Holóttir vegir – hol loforð
Holóttir þröngir malarvegir í rigningu og haustmyrkri eru stórhættulegir yfirferðar. Þessu kynnist maður vel nú á ferðum um kjördæmið í aðdraganda enn einna kosninganna. Þessir holóttu vegir bera gott vitni um hinn hola hljóm sem hefur verið í loforðum fyrir hverja kosningu á síðustu árum og áratugum. Það skiptir víst litlu máli þótt kosningar sé haldnar árlega, jafnvel oftar. Vegirnir eru áfram holóttir og áfram hljóma hol kosningaloforð.
Tekjurnar týnast í fjárlögum
Þegar ég keyri þessa holóttu vegi verður mér hugsað til skólabarna sem ekið er með tugi kílómetra daglega um þessar illfærur, öryggi barnanna og aðbúnað. Sama á raunar við þegar ekið erum þá vegi kjördæmisins sem teljast í alfaraleið, og eru jafnvel hluti af þjóðvegi 1. Hinn sk. Vesturlandsvegum er mjór, allur í blindhæðum og ber engan veginn þá umferð sem honum ber – sérstaklega ekki eftir miklu aukningu erlendra ferðamanna. 2 + 1 vegur myndi bæta stórlega þar úr.
Það þarf engan sérfræðing til þess að sjá að það þarf stórátak í vegamálum kjördæmisins. Tekjustofnar og fjármunir eru fyrir hendi. Hið opinbera innheimtir ýmsa skatta af vegfarendum í gegnum álögur á eldsneyti, skatta á bifreiðar og svo framvegis. En þessar tekjur virðast týnast í fjárlögum, að minnsta kosti birtast þær ekki sem framlög til samgöngubóta. Það sáum við nú síðast í þeim fjárlögum sem lögð voru fram á Alþingi nú í haust.
Týndar tekjur af Hvalfjarðargöngum
Gott dæmi af týndum tekjustofnum eru Hvalfjarðargöng. Frá því að göngin voru byggð hefur ríkið innheimt 3,2 milljarða í virðisaukaskatt ofan á veggjöldin – en í stað þess að renna til vegarbóta á svæðinu hafa þessir peningar runnið til annarra útgjalda í fjárlögum. Og svo tala menn um ný veggjöld á leiðum til og frá höfuðborgarsvæðinu – þangað sem íbúar kjördæmisins þurfa að sækja ýmsa þjónustu og jafnvel vinnu. Beinar tekjur sem ríkið hefur haft af Hvalfjarðargöngunum gætu svo vel farið í enduruppbyggingu og breikkun á þessum vegi. Þar eru miljarðar króna og ætti að skila áður til nábýlinga ganganna áður en talað er um ný veggjöld á þessari leið.
Héraðs- og sveitavegirnir kalla
Vegleysurnar kalla um um Vatnsnesið, Húnavatnssýslurnar inn til dala, Skagann um Skagafjörð og út á Reykjaströnd eða um Hegranesið, Borgarfjörð, Mýrar, Snæfellsnes, Skógarströnd, Dali, Vestfirði og Strandir. Það dugar lítt að kjörnir fulltrúar bendi á hver á annan um "að ekki hafi fengist stuðningur við þessa eða hina framkvæmdina". Vinur minn, bóndi á Vatnsnesi kallaði mig Vega - Bjarna. Mér þótti það hól. Það er rétt að ég hef farið reglulega um alla þessa vegi kjördæmisins og þekki vel óskir fólksins, íbúanna og finn til með þeim í vegleysunum. Svar mitt er, að ég treysti mér til og mun leggja mig allan fram í að bera fram óskir fólksins úr hinum dreifðu byggðum um bætt vegakerfi og fylgja þeim eftir á Alþingi.
Bjarni Jónsson
Skipar 2. sæti á lista VG í Norðvesturkjördæmi
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.