Vetrarþjónusta, fjármálaráðherra og veruleiki dagsins
Á dögunum mælti fjármálaráðherra fyrir fjáraukalögum. Sá hann sérstaka ástæðu til að staldra við vetrarþjónustukostnað Vegagerðarinnar og klykkti út með: „Þar vísa ég til þess að í vetrarþjónustu, eins og annars staðar í stofnanakerfinu, er ekki hægt að útiloka að menn þurfi að aðlaga þjónustustigið að þeim veruleika sem mönnum er búinn við fjárlagagerðina. Það er hinn kaldi veruleiki svo margra stofnana í ríkiskerfinu og hlýtur að eiga við í Vegagerðinni.“
Fyrst að veðrið tekur ekki meira mið af fjárlagagerðinni þá skal sem sagt ekki moka þegar snjóar né hálkuverja þegar frýs.
Breyttur veruleiki í dreifbýli
Á undanförnum árum hefur margt breyst sem kallar á aukna umferð að vetrarlagi. Gífurlegir fiskflutningar sem krefjast t.d. afhendingar á viðkvæmri vöru á réttum stað og réttum tíma þarfnast öruggrar samgangna. Margs konar hagræðing og samdráttur hefur leitt til þess að íbúar sækja vinnu, menntun, heilbrigðisþjónustu og alls konar hluti milli byggðalaga á hverjum einasta degi allt árið um kring og til þess að svo megi vera þurfa vegir að vera opnir og greiðfærir. Þá er ónefndur skólaakstur með grunnskóla og leikskólabörn en allir sjá hve mikilvægt er að öryggissjónarmiða sé þar gætt. Stóraukin ferðamannastraumur, innlendra sem erlendra ferðamanna, sem með jákvæðum hætti er einnig að teygja sig inn á veturinn kallar á bætta þjónustu.
Gamaldags vegir á hægu undanhaldi
Holóttir og hálfófærir malarvegir eru ekki eknir nema af þeim sem nauðsynlega þurfa, þá þarf síður að hálkuverja og ökuhraði er af sjálfsdáðum hægur þar sem vegirnir eru illkeyrandi. Þó þetta sé enn þá veruleikin víða um land hafa þó helstu samgönguæðar verið lagðar bundnu slitlagi og við það vex umferðin gríðarlega, hraði eykst og þörf fyrir hálkueyðingu stóreykst.
Nýir vegir, vegakerfið lengist
Þá verður ekki horft framhjá því að vegakerfið lengist og merkilegt nokk þá þarf að þjónusta nýju vegina. Þverárfjallsvegur t.d. er að hluta fjallvegur, um 40 km langur. Til að þjónusta hann eru þá eknir 80 km miðað við að þjónustuaðilinn búi ekki við báða enda hans. Vatnsskarðinu var ekki lokað af þessu tilefni og því er komin til sögunnar aukin þörf fyrir þjónustu. Þetta hefur gerst víða um land.
Álag á þjónustuaðila
Starfsmenn Vegagerðarinnar og þeir sem vinna á þeirra vegum við vetrarþjónustu eru undir miklum þrýstingi og kröfum frá fyrirtækjum og almenningi um að halda vegum opnum sama hvað á dynur. Þessir aðilar þurfa stuðning og fjármuni til að sinna sínu brýna starfi.
Nútíma samfélag krefst þess að samgöngur séu greiðar. Ég er sannfærður um að þegar hæstvirtur fjármálaráðherra veltir þessu fyrir sér þá sér hann að þarna þarf að bæta í en ekki skera niður.
Hörður Ríkharðsson varaþingmaður Samfylkingarinnar Norðvestur kjördæmi.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.