Mig hefur alltaf langað til að verða bóndi :: Áskorandinn Ragnhildur Ásta Ragnarsdóttir Norðurhaga Húnabyggð
Þegar Jón Kristófer hafði samband og spurði mig hvort ég gæti tekið við áskoranda pennanum þá gat ég auðvitað ekki sagt nei, eins og vanalega þegar ég er spurð að einhverju. Ég hins vegar vissi ekkert hvað ég átti að skrifa um en lét til skara skríða.
Nú um áramótin keyptum við kærastinn minn, Dagur Freyr, jörðina og búið, Norðurhaga af foreldrum mínum. Við stundum hér búskap með rúmlega 500 kindum ásamt hrossum. Að taka við jörð svona ung er krefjandi en mjög skemmtilegt og það hlýjar manni mikið að vera vel tekin af samfélaginu hér. Ég stunda búfræðinám í LBHÍ ásamt því að vera eins mikið við búskapinn og mögulegt er.
Ég stundaði nám í Verkmenntaskólanum á Akureyri en fann mig aldrei í samfélagi borgarinnar. Eina sem sá skóli gaf mér var Dagur, sem stundaði þar húsasmíðanám, og er ég ævinlega þakklát fyrir það. Hann var nú samt alls ekki vanur sveitavinnu þar sem hann kom frá Akureyri, en lærðist þetta fljótt og líkaði honum vel. Svo tók covid yfir líf allra og fór ég í fjarnám eins og flestir aðrir. Mér fannst svo skemmtilegt í fjarnáminu að ég ákvað að skrá mig bara í fjarnám og stundaði það ásamt fullri vinnu bæði í sveitinni og utan hennar.
Að fara úr svona litlum skóla eins og í mínu tilfelli úr Húnavallaskóla, í stóran skóla eins og VMA og LBHÍ er risa stökk. Í bekknum mínum á Hvanneyri erum við jafn mörg og allur skólinn á Húnavöllum var þegar ég útskrifaðist þaðan. Ekki það að það er mjög skemmtilegt á Hvanneyri og ég hef lært mismikið af misgáfulegum hlutum þar. Samfélagið á Hvanneyri er vel haldið ungum, og vonandi, framtíðar bændum. Hér með skora ég á stórbóndann og frænku mína Önnu Margréti Jónsdóttur á Sölvabakka að skrifa næsta pistil.
Áður birst í 10. tbl. Feykis 2023
Fleiri fréttir
-
Þörfin fyrir heimilislækna | Bjarni Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.05.2024 kl. 16.16Að geta notið þjónustu heimilislæknis er ein af grunnþörfum okkar allra hvar sem við búum á landinu. Það er ekki síður mikilvægt að fólk hafi aðgang að föstum heimilislækni til að tryggja samfellu í þjónustunni. Þurfa ekki sífellt að bera sig upp við nýja lækna með mein sín, áhyggjur eða við heilsufarseftirlit. Aðgengi að góðri heilbrigðisþjónustu í heimabyggð eru grundvallarmannréttindi. Hér á landi höfum við búið við traust opinbert heilbrigðiskerfi þar sem öll eiga sama rétt til þjónustu óháð efnahag og stöðu. Um það er þjóðarsátt.Meira -
Lengi lifi rokkið - Gildran með tónleika í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.05.2024 kl. 15.00Hljómsveitin Gildran fagnar á næsta ári fjörtíu ára afmæli sínu og nú er hafa Skagfirðingar og nærsveitungar tækifæri til að mæta í Gránu nk.laugardagskvöld 18. maí og hefjast tónleikarnir kl. 20:30. Trommari Gildrunnar Kalli Tomm sem fæddur er og uppalinn í Mosfellssveit og hefur búið þar meira og minna öll sín ár er nú búsettur á Hofsósi. Feykir heyrði í nýbúanum á Hofósi og tók tal af honum í tilefni flutninga og komandi tónleika.Meira -
Ólík nálgun á snjallfækkun
feykir.is Skagafjörður, Mannlíf 16.05.2024 kl. 14.21Um fjörtíu háskólanemar og kennarar frá sex erlendum háskólum, af tólf þjóðernum, heimsóttu Byggðastofnun í gær á vegum Háskólaseturs Vestfjarða sem er hluti af alþjóðlegu samstarfi og skipuleggur sumarskóla í samstarfslöndunum Svíþjóð, Lettlandi, Finnlandi, Eistlandi, Litháen auk Íslands.Meira -
Liðið þarf smá tíma til að slípast saman
feykir.is Austur-Húnavatnssýsla, Íþróttir, Vestur-Húnavatnssýsla 16.05.2024 kl. 13.46„Leikurinn við Reyni var heilt yfir nokkuð vel spilaður. Sóknarlega náðum við að halda betur í boltann en við gerðum á móti Selfossi og við vorum að fá góðar opnanir hátt á vellinum en náðum ekki að nýta þær stöður nægilega vel,“ sagði Ingvi Rafn Ingvarsson, þjálfari Kormáks/Hvatar, þegar Feykir spurði hann út í leikinn gegn Reyni Sandgerði í 2. umferð 2. deildar en leikurinn fór fram á Dalvík um helgina. Leikurinn endaði með 1-3 sigri Sandgerðinga líkt og Feykir sagði frá.Meira -
Sigurbjörg ráðin yfirlæknir á HSN á Króknum
feykir.is Skagafjörður, Mannlíf 16.05.2024 kl. 11.25Sigurbjörg Ólafsdóttir, heimilislæknir, hefur verið ráðin yfirlæknir á HSN Sauðárkróki. Sigurbjörg lauk námi frá læknadeild Háskóla Íslands árið 2012 og hóf sérnám í heimilislækningum á HSN Sauðárkróki 2014. Hún hélt síðar til Svíþjóðar hvaðan hún lauk sérnámi árið 2020 og hefur síðan starfað þar á heilsugæslustöðvum sem heimilislæknir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.