Á tjaldsvæði heima í íbúðahverfi? - Guðlaug K. Pálsdóttir skrifar
Í nýju aðalskipulagi Skagafjarðar 2020-2035, er verið að flytja tjaldstæði úr miðbæ Sauðárkróks inn á milli Sæmundarhlíðar og Sauðár. Í dag er þetta opið svæði, gönguleið sem börn og fullorðnir nota á hverjum degi þegar þeir fara í skóla eða vinnu. Þessi leið er örugg gönguleið fjarri umferð alla leið inn á lóð Árskóla og íþróttasvæði Tindastóls.
Með þessari breytingu er verið að skapa stór aukna hættu, skerða lífsgæði barna og fullorðinna á svæðinu. Að skipuleggja tjaldstæði á þessu svæði tel ég vera skammsýni og hvorki verið að huga að þörfum íbúa svæðisins eða tjaldsvæðisgesta til framtíðar.
Viljum við fá aukna umferð inn í íbúðahverfi?
Er ekki eitthvað rangt við þessa nálgun, árið 2023 er verið að beina aukinni umferð inn í íbúðahverfi? Umferðin felst ekki eingöngu í hefðbundnum farartækjum heldur bílum með tjaldvagna, fellihýsi og hjólhýsi í eftirdragi sem vega allt að 2-5 tonnum. Eini möguleikinn er að umferðin fari inn í hverfið um Sauðárhlíð, gatnamót gerð á móts við Birkihlíð eða Víðihlíð. Ég tel einsýnt að gatnamót Sæmundarhlíðar og Sauðárhlíðar í núverandi mynd beri ekki umfram umferðarálag. Aðkoma að sjúkrahúsinu er um Sæmundarhlíð, bílar í forgangsakstri þurfa að eiga greiða og óhindraða leið um svæðið.
Það líka alveg augljóst að með tilkomu tjaldsvæðis þá er verið að auka áreitti inn í hverfið og að auki með tilkomu allt að 500 m² þjónustuhúsi á svæðinu þá er áhugavert að fá að vita hversu mörgum tjöldum, hjólhýsum og fellihýsum á að koma fyrir á svæðinu. Íbúar á Akureyri hafa löngum kvartað yfir tjaldstæðinu við Þórunnarstræti og nú er búið að loka því. Sú þróun er að eiga sér stað í flestum sveitfélögum að tjaldstæðum er fundin góður staður en ekki inn í miðri íbúðabyggð. Uppbygging ferðaþjónustu og aukin umferð ferðamanna á ekki að koma niður á félagslegum, náttúrulegum eða menningarlegum þáttum í samfélaginu. Við eigum að draga fram styrkleika okkar og efla svæðið, Sauðárkrókur hefur svo sannarlega margt fram að gefa bæði til íbúa og ferðamanna.
Sauðárkrókur er fallegur bær þar sem gott er að búa og njóta!
Það er nærtækara að gera svæðið að fallegu útivistasvæði með tengingu við Litla Skóg, það er dásamlegt að fara í gönguferðir um skóginn, nestisferð með fjölskyldunni, hlaupa eða hjóla um svæðið. Höldum því þannig og horfum til framtíðar í skipulaginu, byggjum upp gott tjaldsvæði á Nöfunum eða í jaðri þéttbýlisins. Það er þörf á því að byggja upp sterkan ferðamannastað á Sauðárkrók. Bærinn hefur upp á svo margt gott upp á að bjóða, ég er aðflutt og hef dregið marga vinahópa í Skagfjörð. Við höfum notið þess að stunda útivist og alls þess sem Sauðárkrókur hefur upp á að bjóða.
Byggjum upp ferðaþjónustu í sátt við íbúa og náttúruna. Hér má nálgast upplýsingar:
https://www.skagafjordur.is/static/files/Skipulagsmal/2023/22630_a_sk_tjaldsv_saemundarhlid.pdf
Guðlaug K. Pálsdóttir.
Fleiri fréttir
-
Knattspyrnuvallahallæri á Norðurlandi vestra og víðar
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 19.16Þrjú meistaraflokkslið í knattspyrnu þreyja þorrann á Norðurlandi vestra þessa sumarbyrjunina; kvennalið Tindastóls sem spilar í Bestu deild kvenna, Kormákur/Hvöt í 2. deild karla og karlalið Tindastóls í 4. deildinni. Öll þurfa liðin leikhæfa leikvelli til að spila á en þeim er því miður ekki til að dreifa þessa dagana á svæðinu og hafa liðin því þurft að ýmist færa leiki lengra inn í sumarið, spila heimaleiki sína í Eyjafirði eða skipta á heimaleikjum við andstæðinga hverju sinni.Meira -
Þörfin fyrir heimilislækna | Bjarni Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.05.2024 kl. 16.16Að geta notið þjónustu heimilislæknis er ein af grunnþörfum okkar allra hvar sem við búum á landinu. Það er ekki síður mikilvægt að fólk hafi aðgang að föstum heimilislækni til að tryggja samfellu í þjónustunni. Þurfa ekki sífellt að bera sig upp við nýja lækna með mein sín, áhyggjur eða við heilsufarseftirlit. Aðgengi að góðri heilbrigðisþjónustu í heimabyggð eru grundvallarmannréttindi. Hér á landi höfum við búið við traust opinbert heilbrigðiskerfi þar sem öll eiga sama rétt til þjónustu óháð efnahag og stöðu. Um það er þjóðarsátt.Meira -
Lengi lifi rokkið - Gildran með tónleika í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.05.2024 kl. 15.00Hljómsveitin Gildran fagnar á næsta ári fjörtíu ára afmæli sínu og nú er hafa Skagfirðingar og nærsveitungar tækifæri til að mæta í Gránu nk.laugardagskvöld 18. maí og hefjast tónleikarnir kl. 20:30. Trommari Gildrunnar Kalli Tomm sem fæddur er og uppalinn í Mosfellssveit og hefur búið þar meira og minna öll sín ár er nú búsettur á Hofsósi. Feykir heyrði í nýbúanum á Hofósi og tók tal af honum í tilefni flutninga og komandi tónleika.Meira -
Ólík nálgun á snjallfækkun
feykir.is Skagafjörður, Mannlíf 16.05.2024 kl. 14.21Um fjörtíu háskólanemar og kennarar frá sex erlendum háskólum, af tólf þjóðernum, heimsóttu Byggðastofnun í gær á vegum Háskólaseturs Vestfjarða sem er hluti af alþjóðlegu samstarfi og skipuleggur sumarskóla í samstarfslöndunum Svíþjóð, Lettlandi, Finnlandi, Eistlandi, Litháen auk Íslands.Meira -
Liðið þarf smá tíma til að slípast saman
feykir.is Austur-Húnavatnssýsla, Íþróttir, Vestur-Húnavatnssýsla 16.05.2024 kl. 13.46„Leikurinn við Reyni var heilt yfir nokkuð vel spilaður. Sóknarlega náðum við að halda betur í boltann en við gerðum á móti Selfossi og við vorum að fá góðar opnanir hátt á vellinum en náðum ekki að nýta þær stöður nægilega vel,“ sagði Ingvi Rafn Ingvarsson, þjálfari Kormáks/Hvatar, þegar Feykir spurði hann út í leikinn gegn Reyni Sandgerði í 2. umferð 2. deildar en leikurinn fór fram á Dalvík um helgina. Leikurinn endaði með 1-3 sigri Sandgerðinga líkt og Feykir sagði frá.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.