Kápa Íslands :: Áskorandapenninn Ragnheiður Sjöfn Jóhannsdóttir Hvammstanga
Það er fallegt að horfa út á Miðfjörðinn á svona degi, sólin að kíkja fyrir hornið og loforð um fallegt gluggaveður í dag. Maður drekkur í sig orkuna, sest svo niður til að rita smá pistil í Feyki.
Fyrir eins og 50 árum var ég alveg með á hreinu hvernig ég vildi hafa lífið fram undan. Ég ætlaði að mennta mig, finna mér svo mann og eiga slatta af börnum. Allt mjög hefðbundið.
Ég spjalla gjarnan við unga fólkið okkar í dag og spyr þá þessarar spurningar. Hvað langar þig að gera í lífinu? Þau segja gjarnan að þau vilji mennta sig mikið, ferðast mikið um heiminn, búa erlendis og kynnast mannlífi og siðum annarra þjóða.
Þegar ég hef tök á, spjalla ég einnig við ferðamenn og þá koma upp sömu hugmyndir, ferðast mikið og læra af öðrum þjóðum. Fólk er gjarnan að bæta við sig þekkingu á ákveðnum sviðum eða bara að skoða heiminn.
Þá spyr ég. Hvað erum við að bjóða þessum forvitnu ferðamönnum? Við viljum helst selja þeim þjónustu, gott og blessað. Þeir kaupa námskeið, ferðir og alls konar skipulögð ævintýri.
En við þurfum einnig að benda þeim á staði, eða gönguleiðir sem þeir gætu nýtt sér. Nú er ég að koma að því sem ég tel mikilvægt. Við þurfum að kenna þeim að umgangast landið.
Þegar ég var í leiðsöguskólanum 2010 var einn samnemandi minn (mikill áhugamaður um „ágang ferðamanna“) með hóp erlendra ferðamanna. Hann bað bílstjórann að stoppa á næsta útskoti á Keflavíkurveginum. Þar bað hann farþegana að koma aðeins með sér út fyrir veginn. Hann beygði sig niður og lyfti örlítilli mosató, varla lófastórri, og sagði: „Þetta er kápa Íslands. Það tók landið mitt nokkur hundruð ár að búa hana til. Mig langar að biðja ykkur að hjálpa mér að verja hana.“
Ekki fleira að sinni!
Ég skora á Valgerði Kristjánsdóttur, bónda á Mýrum 3, að skrifa pistil í Feyki.
Fleiri fréttir
-
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira -
Vala María bakar og fagnar fólki í Áshúsi
feykir.is Skagafjörður, Listir og menning, Mannlíf 15.05.2024 kl. 14.21Það er komið sumar þó hitastigin séu nú varla til skiptanna en farið er að örla á auknum túrisma. Sumarið kallar á meiri umsýslu á veitingastöðum og kaffihúsum og í Skagafirði er að sjálfsögðu opið á þeim stöðum sem jafnan eru opnir og nokkrir hafa bæst við með hækkandi sól. Þannig er Vala María Kristjánsdóttir nýr verkefnastjóri matarupplifunar í Áshúsi Byggðasafnsins í Glaumbæ en kaffihúsið opnar 20. maí.Meira -
Hópslysaæfing á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 15.05.2024 kl. 11.26Síðastliðna helgi var haldin hópslysaæfing þar sem viðbragðsaðilar af öllu Norðurlandi vestra tóku þátt. Til æfingarinnar mættu tæplega 200 manns þar sem æfð voru viðbrögð við fjölmennu slysi hópbifreiðar og fólksbifreiða.Meira -
Jón sækir okkur heim!
feykir.is Skagafjörður, Austur-Húnavatnssýsla 15.05.2024 kl. 10.00Forsetjaframbjóðandinn Jón Gnarr, fyrrverandi borgarstjóri Reykjavíkur og einn alvinsælasti listamaður landsins, er á faraldsfæti líkt og flestir ef ekki allir frambjóðendurnir. Hann ætlar að sækja Norðurland vestra heim laugardaginn í hvítasunnu, 18. maí, og verður fyrst á Hótel Blönduósi kl. 11 og býður síðan öllum áhugasömum í spjall í Sauðárkróksbakarí kl. 14.Meira -
Meistarar Vals reyndust Stólastúlkum sterkari
feykir.is Skagafjörður, Íþróttir 15.05.2024 kl. 09.26Ekkt tókst liði Tindastóls í Bestu deild kvenna í knattspyrnu að fylgja eftir tveimur flottum sigrum með því að leggja Íslandsmeistara Vals á Hlíðarenda í gær og reyndar að öllum líkindum ekki margir sem reiknuðu með því. Yfirleitt hefur liðið mátt þola stóra skelli gegn Valsliðinu en í gær náðu stelpurnar okkar að gera meira vesen fyrir Val en oftast áður. Við vorum meira að segja með forystuna í rétt tæpan hálftíma en á endanum voru gæði meistaranna augljós og þær unnu sanngjarnan 3-1 sigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.