Tólf í framboði til embættis forseta Íslands
Tólf verða í framboði til forseta Íslands í kosningunum 1. júní næstkomandi en þá ræðst hver verður sjöundi forseti lýðveldisins. Landskjörstjórn fór yfir öll framboð sem bárust og úrskurðað um gildi þeirra. Tvö framboð voru úrskurðuð ógild en Viktor Traustason kærði úrskurðinn og fékk tækifæri til að lagfæra undirskriftalistann sinn sem hann og gerði.
Í frétt á RÚV segir að kjósendur hafi meira val í forsetakosningunum sem fram fara 1. júní heldur en nokkru sinni fyrr. Tólf framboð hafa verið metin gild, þremur fleiri en í forsetakosningunum fyrir átta árum þegar Guðni Th. Jóhannesson stóð uppi sem sigurvegari.
Frambjóðendur til þessa æðsta embættis þjóðarinnar eru í stafrófsröð; Arnar Þór Jónsson, Ásdís Rán Gunnarsdóttir, Ástþór Magnússon Wium, Baldur Þórhallsson, Eiríkur Ingi Jóhannsson, Halla Hrund Logadóttir, Halla Tómasdóttir, Helga Þórisdóttir, Jón Gnarr, Katrín Jakobsdóttir, Steinunn Ólína Þorsteinsdóttir og Viktor Traustason.
Fyrsti sjónvarpsfundur frambjóðenda í Sjónvarpi allra landsmanna verður í kvöld og hefst kl. 19:40 – kemur í staðinn fyrir Vikuna með Gísla Marteini. Þetta verður eitthvað og ekkert víst að þetta klikki...
Fleiri fréttir
-
Tónlistarskóla Austur-Húnvetninga slitið
feykir.is Austur-Húnavatnssýsla, Listir og menning 17.05.2024 kl. 16.15Tónlistarskóla Austur-Húnvetninga var slitið í gær við athöfn í Blönduóskirkju en alls voru það 18 nemendur sem luku stigs- og áfangaprófum og átta nemendur luku grunnprófi þetta vorið. Það hefur verið líf og fjör í skólanum undanfarnar vikur, fernir tónleikar verið haldnir á Blönduósi og Skagaströnd sem tókust afskaplega vel.Meira -
Sumaropnun á Gránu Bistro, Retro Mathúsi og í Jarlsstofu
feykir.is Skagafjörður, Listir og menning 17.05.2024 kl. 13.37Sumarið er komið og nú opna fleiri og fleiri veitingastaðir dyr sínar fyrir svöngum túristum og heimafólki sem er spennt fyrir fjölbreytni í úrvali veitingastaða. Nú um helgina verður opið hjá Retro Mathúsi á Hofsósi, Jarlsstofa restaurant í kjallara Hótel Tindastóls er með kvöldopnun og Grána Bistro verður með opið föstudags, laugardags- og sunnudagskvöld.Meira -
Kurteisi kostar ekkert | Leiðari 18. tölublaðs Feykis
feykir.is Skagafjörður, Aðsendar greinar 17.05.2024 kl. 13.26Flokkspólitísk dagblöð voru lenskan framan af síðustu öld. Stjórnmálaflokkarnir voru lengi vel fjórir og hver og einn hafði sína málpípu þar sem réttu skoðanirnar voru predikaðar – í raun bergmálshellir þeirra tíma. Framsóknarmenn lásu Tímann, kratar Alþýðublaðið, kommar Þjóðviljann og íhaldið Moggann.Meira -
Ásgeir á tónleikarúnti
feykir.is Austur-Húnavatnssýsla, Vestur-Húnavatnssýsla, Listir og menning 17.05.2024 kl. 11.47Tónlistarmaðurinn snjalli frá Laugarbakka, Ásgeir Trausti, heldur af stað í Einför um Ísland í lok júní og lýkur rúntinum með tónleikum í Ásbyrgi á Laugarbakka 20. júlí. Hann hefur leik 27. júní í Landnámssetrinu í Borgarnesi en heldur síðan meðal annars tónleika í félagsheimilinu á Blönduósi 7. júlí. Lokatónleikarnir verða síðan í Háskólabíói 14. september.Meira -
Aldrei fleiri Tindastólskrakkar skráðir til leiks
feykir.is Skagafjörður, Íþróttir 17.05.2024 kl. 10.04Dagana 10.-11. maí fóru Snillingamót og Bikarmót Badmintonfélags Hafnarfjarðar fram í íþróttahúsinu við Strandgötu í Hafnarfirði. Tindastóll sendi að þessu sinni níu þátttakendur til leiks og er það metþátttaka – aldrei hafa fleiri Tindastólskrakkar tekið þátt í einu móti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.