Það hressir, bætir og kætir að lesa ársuppgjör Aðdáendasíðu Kormáks
Lið Kormáks/Hvatar vann mikið og gott afrek í sumar þegar Húnvetningar stýrðu skútu sinni upp úr 3. deild og munu því þeysa um knattspyrnuvelli í 2. deild á nýju ári. Af þessu tilefni þótti aðstandendum hinnar rómuðu Aðdáendasíðu Kormáks tilefni til að hræra í gott og algjörlega óhlutlaust ársuppgjör.
Þar er farið yfir víðan völl og stiklað á stóru í öllum leikjum sumarsins. Í inngangi segir m.a.: „Liðið okkar, Kormákur Hvöt, byrjaði árið eins og oft áður með því að ná varla í lið á sparkvelli fyrstu mánuði ársins enda aðstaðan þannig að ekki er auðvelt að lokka menn á æfingar. Þó var farin ný leið þetta árið þegar hinum senegalspánska Ismael var sjippað á Blönduós á mótum þorra og góu, enda fremstur í skotmarkaröð þjálfarans Aco og mikið lá á að klófesta.“ Aco hætti þjálfun liðsins að loknum þremur erfiðum umferðum og Ingvi Ragn Ingvarsson tók við stýrinu og sigurganga Húnvetninga hófst. Það fór svo að liðið tryggði sér sæti í 2. deild eftir hressilegt sumar þar sem ýmislegt gekk á. Segir skemmtilega frá þessu í uppgjörinu.
Fram kemur að fá lið í 2. og 3. deildinni hafi teflt fram eins mörgum heimamönnum og Kormákur Hvöt gerði í sumar. „Það er sérstakt fagnaðarefni, þar sem tilgangur starfsins er að mynda vettvang fyrir þessa leikmenn. Kjarni heimamanna hefur haldist saman, þar sem gríðarleg leikreynsla er komin í hús hjá mönnum eins og Ingva, Hlyn Rikk, Sigga, Viktori, Benna og svo eigum við Gúddí alveg inni. Aco neitar að hætta að spila og Ísak Sigurjóns yngist bara með hverju árinu.
Við eigum fullt af yngri strákum sem hafa tekið risastór skref síðustu ár og sérstaklega í sumar og næsta holl bíður eftir að fá tækifæri. Okkar aðkomumenn koma og munu koma frá útlöndum, þar sem allt eins væri hægt að biðja unga menn af Höfuðborgarsvæðinu að flytjast til Lapplands yfir veturinn eins og fá þá norður í fótboltasumar. Það er af sem áður var.“
Hægt er að dýfa sér í ársuppgjörið með því að smella hér >
Fleiri fréttir
-
Hafnfirðingar stálu stigi á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla 26.05.2024 kl. 01.28Það var hátíð í bæ á Blönduósi í dag þegar Kormákur/Hvöt spilaði fyrsta leikinn þetta sumarið á alvöru heimavelli. Það voru Haukar úr Hafnarfirði sem skutust norður í sumarið og þeir höfðu eitt stig upp úr krafsinu, stig sem að alhlutlausum heimamönnum þóttu þeir ekki eiga skilið. Lokatölur 1-1 og Húnvetningar í áttunda sæti með fjögur stig líkt og Þróttur úr Vogum en með betri markatölu.Meira -
Sumarið skellti sér í skyndiheimsókn
feykir.is Skagafjörður 25.05.2024 kl. 21.46Það skall á með sumri í dag hér norðanlands og fólk tók blíðunni fagnandi. Hitinn daðraði við 20 gráðurnar og vinsamlegustu hitamælar hafa sennilega sýnt miklu hærri tölur í skjólsælum skörðum og görðum. Sjá mátti mennsk endurskinsmerki fækka fötum og ár ösluðu til sjávar moldarbrúnar og mikilúðugar. Íslenska sumarið er svo meiriháttar þegar það gefur sér tíma til að kíkja í heimsókn.Meira -
Súrt og svekkjandi tap í Boganum
feykir.is Skagafjörður, Íþróttir 25.05.2024 kl. 21.40Að skrifa um fimm marka ósigur í fótboltaleik er ekki góð skemmtun. Það er þó sennilega enn verra að vera í liðinu sem tapar 5-0. Í gær mættu Stólastúlkur góðu liði Þórs/KA í Bestu deildinni, leikurinn var orðinn erfiður eftir 18 mínútur og svo varð hann bara erfiðari. Heimastúlkur höfðu gert fjögur mörk fyrir hlé og bættu einu við á lokamínútunum. Lið Tindastóls fann aldrei taktinn í sókninni, fékk á sig mörk úr föstum leikatriðum og Akureyringar léku á alsoddi. En það er auðvitað eitthvað bogið við að spila í Boganum.Meira -
Nagaði göt á öryggisnetið á trampólíninu
feykir.is Skagafjörður, Austur-Húnavatnssýsla, Vestur-Húnavatnssýsla, SiggaSiggaSigga 25.05.2024 kl. 15.00Það er fátt mýkra en kanínur og ef þær eru til í knús þá er yndislegt að kúra með þessi dýr. En þær geta verið misjafnar þessar elskur en kanínan sem Telma Ýr í Kvistahlíðinni á Króknum á er mikið fyrir að vera nálægt mannfólkinu sínu og láta brasa með sig. Telma Ýr er dóttir Hildar Haraldsdóttur og Skarphéðins Stefánssonar og á hún eina systur, Ardísi Hebu.Meira -
Mexikósk panna og mjólkurlaus ís
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 25.05.2024 kl. 10.00Þau Regína Valdimarsdóttir og Stefán Þór Þórsson voru matgæðingar vikunnar í tbl 26. Regína og Stefán eru gift og eiga tvö börn, Yrsu 9 ára og Valdimar 3 ára. Stefán er fæddur og uppalinn í Háfi sem er bóndabær rétt fyrir utan Þykkvabæ en Regína er ættuð úr Skagafirðinum en uppalin í Garðabæ. Regína er lögfræðingur að mennt og með meistaragráðu í lögfræði og opinberri stjórnsýslu. Starfar hann sem teymisstjóri hjá Húsnæðis- og mannvirkjastofnun á Sauðárkróki. Stefán Þór er húsasmiður og er einnig í iðnmeistaranámi og starfar sem smiður hjá Trésmiðjunni Ýr. Þau elska mexíkóskan mat og ís og hafa eftirfarandi uppskriftir slegið í gegn á heimilinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.