði með Tindastól og Gimle.Meira -
Frumsýning Óvita í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 10.10.2025 kl. 14.20Leikfélag Sauðárkróks frumsýnir í kvöld leikritið Óvita eftir Guðrúnu Helgadóttur. Mikill spenningur er í leikhópnum enda alltaf gaman að frumsýna eftir stífar æfingar undanfarið.Meira
